Tíminn - 14.03.1990, Blaðsíða 16
r. ?agi i 1 r tijfi i •m JW8gg ■0 Ls 680001 — 686300 j
* •
RÍKISSKIP
NUTÍMA FLUTNINGAR
Hatnarhúsinu v/Tryggvogötu,
S 28822
SAMVINNUBANKINN
í BYGGÐUM LANDSINS
>
. s
#
NORÐ- AUSTURLAND , f \
PÓSTFAX
TÍMANS
687691
íi0»B'‘-ASr0j
ÞRÖSTUR
685060
VANIR MENN
Tímiim
MIÐVIKUDAGUR 14. MARS 1990
Tapaði ríkið tæplega 900 millj. vegna afskrifta opinberra gjalda á síðastliðnum tveimur árum?
51 M I.K í U R
Sl m fAI R A i Rl
Um fímm hundruð milljónir króna hafa tapast af
innheimtum söluskatti og afskrifaðra dráttarvaxta af
honum, vegna gjaldþrota er áttu sér stað á árunum 1988
og 1989. Upphæðin skiptist þannig að rúmlega 228
milljónir voru afskrifaðar vegna söluskatts á umræddu
tímabili, en 270 milljónir króna vegna dráttarvaxta af
upphaflegum skuldum.
Þetta kom fram í svari fjármála-
ráðherra við fyrirspurn Margrétar
Frímannsdóttur um opinber gjöld
í gjaldþrotaskiptum. Fyrirspurnin
var borin fram í tveimur liðum og
annars vegar spurt um hversu mikl-
um fjárhæðum ríkið hefði tapað á
seinustu tveimur árum vegna af-
skrifta á söluskatti í gjaldþrotamál-
um. Hins vegar var spurt hversu
mikið hefði tapast við afskriftir
annarra opinberra gjalda á sama
tímabili. Ekki fengust nákvæm
svör hjá fjármálaráðherra við
seinni lið fyrirspurnarinnar, en
upplýsingar um afskriftir á árinu
1989 liggja ekki endanlega fyrir.
Afskriftir aðrar en vegna sölu-
skatts á árinu 1988 námu 190
milljónum samkvæmt heildarskila-
greinum tekna og er þá um að ræða
gjöld utan staðgreiðslu til skila í
ríkissjóð. Þetta glataða fé ríkis-
sjóðs á árinu 1988 skiptist nokkurn
veginn jafnt á milli félaga og ein-
staklinga, rúmar 95 milljónir voru
afskrifaðar hjá einstaklingum, en
tæpar 95 milljónir hjá félögum og
félagasamtökum. Langstærstu
upphæðirnar voru afskrifaðar hjá
Gjaldheimtunni í Reykjavík, eða
samtals 121 milljónir króna hjá
félögum og einstaklingum.
Samkvæmt bráðabirgðauppgjöri
fyrir síðasta ár nema afskriftir
gjalda fyrir utan staðgreiðslu til
skila 1 ríkissjóð um 56 milljónum.
Þess ber að gæta að inn í þetta
uppgjör vantar nokkrar gjald-
heimtur og þar á meðal gjaldheimt-
una í Reykjavík. Sé reiknað með
að afskriftir hennar vegna gjald-
þrota hafi verið svipaðar á árinu
1989 og árið 1988, er um lægri
upphæð að ræða fyrir árið í fyrra,
eða 177 milljón króna afskriftir.
Skiptingin á milli félaga og ein-
staklinga er samkvæmt bráða-
birgðauppgjörinu svipuð á síðasta
ári og hún var árið 1988.
Það skal tekið fram að þó að
þessar afskriftir hafi verið gerðar á
árunum 1988 og 1989, eru þær ekki
allar tilkomnar vegna skiptaloka á
þeim árum, þ.e. kröfur eru ekki
alltaf afskrifaðar á því ári sem
skiptalok verða. - ÁG
Saltfiskframleiðendur telja að fara verði varlega
ísakirnarefaukaáfrelsi í útflutningi ásaltfiski:
SÍF opið öllum
Utanríkisráðhcrra kannar nú
hvort veita eigi þeim aðilum sem
staðið hafa í útflutningi á ferskum
flöttum fiski tímabundið leyfl til
útflutnings á léttsöltuðum flöttum
flski. Könnun utanríkisráðherra á
þessu kemur í kjölfar þess að fulltrú-
ar nokkurra fyrirtækja, sem m.a.
hafa verið í útflutningi á ferskum
flöttum flski, sem síðan er saltaður
erlendis gengu á fund Jóns Baldvins
Hannibalssonar í fyrradag, til að
fara þess á leit að fá að flytja sjálf út
léttsaltaðan flsk framhjá sölukerfi
SÍF.
Hermann Hansson á Höfn sagði í
samtali við Tímann að það væri full
ástæða til að ræða hvort SÍF standi
sig sem saltfiskútflytjandi eða ekki,
aðspurður hvernig honum litist á
þær hugmyndir sem fram hafi komið
að heimila útflutning saltfisks
framhjá SÍF. Hann sagði að menn
mættu ekki gleyma því að SÍF eru
samtök allra saltfiskframleiðenda í
landinu og eiga að gæta hagsmuna
þeirra. „Mér finnst hins vegar fráleitt
að gefa eigi útflutning á saltfiski
frjálsan, vegna þess að ekki má
flytja út ferskan fattan fisk. Það er
fráleitt að setja þar samhengi á milli
og segja, úr því við megum ekki
flytja út ferskan flattan fisk, þá
verðum við að gefa saltfiskútflutning
frjálsan," sagði Hermann. Hann
sagði að það kæmi sér ekki á óvart
ef einhverjar breytingar yrðu á út-
flutningsfyrirkomulagi í saltfiski,
eins og í öðrum greinum, en menn
ættu ekki að taka ákvarðanir í fljót-
ræði.
Guðfinnnur Pálsson verkandi á
Patreksfirði tók í sama streng og
sagðist ekki vilja flana að neinu. „Ég
er ekki að segja að fyrirkomulagið
eigi að vera með þessum hætti um
ókomna tíð. Mér finnst að menn
verði að flýta sér hægt í þessu máli,“
sagði Guðfinnur. Hann sagðist ekki
sjá að það væri til bóta að heildsalar
væru að höndla með þessa hluti og
betur komið í höndum framleiðenda
sjálfra. „Ég er hins vegar ekkert að
segja að fyrirkomulagið þurfi að
vera með sama sniði og það er í
dag,“ sagði Guðfinnur. Hann sagði
að óvenjulegt ástand væri á saltfisk-
mörkuðunum einmitt núna, því
skortur væri á fiski og allir gætu selt.
„Það hafa komið þeir tímar og oftar
en einu sinni, að það geta verið
erfiðleikar á mörkuðunum. Þetta er
einmitt þannig mál að menn eiga að
flýta sér hægt,“ sagði Guðfinnur.
Utanríkisráðherra hefur meðal
annars haft á orði að framleiðendur
sem fluttu út ferskan flattan fisk,
standi nú uppi með mannafla, tæki
og búnað sem ekki er hægt að nýta.
Aðspurður sagði Hermann að það
væri ekkert sem bannaði þeim
mönnum að nota sína aðstöðu til að
framleiða saltfisk og gætu flutt hann
út með hefðbundnum hætti í gegn
um SÍF. „Ef þetta er spurning um
atvinnuöryggi fyrir það fólk sem
starfað hefur við þetta, þá þarf það
ekki að vera í hættu. Það er algjör
rangtúlkun," sagði Hermann.
í bréfi sem Jón Baldvin Hanni-
balsson utanríkisráðherra skrifaði
til SÍF, 13. mars á síðasta ári kemur
fram að ekki séu fyrirhugaðar neinar
breytingar á sölufyrirkomulagi salt-
fisks á mörkuðum SÍF. Ennfremur
segir að ráðuneytið hafi áhyggjur af
sölu saltfisks af lélegri gæðum sem
að vísu er úr íslensku hráefni, en
sem flutt er út ferskt og saltað
erlendis. Þá óskaði ráðuneytið eftir
samvinnu við SÍF um upplýsingar
um sölu á þessum fiski undir því
yfirskyni að um íslenskan saltfisk sé
að ræða og segir að ráðuneytið muni
beita sér fyrir því að enginn saltfisk-
ur sé seldur sem íslensk vara nema
sá saltfiskur sem saltaður er á ís-
landi. - ABÓ
Fimmtíu leitarmenn á 5 snjóbílum og 25 vélsleðum fóru til leitar í Biáfjöllum í gærkvöldi
Björgunarsveitir kallaðar til leitar að 16 ára skíðastúlku í Bláfjöllum:
Fannst heil á húfi
Björgunarsveitir á höfuðborgar-
svæðinu voru kallaðar út um átta
leytið í gærkvöld til að leita að
sextán ára stúlku sem farið hafði á
gönguskíði fyrr um daginn. Skipuleg
leit á beltatækjum björgunarsveit-
anna hafði ekki staðið í klukkustund
þegar stúlkan fannst í neyðarskýli
heil á húfi.
Stúlkan hafði verið ásamt skóla-
félögum sínum úr grunnskóla í
Reykjavík í Ármannsskálanum og
farið á gönguskíði upp úr hádeginu.
Þegar hún kom ekki fram um kvöld-
matarleytið hófu starfsmenn skíða-
svæðisins leit í nágrenninu en þegar
hún bar ekki árangur var óskað eftir
aðstoð björgunarsveitanna. Fimm-
tíu manns á fimm snjóbílum og 25
vélsleðum voru komnir upp í Bláfjöll
um kl 22:00 og stúlkan fannst síðan
rétt fyrir kl 23:00 eins og áður segir.
- BG
Aðstoð við skilnað
Þingkonur Kvennalistans, með
Málmfríði Sigðurðardóttur í
broddi fylkingar, hafa lagt fram
lagafrumvarp er gerir ráð fyrir
ríkið geti í vissum tilfellum veitt
ókeypis lögfræðiráðgjöf og aðstoð
vegna hjúskapar-, sambúðar- og
sifjaréttarmála.
Með lögfræðiráðgjöf eiga
kvennalistakonur við ráðgjöf og
upplýsingar varðandi réttarstöðu
aðila í hjúskap og óvígðri sambúð,
svo sem við slit hjúskapar eða
sambúðar. Með lögfræðilegri að-
stoð er átt við mál sem aðilar eiga
í varðandi forsjár-, framfærslu og
umgengnisréttarmál, við minni
háttar búskipti og önnur mál er á
reynir í þessum málaflokkum.
Til þess að eiga rétt á ráðgjöf,
eða aðstoð, samkvæmt frumvarp-
inu mega viðkomandi ekki hafa
hærri árstekjur en sem nemur tvö-
földum tekjuskattstofni sem ekki
greiðist tekjuskattur af. - ÁG