Tíminn - 05.04.1990, Blaðsíða 2
2 Tíminn
Fimmtudagur 5. apríl 1990
Samdóma álit þeirra er leigja út fundaraðstöðu í Reykjavík að hverskyns
ráðstefnu- og fundarhöld hafi vaxið hröðum skrefum síðari ár:
Sækja mörg hundruð manns
ráðstefnur í hverri viku?
Ljóst virðist að allskonar ráðstefnur og fundahöld hafa aukist
gífuriega hér á landi á undanfömum ámm, samkvæmt upplýs-
ingum þeirra sem sjá um leigu fundarsala á stærstu hótelum
borgarinnar. Tugir fundar- og ráðstefnusala em um þessar
mundir í notkun flesta daga. Virðist því Ijóst að hundmð og oft
þúsundir manna sitja jafnan á fundum samtímis í höfuðborginni,
oft daglangt og margir dag eftir dag.
Þetta má m.a. ráða af þeim fjölda
fréttatilkynninga sem blöðunum ber-
ast daglega um allskonar fundi, ráð-
stefnum og námsstefnur. Forvitnilegt
væri að vita hve mörgum ársverkum
hin „vinnuþjakaöa" þjóð íslendingar,
eyðir á fundum ef allt væri talið.
Lítum á eitt dæmi: I þeim bunka
fréttatilkynninga um fimdi og ráð-
stefnur sem blöðunum hafa borist
undanfama daga er m.a. ein frá
Fóstrufélagi íslands, sem gengst fyrir
opinni ráðstefnu á Loftleiðum dag-
ana 5. 6. og 7. april, um uppeldi og
menntun forskólabama og hlutverk
leikskóla. Fram kemur að rúmlega
400 manns (m.a. fulltrúar 40 sveitar-
félaga) muni sitja ráðstefnuna í heild
og auk þess margir hlusta á einstaka
fyrirlestra, sem em alls 23 undirbúnir
af um 35 manns samkvæmt dagskrá.
Leikum okkur nú að tölum: Áætla
má samkævmt áðurgreindu að um
500 manns veiji að meðaltali 3 dög-
um í ráðstefnuna, þ.e. undirbúning
hennar, störf við hana og fundarsetur.
Samtals em það þá um 1.500 „dags-
verkum“. Að frádregnu sumarleyfi
og helgidögum lætur nærri að vinnu-
dagar séu í kringum 225 á ári, þannig
að samtals veija menn nær 7 fullum
ársverkum (mannámm) í þessa einu
ráðstefnu, sem haldin er af stéttarfé-
lagi sem telur nokkur hundmð fé-
lagsmenn (stöðugildi fóstra í landinu
vom 423 árið 1986).
Þetta dæmi er eingöngu tekið hér
vegna þess að tölulegar upplýsingar
vom meiri og betri í í fréttatilkynn-
ingu Fóstmfélagsins en öðmm sam-
svarandi tilkynningum sem borist
hafa síðustu daga. Hversu margir
munu veija „dagsverki" og borga
fyrir það 23.300 kr. að hlýða á dr.
Warren Bennis á námsstefnu Stjóm-
unarfélagsins kemur t.d. ekki fram í
tilkynningu frá því félagi. Tíminn
leitaði sem áður segir upplýsinga um
þróunina hjá nokkmm þeirra sem
leigja út fundarsali. „Það er alveg
ljóst að fundahöld hafa aukist gífúr-
lega mikið á undanfomum ámm“,
sagði Wilhelm Wessmann á Holiday
Inn sem hefur áralanga reynslu af
leigu fundarsala á hótelum borgar-
innar. Hjá honum em nú einn, tveir
og jafúvel þrír fúndir og ráðstefnur
flesta daga.
„Fyrir svona áratug vom þetta aðal-
lega þessir hefðbundnu aðalfundir
fyrirtækja og félaga. Nú hins vegar
em þetta miklu meira allskonar fund-
ir og ráðstefnur um hin ólíkustu mál-
efni sem menn halda á hótelum borg-
arinnar. Jafnframt má taka með í
reikninginn að mörg stærri fyrirtækj-
anna eiga nú sjálf orðið svo fína að-
stöðu að þau halda alla sína fúndi í
eigin fundarsölum. Sum fýrirtæki
sem ég man að vom mikið með
stærri fundi á hótelunum fyrir nokkr-
um ámm em nú alveg horfin af þeim
markaði“, sagði Wilhelm.
„Við emm með 14 sali fyrir fúndi og
ráðstefnur sem taka frá tug og upp í
um 250 rnanns", sagði Haukur Ragn-
arsson á Hótel Loftleiðum. Þessa
sali, m.a. þá stærstu, sagði hann
meira og minna f notkun hvem ein-
asta dag, sem gefúr til kynna að tugir
og hundmð manna sitji fúndi og ráð-
stefnur daglega í þessu eina húsi. At-
hyglivert er að þótt fjöldi nýrra fund-
arsala hafi bæst við s.l. tvö ár (m.a. á
Hótel Sögu, Holiday Inn og Hótel
Örk) hafa Loftleiðamenn ekki merkt
samdrátt í innlendri eftirspum eftir
fúndarsölum. „Ég held að Islending-
ar séu mjög fúndaglaðir og virkir í
félagsstörfúm yfirleitt. Það er stöðug
aukning í fúndahöldum og ráðstefú-
um og ólíklegustu fyrirtæki, félög og
starfshópar farin að standa fyrir fúnd-
um og ráðstefnum“, sagði Haukur.
Hið sama var að heyra hjá Halldóri
Skaftasyni á Hótel Sögu, þar sem
fúndarsölum fjölgaði fyrir tveim ár-
um. Fundir og ráðstefnur em þar upp
á hvem dag, stundum margir í einu
og allt fúllt. Hann sagði þetta ganga
svolítið í bylgjum. Þegar t.d. hið op-
inbera gerði einhveijar ráðstafanir
sem koma þarf á framfæri fylgi slíku
oft mikil fúndahöld. Kom fram að
Saga hefúr t.d. fengið mikila fúndar-
sókn út á virðisaukaskattinn undan-
fama mánuði.
„Við emm vitanlega ósköp ánægðir
með þegar menn finna hjá sér þörf til
að halda fúndi og ráðstefnur og helst
þá hjá okkur", sagði Halldór kan-
kvíslega.
í Borgartúni 6 á rikið eina 8 sali og
herbergi til fúndahalda. Frá byijun
febrúar og fram í apríllok em þeir
meira og minna í notkun alla daga, en
miklu minna á öðmm tímum ársins,
samkvæmt upplýsingum umsjóna-
manns. - HEI
REGLUGERÐ SETT
UM UNNINN
FERSKAN FISK
Sjávarútvegsráðuneytið setti í gær
reglugerð um meðferð, frágang og
geymslu og flutning á unnum fersk-
um fiski. Með unnum ferskum fiski
er átt við fisk sem er hausaður, flatt-
ur, flakaður eða unninn á annan hátt.
Meginatriði reglugerðarinnar er
ákvæði um síðasta söludag á unnum
ferskum fiski með svipuðum hætti og
gildir um önnur fersk matvæli.
Reglugerðin öðlast gildi mánudaginn
9. april nk.
Til þessa hafa ekki gilt reglur hér á
landi um hámarksgeymslutíma á
ferskum fiski, áður en hann er seldur
á markaði eða tekinn til verkunar.
Samkvæmt fyrstu grein reglugerðar-
innar verða ferskar fiskafúrðir sem
að ofan greinir að vera komnar til
viðtakanda á vinnslu- eða dreifingar-
stað áður en sjö dagar eru liðnir frá
því að fiskurinn er veiddur. Auk þess
kveður reglugerðin á um nokkur al-
menn skilyrði um meðferð frágang,
geymslu og flutning ferskra fiskaf-
urða. Þá er kveðið á um tilkynninga-
skyldu til Ríkismats sjávarafúrða um
útflutning, en með því er allt eftirlit
Æfing hjá Víkingasveitinni og lögreglunni í Kópavogi:
Gíslataka í
Smárahvammi
Lögreglan f Kópavogi og Sérsveit
lögreglunnar, Víkingasveitin voru
með æfingu í Smárahvammi síð-
degis í gær. í húsi gamallar röra-
steypu sem þar er, höfðust þrír
menn við með einn gísl og var talið
að mennimir væm vopnaðir og var
því Víkingasveitin kölluð til. Um-
sátrið hófst á sjöunda tímanum.
Um klukkan hálf átta í gærkvöldi
hafði engin krafa komið frá gísla-
tökumönnunum önnur en sú, að
fjarlægja ætti bíl sem var í vegi
þeirra til undankomu. Gíslatöku-
mennimir höfðu bíl til umráða og
biðu færis að komast undan. Þegar
Tíminn hafði tal af lögreglu klukk-
an hálf átta, vora tveir gíslatöku-
mannanna utandyra, en sá þriðji
innandyra með gíslinn. Var helst
talið að þeir væm að leita undan-
komuleiða. Hins vegar vom fáar
leiðir um að velja til undankomu á
bíl, þar sem vegarslóðar er þama
em, vom á kafi í snjó og því erfitt
að átta sig á hvar þeir lægju.
Um hálf níu hafði Víkingasveitin
fikrað sig nær húsinu með það að
markmiði að loka öllum undan-
komuleiðum, áður en ákvörðun
yrði tekin um að gera áhlaup og
frelsa gíslinn. —ABO
auðveldað og flýtt fyrir útgáfú út-
flutningsvottorða sem fylgja þurfa
vömnni þegar hún fer úr landi.
Reglugerð þessi kemur ekki í veg
fyrir að fiskur sé flattur og fluttur
ferskur á erlendan markað til frekari
vinnslu. I fféttatilkynningu frá ráðu-
neytinu segir að hins vegar telji það
engu að síður að slík meðferð sam-
ræmist engan veginn góðum verk-
lagsreglum í fiskiðnaði og væntir
þess að útflytjendur fari eftir viður-
kenndum verklagsreglum í þessu
efni, því annars er hætt við að þeir
skaði eigin hagsmuni þegar til lengri
tíma er litið. Á sama hátt væntir ráðu-
neytið þess að nýstofnuð Aflamiðlun
taki tillit til þessara sjónarmiða við
veitingu útflutningsleyfa. —ABÓ
Tveir efstir úr M.R.
Alls bámst 60 smásögur í sam-
keppni menntamálaráðuneytisins
og Vöku- Helgafells, sem efnt var
til í tilefni 70 ára rithöfúndarafmæl-
is Halldórs Laxness. Verðlaun vom
afhent í húsi Menntaskólans í
Reykjavík í gær, en fyrstu verðlaun
25.000 kr. auk safns helstu verka
skáldsins hlaut Kristján Leósson,
M.R. Kristján er lengst til vinstri á
myndinni, en við hlið hans er Dag-
ur B. Eggertsson, einnig úr M.R.,
sem hlaut önnur verðlaun, ásamt
Þorkatli Óttarssyni, Verkmennta-
skóla Austurlands, sem hlaut þriðju
verðlaun. - ÁG
Fyrsta Boeing 757
afhent Flugleiðum
Fyrri Boeing 757 flugvélin af tveim-
ur, sem Flugleiðir festu kaup á var af-
hent félaginu formlega kl. 16.00 í
gær í Seattle í Bandaríkjunum. Flug-
vélin kemur hingað til lands að
morgni 10. apríl nk. og mun hún
hljóta nafnið Hafdís. Kaupverð vél-
arinnar er tæplega 50 milljónir doll-
ara eða um 3 milljarðar króna.
Nú eiga Flugleiðir tvær vélar í smíð-
um hjá Boeing verksmiðjunum, önn-
ur er af sömu gerð og sú sem afhent
var í gær, en hin er af gerðinni Bo-
eing 737-400, en með tilkomu henn-
ar verða þijár vélar af þeirri tegund
komnar í þjónustu Flugleiða. Flug-
vélamar tvær verða afhentar félaginu
á næstu vikum. Þá verða 5 nýjar þot-
ur í flota Flugleiða.
Nýjar Boeing 757 flugvélamar taka
við af DC8-63 flugvélum Flugleiða
sem þjónað hafa á Norður Atlants-
hafsflugleiðum félagins. Auk flugs
milli Luxemborgar og Bandaríkjanna
taka Flugleiðir upp beint flug með
nýjum flugvélum milli Stokkhólms
og Washington með millilendingu í
Keflavík og verður nýja flugleiðin
opnuð 7. maí nk.
Þá hafa Flugleiðir undirritað samn-
ing um kaup á tveim nýjum Boeing
flugvélum til viðbótar einni af hvorri
gerð og verða þær afhentar næsta vor.
—ABÓ