Tíminn - 24.03.1990, Blaðsíða 12

20
HELGIN
Laugardagur 24. mars 1990
__________MARGFALDUR EVROPUMEISTARI I RALLI:______________
Foreldrarnir óttuðust um líf hans yrði hann flugmaöur. Gunnar Andersson:
Vildu að ég héldi
mig við jörðina
Gunnar Andersson var mikill rallkappi á árum áður. Hann hefur engu gleymt og hefur enn fullt vald yfir
bílnum. Andersson kenndi lögreglu, ökukennurum og blaðamönnum að beita ABS hemlum til hins ítr-
asta á dögunum. Hann segir aö ABS hemlamir séu gríðarleg framför og alltaf sé hægt að stýra bílnum
þrátt fyrír að nauðhemiað sé. Á þurrum og sléttum vegi með föstu slitlagi þarf bíli með ABS hemlum
um 7 metrum styttri vegalengd til að stöðva, sé ekið á 100 km hraða. ABS hemlar em að sögn Anders-
sons miklu betrí en venjulegir hemlar í um 80—90% tilvika.
Fyrir skömmu var staddur hér á
landi á vegum Volvo bílaverk-
smiðjanna í Svíþjóð, Gunnar And-
ersson, heimskunnur gamall ral-
lökumaður og keppnisstjóri Volvo
um árabil, margfaldur Evrópu-
mcistari í ralli o.fl.
Gunnar Andersson er flugvirki
að mennt og útskrifaður hjá
sænska flughernum. Hann segir
okkur að hann hafi viljað læra flug
en foreldrar hans hafi aftekið það
með öllu og talið minni hættu að
einkabamið dræpi sig í flugslysi ef
hann héldi sig við jörðina.
Keppnisferill hans í kappakstri
og ralli hófst árið 1954—1955. Þá
eignaðist Gunnar Jaguar XK 120.
Þetta var notaður bíll og í heldur
lélcgu ástandi sem hann gerði upp.
„Þegar ég hafði lokið við að stand-
setja Jagúarinn tók ég þátt í akst-
ursþrautaprófí í Gautaborg. Prófið
eða keppnin stóð í heila viku og
mér gekk mjög vel og dreif mig
því í kappaksturskeppni skömmu
síðar og þar sigraði ég, meðal ann-
ars Ferrari og fleiri hraðskreiðari
og öflugri bíla en minn og setti
brautarmet. Kannski var ástæða
fyrir velgengni minni þarna sú að
keppnin fór fram á malarbraut og
ég var vanur að aka á malarvegum
en andstæðingarnir síður. Þarna
hófst keppnisferillinn,“ sagði
Gunnar Andersson.
Andersson keypti sér síðar Volvo
PV 544 en sá bíll var hér kallaður
„kryppan“. Kappakstursdellan vatt
upp á sig og hann tók þátt í hverri
keppninnni af annarri og fjármagn-
aði þetta dýra áhugamál með því
að kaupa notaða bíla, gera þá upp
og selja síðan. Árið 1958 hafði
hann skrapað saman 30 þúsund
krónum sem var umtalsverð fjár-
hæð á þeim tíma. Hann hugsaði sér
að nota þá upphæð til að kosta sig
til keppni það árið á alþjóðavett-
vangi og hætta síðan og taka þaðan
í frá aðeins þátt í stöku keppni í
Svíþjóð.
Það tókst þó ekki því að honum
gekk svo vel á „kryppunni" að
hann hann vann hverja keppnina af
annarri og stefndi í að verða Evr-
ópumeistari í ralli það árið. Þetta
vakti mikla athygli á honum sem
ökumanni og á Volvo sem ekki var
þekkt bílmerki í Evrópu á þeim
tíma. Engelund, þáverandi forstjóri
Volvo hafði þá samband við And-
ersson og bauð honum starf við að
byggja upp keppnisdeild á vegum
verksmiðjanna. Volvo kryppan
hans Gunnars Anderssons hafði
nefhilega stóraukið eftirspum eftir
Volvobílum.
Eftir að keppnisdeild Volvo var
lögð niður upp úr 1980 hefur And-
ersson annast kynningar á öryggis-
þáttum Volvobíla út um allan heim
og haldið námskeið í ökutækni
með það að markmiði að menn
verði betri og öruggari ökumenn.
Hér á landi var Ándersson ásamt
tveim aðstoðarmönnum í einmitt
þessum tilgangi. Jafnframt voru ís-
lenskum lögreglumönnum, öku-
kennurum og tryggingafólki kynnt
ABS hemlakerfi, nýja gerð af mis-
munadrifslæsingu í fólksbíla og
búnað til að kenna akstur í hálku.
Andersson segir að ekki sú uppi
fyrirætlanir hjá Volvo um að reka
aftur sérstaka sport— eða keppnis-
deild eins og sumir framleiðendur
gera. Stefna fyrirtækisins sé að
framleiða sterka, örugga og end-
ingargóða bíla fyrir hinn almenna
vegfaranda. Hins vegar séu Volvo
bílar töluvert notaðir af keppnis-
mönnum og í Svíþjóð einni séu t.d.
milli 4—5 þúsund manns sem taki
þátt í allskonar keppni á Volvo bíl-
um.
Þetta geti menn einmitt vegna
þess hve bíllinn er sterkur og til-
tölulega lítið þurfi til að breyta
venjulegum Volvo í keppnisbíl. Þá
veiti einmitt hans deild ýmis konar
ráðgjöf til manna sem hyggja á
keppni á Volvo bílum. „Þú getur
bara hringt í mig ef þú ert að hugsa
um að keppa í ralli," sagði Anders-
son.
Andersson segir að áratugahefð
sé hjá Volvo fyrir því að framleiða
örugga bíla og árlega séu eyðilagð-
ir milli 100—120 bílar með í að
aka þeim á steinveggi eða i annars
konar árekstrum. Yfirleitt sé um að
ræða sýningarbíla á vegum verk-
smiðjanna og alltaf bíla í full-
komnu lagi. Þannig séu aldrei not-
aðir bílar sem hafa verið endur-
byggðir eftir klessur eða árekstra.
Sjálfur fer Andersson víða um
veröldina með gljáfægða bíla víðs-
vegar um heiminn á hveiju ári eins
og til Islands á dögunum. En ofl er
endað á þvi að sýnt er hvemig bíl-
amir duga í hörðum árekstri. Þá er
þeim hreinlega ekið á þetta 60—70
km hraða á steinvegg og síðan sýnt
að eftir slíkan árekstur er hægt að
opna allar hurðir.
Texti:
Stefán Ásgrímsson
Myndir:
Árni Bjarna
Hvíti bíllinn er með venjulega hemla en sá svarti er með ABS
hemla þar sem hjólin læsast aldrei. Lögreglumenn, ökukennarar
og blaðamenn fengu að þrautreyna muninn á hemlakerfunum und-
ir stjóm Gunnars Anderssonar, heimsþekkts rallökumanns. Bílun-
um var ekið upp í um 100 km hraða og síðan nauðhemlað í sjó og
krapaelgi og bægt um leið krappt Hvíti bíllinn dró öll hjól og rann
beint áfram. Sá dökki gerði það hins vegar ekki og náði beygjunni
og stöðvaðist
Þessi búnaður er til þess að kenna akstur í hálku eða lausamöl og
er ótrúlega góður. Okukennarinn getur lyft bflnum og létt á hjólum
hans hvort sem er að framan eða aftan og við verður hann laus á
veginum. Þannig er hægt að kenna nemandanum rétt viðbrögð við
því er bíllinn skrensar.