Tíminn - 03.05.1990, Blaðsíða 20
RÍKISSKIP
NÚTÍMA FLUTNINGAR
Hafnarhúsinu v/Tryggvagötu,
_____g 28822
,gán«i‘au
okkarf^
UERflBBÉFflVfBSKIPTI
SAMVINNDBANKANS
SUÐURLANDSBRAUT 18. SÍMI: 688568
PÓSTFAX
TÍMANS
687691
LONDON-NEWYORK-STOCKHOLM
Kringlunni 8-12 Sími 689888
9
íimirm
FIMMTUDAGUR 3. MAÍ1990
Morðið í Stóragerðinu:
Fjögur úrskurðuð
í gæsluvarðhald
Þrír karlmenn og ein kona voru úrskurðuð í
gæsluvarðhald í Sakadómi Reykjavíkur seint í gær-
kvöldi í tengslum við rannsóknina á morðinu á
bensínafgreiðslumanninum í Stóragerði.
Tveir karlmenn voru ur-
skurðaðir í gæsluvarðhald fram til
23. maí en konan og þriðji karl-
maðurinn fram til 9. maí. Eins og
komið hefur fram voru tveir menn
og ein kona handtekin á mánudag
og lögð fram krafa um gæsluvarð-
hald yfir þeim í fyrrakvöld. Fjórði
maðurinn var svo handtekinn í
fyrrakvöld í framhaldi af yfir-
heyrslum yfir þremenningunum.
Hann var úrskurðaður í gærkvöldi
í gæsluvarðhald fram til 23. maí.
Helgi Daníelsson yfirlögreglu-
þjónn hjá rannsóknarlögreglu
ríkisins sagði í samtali við Tímann
seint í gærkvöldi að mennirnir
tveir sem úrskurðaðir voru fram
til 23. maí væru grunaðir um beina
aðild að verknaðinum sem fram-
inn var á bensínstöðinni í Stóra-
gerði.
Þau tvö sem úrskurðuð voru í
gæsluvarðhald fram til 9. maí eru
grunuð um auðgunarbrot sem
upplýstist um við morðrannsókn-
ina. Rannsóknarlögregla vildi
ekki svara frekari spurningum um
málið í gærkvöldi og bar því við
að ekki væri búið að fullrannsaka
málið.
Þessir þrír aðilar eru ekki meðal
þeirra fimm sem sérstaklega voru
færðir til yfirheyrslu vegna málsins
í síðustu viku. Sögusagnir um að
skotvopni hafi verið beitt, eiga
ekki við nein rök að styðjast.
Fólkið sem nú hefur verið úr-
skurðað í varðhald hefur áður
komið við sögu lögreglu.
-ABÓ
mmm
mmmm
Samiðtilfimm áravið
Blaðaprentsblöðin:
Oddi keypti
vélar og tæki
Blaðaprents
Prentsmiðjan Oddi hefur keypt
vélar og tæki Blaðaprents. Oddi
hefur jafnframt gert samning við
Tímann, Þjóðviljann, Alþýðublaðið
og Pressuna um prentun. Samning-
urinn er til fimm ára. Að sögn Knúts
Signarssonar, skrifstofustjóra Odda,
er stefnt að því að flytja prentvélina
í núverandi húsnæði Odda. Hann
sagði jafnframt að með kaupunum
vildi Oddi færa út kvíamar og að
markmiðið væri að prenta í nýju
prentvélinni fleiri blöð en þau blöð
sem hingað til hafa verið prentuð hjá
Blaðaprent.
Hrafn Magnússon, stjórnarfor-
maður Blaðaprents, sagði að á næstu
vikum yrði tekin ákvörðun um
framtíð Blaðaprents. Félaginu hefur
ekki verið slitið, en eins og er hefur
það engin verkefni. -EÓ
Stálu tölvubúnaði
úr eftirlitslausu
sendiráði íslands
Brotist var inn í sendiráð fslands
í Washington í Bandaríkjunum í
fyrrinótt. Tveimur tölvum, prent-
urum og ýmsum búnaði tengdum
tölvum var stolið og síma og sím-
svara tengdum honum. Móðurtölv-
una létu innbrotsþjófarnir vera og
hrósuðu sendiráðsmenn happi yfir
því, en þar er geymt mikið safn
upplýsinga er sendiráðið þarf að
grípa til dags daglega.
Það vekur óneitanlega athygli
að ekkert þjófavarna- eða öryggis-
kerfi var í sendiráðinu og áttu
innbrotsþjófarnir því greiða leið
inn.
Jóna Valdimarsdóttir ritari í
sendiráðinu sagði í samtali við
Tímann í gær að hún hefði komið
að brotinni útihurð þegar hún kom
til vinnu sinnar í gærmorgun. Fljót-
lega var haft samband við banda-
rísku leynilögregluna, sem er sér-
stakur tengiliður sendiráðsins ef
mál af þessu tagi koma upp. Því
næst var haft samband við almennu
lögregluna. Jóna sagði að lögreglu-
menn hefðu unnið mikið tæknistarf
og lagt sig í líma við að ná fingra-
förum, en hún vissi ekki hvort það
hafði borið árangur.
Tölvurnar tvær sem þjófarnir
höfðu á brott með sér voru báðar
af gerðinni IBM, PS tölvur. Jóna
sagði þær hafa verið keyptar hér
heima á íslandi. „Við gerðum það
því við þurfum að hafa íslensku
stafina á lyklaborðinu. Ég hugsa
að þeir sem brutust hér inn hafi
ekki áttað sig á því að lyklaborðið
er öðruvísi en menn eiga að venjast
í Bandaríkjunum.“ sagði Jóna.
t gær var utanríkisráðuneytið
þegar farið að gera ráðstafanir til
að útvega tölvur fyrir sendiráðið,
því ekki er hægt að komast að
móðurtölvunni nema útstöðvar séu
til staðar. Ekki er líklegt að röskun
verði á starfsemi sendiráðsins, að
neinu marki því skrifleg afrit eru
tekin af öllum skjölum og þau
geymd í skjalasafni sendiráðsins.
-ES
Þrotabú Saltsölunnar og Vikurskips:
Kröfur 500 milljónir,
eignir nánast engar
Lýstar kröfur í þrotabú Saltsöl-
unnar eru 237 milljónir króna, auk
kröfu upp á 7 milljónir peseta frá
spænskum aðila. Kröfur í þrotabú
Víkurskipa eru vel yfir 300 milljónir
króna þegar allt er talið. Víkurskip
á nánast engar eignir og Saltsalan
mjög litlar. Það er því ljóst að í
þrotabúum þessara tveggja fyrir-
tækja, sem bæði eru í eigu Finnboga
Kjeld, hafa tapast yfir hálfur millj-
arður króna.
í gær var haldinn skiptafundur þar
sem lögð fram skrá yfir lýstar kröfur.
Ragnar Hall skiptaráðandi mun að-
eins taka afstöðu til forgangskrafna
vegna þess að eignir eru nánast
engar. Ekki er búið að taka afstöðu
til allra forgangskrafna, en ágrein-
ingur er um einstakar kröfur. í
Víkurskip er krafist forgangsréttar
fyrir rúmum 49 milljónum og í
Saltsöluna fyrir um 11 milljónum.
Nýr skiptafundur verður haldinn
eftir tvær vikur og þá verður fjallað
um ágreining um forgangskröfur.
-EÓ
myndinni.
T/mamynd Pjel
„Engin ábyrgö tekin á pólitískum eftirmálum“:
Að fara í buxur
og brjóta lögin
Islendingar í Bandaríkjunum
gætu átt von á því að sjá fólk ganga
um í stuttbuxum, gerðum úr íslenska
fánanum. Lítill vafi er á því að
samkvæmt íslenskum fánalögum er
þessi notkun á fánanum óheimil,
einkum vegna þess að buxurnar eru
ekki einvörðungu í fánalitunum,
eins og oft tíðkast um slíkar vörur,
heldur er sjálfur fáninn sniðinn í
buxur. í fánalögum segir m.a.:
„Óheimilt er að nota fánann í firma-
merki, vörumerki, eða á söluvarn-
ing, umbúðir um eða auglýsingu á
vörum.“
Samkvæmt orðanna hljóðan væri
óheimilt að ganga í slíkum buxum á
almannafæri á íslandi.
Þessi tegund af stuttbuxum er
framleidd í Bandaríkjunum undir
vörumerkinu „Peace Frogs“ eða
Friðar froskar af fyrirtæki sem heitir
Crispies. Augljóslega gera fram-
leiðendur sér grein fyrir að varning-
urinn getur orkað tvímælis. í sér-
stökum miða sem fylgir stuttbuxun-
um er ábyrgðinni á því að einhver
láti sjá sig í þeim varpað yfir á þann
sem klæðist þeim hverju sinni. Fram-
leiðendurnir taka sérstaklega fram
að þar sem stuttbuxurnar séu búnar
til úr íslenska fánanum og fyrirtækið
taki enga ábyrgð á pólitískum eftir-
málum, sem það kunni að hafa í för
með sér að ganga í þeim. Rétt er að
taka fram að fyrirtæki þetta býður
upp á buxur gerðar úr þjóðfánum
annara ríkja.