Tíminn - 19.04.1990, Blaðsíða 3

Fimmtudagur 19. apríl 1990
Tíminn 3
Aukin áhugi er á að nota dáleiðslu til lækninga
DALEIÐSLUSYNINGAR
EKKI HÆTTULAUSAR
Hér á landi er staddur enski dávaldurinn Peter Casson, en
hann hefur stundað dáleiðslu í hartnær hálfa öld eða frá 14 ára
aldri. Casson skemmti íslenskum áhorfendum með dáleiðslu-
sýningu í Háskólabíói á annan dag páska og í sjónvarpsþætti
Hemma Gunn í gærkvöldi. Dæmi eru um að einstaklingar sem
hafa veríð dáleiddir á dáleiðslusýningum hafi orðið fyrír óþæg-
indum eins og höfuðverk og jafnvel geðflækjum. Casson þessi
mun hins vegar vera mjög fær á sínu sviði.
Jakob Jónasson geðlæknir hefiir not-
að dáleiðslu við lækningar hér á landi
í um tuttugu ár. Hann sagði að sér
þætti ekki æskilegt að nota svo góða
lækningaaðferð sem dáleiðslan er til
skemmtunar. Jakob sagðist hafa heyrt
um einstaklinga sem átt hafa í erfið-
leikum eftir að hafa verið dáleiddir á
skemmtunum. Þá er einkum um það
að ræða að fólk hefur ekki fyllilega
losnað úr því ástandi sem því var
komið í á skemmtuninni. í fæstum
tilfellum er um að ræða alvarleg ein-
kenni, fólk fær kannski hausverk eða
eitthvað þess háttar. Dæmi eru þó til
um fólk sem hefur fengið einkenni
sem kenna má við geðveiki eftir slíka
dáleiðslu.
Jakob sagði að yfirleitt þekktu þeir
sem fengjust við dáleiðslu á skemmt-
unum dáleiðsluaðferðina mjög vel.
Þeir gætu valið úr fólk sem ekki þolir
að leikið sé með það á þennan hátt.
Fólk er misnæmt fyrir dáleiðslu.
Suma er illmögulegt að dáleiða og
nokkrir eru þannig gerðir að varasamt
er dáleiða þá. Jakob sagðist telja að
flestir sem fást við dáleiðslusýningar
kunni til verka.
I fréttatilkynningu frá þeim sem
standa að sýningu Cassons í Háskóla-
bíói segir að hann sé talinn „stórkost-
legasti dávaldur seinni tíma“ og talað
er um að mikill fengur sé að fá til
landsins „þennan magnaða og snjalla
dávald sem hefúr einstaka hæfni í dá-
Casson fór létt með að dáleiða fólk á skemmtuninni. Hér má sjá nokkra þátttakendur í dái. Tímamynd Pjetur
leiðslu". Engin ástæða er því til að ef-
ast hæfni Cassons. Hins vegar hafa
komið hingað til lands dávaldar sem
ástæða er fyrir fólk að vara sig á.
Lítið er um dáleiðslusýningar í Bret-
landi heimalandi Cassons og svo
virðist sem minni áhugi sé sýningum
af þessari tegundum víða um heim.
Dáleiðsla er allmikið notuð við
lækningar á geðrænum kvillum.
Ahugi á dáleiðslu sem læknisaðferð
hefur heldur vaxið á seinni árum.
Jakob Jónasson sagði að með dá-
leiðslu sé hægt að róa sjúklinga niður
sem er mikilvægt þegar þeir eru
spenntir og kvíðnir. Með dáleiðslu er
einnig hægt að komast í beint sam-
band við undirvitundina. Með því að
hafa áhrif á hana geta orðið breyting-
ar á sjúklingnum til batnaðar.
- EÓ
Z)reymir þig stundum
um að vinna milljónir?
UPPLÝSINGAR: SÍMSVARI 681511 - LUKKULÍNA 991002