Tíminn - 04.05.1990, Blaðsíða 5

Hvað varð um mótmæli íbúa Grafarvogs gegn sorpböggun í hverfinu? Umræða um
sorpböggunarstöð utan dagskrár í borgarstjórn í gær. Alfreð Þorsteinsson:
Af hverju faldi Davíd
mótmæli Grafarvogsbúa?
„Alveg síðan 16. sept. sl. hafa legið fyrir skýr mótmæli
íbúasamtakanna í Grafarvogi. ibúarnir sendu borgar-
stjóra rökstutt mótmælaskjal sem borgarstjóri stakk
undir stól og hefur ekki haft fyrir að sýna borgarfulltrúum
annarra f lokka. í þessum mótmælum kemur f ram skýlaus
krafa íbúasamtakanna gegn sorpböggunarstöð í Gufu-
nesi. Hverju sætir það að borgarstjóri kvs að fela bessi
mótmæli? Voru þau ekki boðskapur til borgarstjórnar
allrar svo hún fengi að vita hvern hug íbúasamtökin
bera i þessu máli?“
Þetta voru orð Alfreðs Þorsteins-
sonar í borgarstjóm Reykjavíkur í
gær en Alfreð kvaiidi sér hljóðs utan
dagskrár á fundi borgarstjórnar
vegna kæru þeirra Sigrúnar Magnús-
dóttur borgaríulltrúa Framsóknar-
flokks og hans til félagsmálaráðherra
út af staðsctningu sorpböggunar-
stöðvarinnar í Gufunesi.
Jafnframt kærunni krefjast þau
þess að byggingaleyfi sorpböggunar-
stöðvarinnar verði afturkallað á
þeim stað sem stöðinni er ætlað að
standa þar sem hún brjóti í bága við
aðalskipuiag.
Alfreð minnti á áðurnefnd mót-
mæli Grafarvogsbúa og sagði: „I sjö
mánuði hefur borgarstjóri lcgið á
þessu mótmælaskjali og beitt vísvit-
andi blekkingum í þá veru að í raun
og veru sé hugur íbúanna í Grafar-
vogi allt annar: Nefnilega sá að þeir
séu hæstánægðir með staðsetningu
stöövarinnar á þeim stað sem hún á
að rísa.“ sagði hann.
Um kæru þeirra Sigrúnar Magnús-
dóttur til félagsmálaráðherra sagði
Alfreð að hún ætti ekki að koma á
óvart og vísaði í því efni til bókunar
sinnar í skipulagsnefnd 25. sept sl.
þar scm eðlilegast cr talið að sam-
þykktir sem gerðar hafa verið í
málinu verði afturkallaðar og að
auglýstar verði breytingar á aðal-
skipulagi til að íbúar Grafarvogs fái
með formlegum hætti tækifæri til að
gera athugasemdir eins og þeir eiga
kröfu til.
„Kjarni þessa máls snýst auðvitaö
fyrst og fremst um það aö verið er
að korna fyrir starfsemi í nágrenni
fjölmennrar íbúðabyggðar sem íbú-
arnir kæra sig ekki um og eiga ekki
að þurfa að þoia, sé fariö að lögum.“
sagði Alfreð.
Hann sagði að viðbrögð borgar-
stjóra við kærunni væru mjög sér-
kennileg. Hann hefði gcrt að aðal-
atriði að kærufrestur samkv. 2. kafla
byggingalaga grein 2, l .3. væri að-
eins þrír mánuðir og kærufrestur því
útrunninn. Málflutningur borgar-
stjóra væri á misskilningi byggður
því að kært væri á grundvelli 14.
greinar byggingalaga þar sem segir
að byggingaleyfi veiti ekki heimild
til framkvæmda scm brjóta í bága
við skipulag og ákvæði laga og
reglugerða eða rétt annarra.
Davíð Oddsson svaraði ekki neinu
um afdrif mótmæla íbúa Grafarvogs
gegn sorpstöðinni og þar með áfram-
haldandi sorpmeðferð í hverfinu og
umferð í tengslum við hana um
ókomna tíð. Hann taldi kæru Al-
freðs og Sigrúnar helst komna til
vegna nálægra kosninga enda væri
kærufrestur löngu liðinn.
Auk Alfrcðs og borgarstjóra tóku
Bjarni P. Magnússon og Sigurjón
Pétursson lil máls við umræðuna um
sorpböggunarstöðina í Grafarvogi.
Bjarni minnti á tillögur sínar um að
í stað sorpböggunar og urðunar yrði
reist fullvinslustöð fyrir sorp. Hann
kvaðst myndu styðja staðsetningu
slíkrar stöðvar í Gufunesi. _sa
Fyrsti áfangi Islenska stálfélagsins tekinn í notkun:
Málmtætarinn ræstur
Morðmáliö í Stóragerði:
Kæra gæslu-
varðhaldið
Föstudagur4. maí 1990
Tíminn 5
í gær opnaði Júlíus Sólnes um-
hverfisráðherra fyrsta áfanga málm-
bræðslu íslenska Stálfélagsins í Kap-
elluhrauni í Hafnarfirði. Síðari
áfangar, þ.e. sjálf stálbræðsla félags-
ins og búnaður hennar, verða teknir
í notkun í endaðan júní næstkom-
andi og er gert ráð fyrir að verk-
smiðjan verði farin að framleiða
með um 30 þúsund tonna ársafköst
um mitt ár 1991. Kostnaður við
verksmiðjuna fullbúna til rekstrar er
áætlaður um 600 milljónir króna.
í málmtætaranum, sem í gær var
tekinn í notkun, fer fram forvinnsla
Tlmamyndlr Árnl B|ama
á þeim hluta hráefnis verksmiðjunn-
ar, sem er úr þunnu stáli, svo sem
bílflökum, heimilistækjum o.s.frv.
Ætla má að þetta verði um 40% af
innlendu hráefni til framleiðslunnar.
Áður en bílflökin eru tekin til niður-
rifs þarf að hreinsa þau af bensíni og
olíu og taka úr þeim rafgeyma.
Málmtætarinn flokkar einnig ann-
að efni, sem í gegnum hann fer, og
skilar öðrum málmum á einn stað og
gúmmíi á annan, en afgangurinn,
sem er gler, plast tróð o.s.frv. skilar
sér sem mylsna í sérstaka geyma.
Mylsnan frá tækinu er aðallega
óvirkt efni og ekki ósvipað venjulegu
heimilisryki að innihaldi. Hún er
nýtanleg í ýmsum tilgangi, sem fyll-
ingarefni. Við málmtætarann er
mjögfullkomin hreinsibúnaður, sem
fullnægir þeim skilyrðum sem sett
eru varðandi mengunarvarnir.
Þegar hefur safnast upp á lóð
verksmiðjunnar myndarlegur haug-
ur bílhræja og annars málmúrgangs,
sem nú verður tekið til við að vinna
í tætaranum. Með samningum, sem
íslenska Stálfélagið hefur gert við
Sorpeyðingu höfuðborgarsvæðisins
og Sorpeyðingu Suðurnesja, má ætla
að félagið taki til vinnslu nálægt 70%
alls málmúrgangs sem til fellur hér á
landi og í undirbúningi er söfnun
brotajárns í öðrum landshlutum í
samvinnu við hlutaðeigandi sveitar-
félög. Talið er að um 20 þúsund tonn
af brotajárni falli til á ári hérlendis.
Afkastageta verksmiðjunnar er hins
vegar allmiklu meiri.
Sá möguleiki er inn í myndinni að
málmúrgangur verði fluttur inn en
fyrst um sinn verður það ekki gert.
Verið er að kanna þann möguleika
að taka við stálskipum sem úrelt
hafa verið og fram til þessa hefur
verið sökkt í hafið. íslandi er nú eitt
örfárra landa í heiminum sem farga
skipum með þeim hætti.
Enn er unnið að uppsetningu
sjálfrar málmbræðslunnar á lóð fé-
lagsins. Gert er ráð fyrir að því verki
Ijúki í júnímánuði og þá verði unnt
að hefja bræðslu á því hráefni, sem
þá verður búið að vinna í tætaranum.
Vinnan í bræðslunni fer fram með
þeim hætti, að málmurinn er brædd-
ur með rafstraumi og hann síðan
steyptur á ný. Áætlað er að bræða 40
tonn í ofninum í einu og mun hver
bræðsla taka um tvær klukkustundir.
Markmiðið er að bræða þrjár ofn-
hleðslur yfir daginn.
Framleiðsla verksmiðjunnar verð-
ur öll flutt út. Búist er við að 30-40
manns vinni hjá verksmiðjunni þeg-
ar hún er komin f fullan rekstur.
Framkvæmdastjóri fslenska Stálfé-
lagsins er Páll Halldórsson. Félagið
er að meirihluta í eigu erlendra
aðila.
-EÓ
Tveir mannanna sem úrskurðaðir
voru í gæsluvarðhald til 23. maí í
Sakadómi Reykjavíkur í fyrrakvöld,
vegna morðrannsóknarinnar hafa
kært úrskurðinn til Hæstaréttar.
Eins og Tíminn greindi frá í gær
voru hin tvö úrskurðuð í gæsluvarð-
hald til 9. maí nk.
Við húsrannsókn á heimili eins
hinna handteknu fundust blóðug
föt, en niðurstöður greiningar liggja
ekki fyrir.
Dregið hefur úr ábendingum al-
mennings síðustu daga og sagði
Helgi Daníelsson yfirlögregluþjónn
hjá RLR að þeir væru afar þakklátir
fyrir viðbrögð almennings. „Það er
afskaplega gott að njóta aðstoðar
almennings og trausts. Ég vonast til
þess að þetta mál fái farsælan endi
og við upplýsum það,“ sagði Helgi.
-ABÓ
Guðjón Teitsson, fyrrum forstjóri
Skipaútgerðar ríkisins.
Guðjón Teits-
son er látinn
Látinn er Guðjón Teitsson, fyrr-
um forstjóri Skipaútgerðar ríkisins,
áttatíu og fjögurra ára að aldri.
Hann fæddist að Grímarstöðum í
Andakílshreppi árið 1906 og lauk
Samvinnuskólaprófi árið 1926. Eftir
að hafa starfað í nokkur ár erlendis
hóf Guðjón störf hjá skipaútgerð
ríkisins við stofnun hennar 1929 og
var þar til 1977.