Tíminn - 18.04.1990, Blaðsíða 5

Miðvikudagur 18. apríl 1990
Tíminn 5
Fulltrúum Norðurlandaráðs meinað að sækja heim Lithauga, „vegna ótryggs ástands“:
Hætt við opinbera heim-
sókn til Sovétríkjanna
Páll Pétursson, forseti Norðurlandaráðs, ákvað í gær
að höfðu samráði við fulltrúa í forsætisnefnd ráðsins að
hætta við fyrirhugaða heimsókn sendinefndar frá
Norðurlandaráði til Æðsta ráðs Sovétríkjanna og Eystra-
saltsríkjanna. Ástæðan er sú tilkynning Sovétmanna að
ekki geti orðið af heimsókn nefndarinnar til Lithauga-
lands.
Fyrirhugað var að sjö manna
sendinefnd Norðurlandaráðs undir
forsæti Páls legði af stað í umrædda
ferð þann 10. næsta mánaðar. Ferð-
inni hefur verið aflýst og nú er talið
ólíklegt að hún verði nokkurn tíma
farin.
„Málið er það að okkur barst bréf
frá formanni utanríkisnefndar
Æðsta ráðsins á mánudagskvöld,
þar sem því var fagnað að við værum
á leiðinni til Sovétríkjanna, en tekið
fram að ekki gæti orðið af heimsókn
til Litháen nú vegna þess ástands
sem ríkti þar,“ sagði Páll í samtali
við Tímann í gær. „Úr því að
Sovétmenn vilja ekki hleypa okkur
þangað sáum við ekki ástæðu til þess
að vera að heimsækja þá. Það var
ekki um annað að gera úr því þeir
láta svona.
Norðurlandaráð vill að sjálfsögðu
stuðla að friðsamlegri lausn þeirra
deilna sem þarna eru uppi. Við
leggjum höfuðáherslu á að þessi
ágreiningur verði leystur við samn-
ingaborðið. Við höfum fullan skiln-
ing á sjálfsákvörðunarrétti þjóða og
þeir sem tala fyrir munn Litháa núna
séu rétt kjörnir fulltrúar sinnar
þjóðar. Óskir þeirra um sjálfstæði
ber að virða, þó það taki einhvern
tíma að ná bindandi samkomulagi
við Sovétmenn þar um. Það er líka
mikilvægt að raska ekki hinni merki-
legu þróun sem hefur átt sér stað á
undanförnum árum undir forystu
Gorbatsjof og að gera ekki neitt sem
veikir stöðu þeirra manna í Sovét-
ríkjunum sem vilja stuðla að frið-
samlegri sambúð þjóða.“
Aðspurður um hvert yrði fram-
hald málsins sagði Páll að boltinn
Páll Pétursson, forseti Norðurlanda-
ráðs.
lægi nú hjá stjórnvöldum í Sovétríkj-
unum en beðið væri eftir svari frá
þeim. Erindi Sovétmanna hefði hins
vegar ekki komið sér á óvart.
Ólafur G. Einarsson, formaður
þingflokks Sjálfstæðismanna og ann-
ar fulltrúa Islands í forsætisnefnd
Norðurlandaráðs hefur í framhaldi
af þessu máli sent inn erindi til
formanns Norðurlandaráðs, Páls
Péturssonar, þar sem hann stingur
upp á að kannaður verði vilji forsæt-
isnefndarinnar til þess að senda
fulltrúa beint og milliliðalaust til
Lithaugalands. Yrði þá sótt um
vegabréfsáritun til stjórnvalda í Lit-
haugalandi.
„Hugmynd Ólafs er fyrst og fremst
að erta Rússa og reyna að slá sér upp
í leiðinni,“ sagði Páll.
-ÁG
Bændur á Austurlandi og yfirvöld
landbúnaðarmála funda um hvort farga
^kuli fjórtán þúsund ám eða ekki:
Akvðrðun
verður að
taka strax
Ákvörðun um hvort farið verður
út í að skera niður allt sauðfé á
svæðinu milli Lagarfljóts og Jökulsár
á Brú verður að öllum líkindum
tekin í dag. Bændur á svæðinu áttu
tvo fundi með fulltrúum Sauðfjár-
veikivarna á laugardag þar sem fram
kom að mikil meirihluti heima-
manna er því hlynntur að skorið
verði niður.
Fundirnir voru haldnir í Fellabæ
og á Fljótsdal. Á öðrum þeirra var
samþykkt samhljóða að ganga ætti
til samninga við ríkið um samfelldan
niðurskurð en á seinni fundinum var
um þriðjungur fundarmanna mót-
fallinn niðurskurði. Ekki hefur enn
borist neitt tilboð til bænda frá
ríkinu vegna þessa máls en ríkis-
stjómin fól landbúnaðarráðherra
fyrir páska að ganga til viðræðna við
bændur um niðurskurð. Þá hefur
ekki verið ákveðið hvernig aðgerð-
irnar verða fjármagnaðar ef af þeim
verður.
Aðalsteinn Jónsson, formaður
stjórnar Búnaðarfélags Austur-
lands, sagði í samtali við Tímann í
gær að ekki lægi neitt fyrir um hvort
af niðurskurði yrði eða ekki. Hins
vegar þurfi að taka af skarið mjög
fljótlega og helst í dag, í ljósi þess
að fljótlega þurfa bændur að panta
áburð og aðrar rekstrarvörur fyrir
sumarið. Aðalsteinn segist líta svo á
að ákvörðun um málið verði tekin í
samráði fjárskiptanefnda á svæðinu,
búnaðarfélagsins og landbúnaðar-
ráðuneytisins.
Ef skorið verður niður á umræddu
svæði verður það stærsti samfelldi
niðurskurður sem framkvæmdur
hefur verið hingað til. Um er að
ræða 55 býli og samtals 13.400 fjár.
Þar af hefur þegar verið ákveðið að
skera rúmlega eitt þúsund fjár og ef
ekki nást samningar verður gengið í
að aflífa féð áður en sauðburður
hefst. Á um 30 af 55 bæjum hefur
verið skorið niður áður og eru við-
komandi bændur ýmist fjárlausir
eða búnir að taka fé aftur. Því til
viðbótar eru uppi grunsemdir um að
á 12 bæjum sé riðuveikismit til
staðar.
Áður hefur sauðfé verið skorið
niður í nokkrum áföngum á svæðinu
frá Lagarfljóti suður í Reyðarfjarð-
arbotn. Sauðfé á því svæði var álíka
margt og rætt er um að skera niður
í einu lagi núna. -ÁG
Aukatónleikar Sinfóníuhljómsveitarinnar:
Amerísk söngleikjatónlist
Tónlist úr amerískum söngleikj-
um verður viðfangsefni Sinfóníu-
hljómsveitar íslands á aukatónleik-
um hljómsveitarinnar n.k. föstudag,
20. apríl í Háskólabíói. Tónleikarnir
hefjast kl. 20.30
Verk verða flutt eftir John Wil-
liams, Aaron Copland, Leonard
Bemstein, Lemer og Loewe, Eric
Knight, Rodgers og Hammerstein,
Cole Porter og Leigh og Hayman.
Meðal annars verða flutt verk úr My
Fair Lady, Kiss me Kate, Gigi,
Carouseile og The Cowboys.
Einsöngvarar verða bandarísku
söngvaranir Ann Gresham, sópran
og James Javore, baritón.
Ráöstefna Félags íslenskra sjúkraþjálfara um heilbrigðismál:
Frá getnaði til grafar
Félag íslenskra sjúkraþjálfara
efnir til ráðstefnu um heilbrigðis-
mál dagana 20. til 21. apríl nk.
undir yfirskriftinni, „Heilbrigði frá
getnaði til grafar". Á ráðstefnunni
verður fjallað um heilbrigði og
fyrirbyggjandi aðgerðir í anda Al-
þjóða-heilbrigðisstofnunarinnar
um heilbrigði fyrir alla árið 2000.
Ráðstefnan verður haldin í Borgar-
túni 6.
Fjölmargir fyrirlestrar verða
fluttir á ráðstefnunni um efni er
snertir alla íslendinga á einn eða
annan hátt. Meðal þess sem fjallað
verður um eru slitsjúkdómar í
atvinnulífinu og gildi þess að til-
einka sér réttar vinnustellingar,
auk þess sem fjallað verður um
neysluvenjur, mataræði og reyk-
ingar. Seinni ráðstefnudaginn
verður barnið í brennidepli en
þann dag verða fluttir fyrirlestrar
um ungbarnið og foreldrafræðslu.
Auk þess verða fyrirlestrar um
íþróttir, bæði innan skólakerfisins
og í íþróttafélögunum.
Félag íslenskra sjúkraþjálfara er
fimmtugt um þessar mundir og er
ráðstefnan liður f fjölþættu
fræðsluátaki tengdu afmæli félags-
ins. -ABÓ
Aðalfundur
Samvinnubankans
Aöalfundar Samvinnubanka íslands h.f., veröur haldinn aö Hótel Sögu, Súlnasal,
föstudaginn 27. apríl 1990 kl. 13.30.
Dagskrá:
1. Skýrsla bankaráðs um starfsemi bankans fyrir sl. starfsár.
2. Lagöir fram endurskoðaðir reikningar bankans fyrir sl.
reikningsár.
3. Lögö fram tillaga um kvittun til bankastjóra og bankaráðs fyrir
reikningsskil.
4. Önnur mál sem tilkynnt hafa veriö bankaráði meö löglegum
fyrirvara, sbr. 69. gr. hlutafélagalaga.
5. Kosning bankaráös.
6. Kosning endurskoöenda.
7. Ákvöröun um þóknun til bankaráös og endurskoðenda.
8. Ákvöröun um greiöslu arös.
9. Önnur mál.
Gert er ráö fyrir aö lögö veröi fram tillaga um sameiningu Samvinnubanka íslands hf.
viö Landsbanka íslands, samanber 4. dagskrárliö hér aö framan. Veröi tillagan
samþykkt falla dagsskrárliöir 5 - 8 sjálfkrafa niöur.
Aögöngumiöar og atkvæðaseðlar til fundarins veröa afhentir á fundarstað.
Bankaráð Samvinnubanka íslands hf