Tíminn - 17.05.1990, Blaðsíða 3

Tíminn - 17.05.1990, Blaðsíða 3
Fimmtudagur 17. maí 1990 Tíminn 3 Úthafskarfaveiðum togara Sjólastöðvarinnar lokið: 327 tonn af úthafs- karfa á fjórum vikum Úthafskarfaveiöum togara Sjólastöðvarinnar í Hafharfirði er lokið að sinni. Að sögn Helga Kríst- jánssonar hjá Sjólastöðinni gengu veiðamar að þessu sinni þokkalega. Samanlagt komu togararnir tveir með um 327 tonn að landi. Togarar Sjólastöðvarinnar fóru á úthafskarfaveiðarnar þann 20 apríl sl. Sjóli HF 1 kom að landi eftir 24 daga veiðiferð með um 130 tonn af frystum karfa og i gær var Haraldur Kristjánsson HF 2 á landleið, eftir 27 daga veiðiferð með um 197 tonn, en áætlað var að hann legðist að bryggju um miðnætti. Karfinn er hausaður og frystur um borð. Nokk- uð er um sníkjudýr í karfanum, en að sögn Helga er karfinn fyrsta flokks vara, þegar búið er að hreinsa karfann með snikjudýrunum frá. Togarar Sjólastöðvarinnar fóru á þessar veiðar í fyrra. Að sögn Helga var árangurinn að þessu sinni betri en þá. Að auki hefur sala afurðanna gengið betur, en allur karfinn fer nú á Japansmarkað, en í fyrra var hann seldur til Kóreu og fleiri landa fyrir mun lakara verð en nú. „Það er tölu- verð eftirspurn eftir karfanum nú," sagði Helgi. Meðalverð á kíló er um 80 krónur, þegar miðað er við fob.- verð. Búast má við að Sjóli og Har- aldur Kristjánsson fari aftur á þessar veiðar eftir miðjan júní, en á meðan verður haldið á grálúðu. Uppbótin sem togararnir fá fyrir að fara á þessar veiðar eru 10 tonn af grálúðu fyrir hvern dag eftir 7 daga veiðiferð, en þó að hámarki 14 dag- ar. Þannig að uppbótin getur aldrei orðið meiri en 140 tonn. Aðspurður sagði Helgi að óneitanlega væri þetta ágætis búbót. „Það er svo ro- saleg skerðingin í grálúðunni að það nær engu tali. Ef við hefðum þetta ekki þá veit ég ekki hvað við gerð- um," sagði Helgi. Aðspurður hvort það væri hag- kvæmt fyrir þá að senda skipin á þessar veiðar, sagði Helgi að þær skiluðu ekki miklu. „Við litum samt svo á að betra væri að senda skipin á þessar veiðar en að láta þau liggja í höfh," sagði Helgi. Hvað þessar veiðar skila miklum verðmætum að frádregnum öllum kostnaði hefur ekki endanlega verið reiknað út, en Helgi sagði að búast mætti við 3 til 4 milljónum. „Það saxar aðeins á. Betra en að borga hafhargjöldin á meðan," sagði Helgi. 130 tonnin gera um 11 milljónir króna. Laun mann- anna um borð eftir mánuðinn eru um 110 til 150 þúsund, eftir fjögurra vikna úthald. Skipin notuðu svokallaða stoppdaga til þessara veiða. Hafnarfjarðartogar- inn Ymir fór einnig á úthafskarfann en er kominn heim á ný. Veiðisvæðið sem skipin voru á er rétt vestan við Reykjaneshrygginn um 250 til 400 mílur suður af Reykjanesi. 27 skip voru á þessum slóðum í fyrradag. Þar af 6 norsk skip, A-Þjóðverjar, 3 jap- önsk skip, auk skipa frá öðrum þjóð- um. - ABÓ Flugleiðirfengu fyrstu DC8-63 vél- arnar fyrir 20 árum Átturnar kveðja Sl. sunnudag lauk merkum kafla í íslensku flugsögunni þegar DC8 þota flaug síðasta áætlunarflug sitt fyrir Flugleiðir. Þá vantaði aðeins einn dag upp á að 20 ár væru liðin frá því er Loftleiðir, forveri Flugleiða, tóku „átturnar" fyrst í notkun. Þotuflug Loftleiða hófst 14. maí 1970 með DC8-63 vél og fyrirtækið tók aðra sömu tegundar í notkun skömmu síð- ar. Flugstjóri í fyrstu ferðinni var Dagfinnur Stefánsson. Áttutímabilinu lauk 13. maí 1990, þegar Vesturfari Flugleiða lenti á Keflavíkurflugvelli. Flugstjóri í þessari síðustu ferð var Magnús Nor- dal, Ólafur Frostason var fiugmaður, Búi Snæbjörnsson flugvélstjóri og Gyða Þórhallsdóttir fyrsta flugfreyja. Mest höfðu Flugleiðir 5 DC8 þotur í förum en síðasta eina og hálfa árið voru þær tvær. Þessar flugvélar hafa dugað Flugleiðum mjög vel í Norð- ur- Atlantshafsflugi en eftir því sem nýjar, sparneytnari og hagkvæmari flugvélar hafa komið á markað hefur samkeppnin reynst erfiðari. Flugleið- ir seldu allar eldri flugvélar sínar í fyrra og hitteðfyrra. Þær voru svo leigðar félaginu þar til nýjar flugvél- ar komu í flotann í vor og fyrravor. Átturnar voru seldar breska fyrirtæk- inu Electra Aviation sem mun leigja þær áfram. Um leið og átturnar hverfa úr rekstri flugleiða taka nýjar Boeing 757 þotur að fullu við Norður- Atlantshafsflugi félagsins. Þótt fjármagnskostnaður vegna kaupa þeirra sé mikill gerir hagkvæmari rekstur meira en vega það upp. Jafnframt er markaðsstaða fyrirtækisins nú betri þar sem allur millilandaflugfloti verður nýr í sum- ar og hinn yngsti meðal millilanda- flugfélaga í Evrópu. B757 flugvél- arnar eru með um 19% færri sæti en DC8 vélarnar en geta farið fleiri ferð- ir. Sætaframboð verður því svipað. 'AIR "-•* ": \%i& Áhöfnin í síðasta flugi DC8 í áætlunarflugi fýrír Flugleiðir. Frá vinstri: Hrafnhildur Ármannsdóttir, Auður Guö- mundsdóttir og Sigurlín Scheving flugfreyjur, Ólafur Frostason flugmaður, Magnús Nordal flugstjórí, Búi Snæ- bjömsson flugvélstjóri, Gyða Þórhallsdóttir fyrsta freyja, Þórey Jónmundsdóttir og fris Hilmarsdóttir flugfreyj- ur og Sigurður Helgason, forstjóri Flugleiða. Garðlöndin að Korpúlfsstöðum fara undir íbúðabyggð: SETT NIÐUR í SÍÐASTA SINN -^p>-— ¦ö-* ^> /jfz Spennum beltin =----- ALLTAF ¦ ¦ - ekki stundum j . V___ r-^ilæ™' |—' , Sigrún Magnúsdórtir, borgarfulltrúi Framsóknarmanna, lagði fyrir nokkru fram tillögur í borgarráði m.a. um að í borgarskipulagi yrði gert ráð fyrir nýjum garðlöndum borgarbúa í stað kartöflugarðanna að Korpúlfsstöðum sem byrjað er að setja niður í - í síðasta sinn. Svæðið hefur verið skipulagt fyrir íbúða- byggð. I tillögum Sigrúnar var gert ráð fyr- ir því að borgin hlúði betur að hinum mannlega þætti meðal þegna sinna á ýmsa lund, m.a. með því að leggja reiðvegi og auðvelda umferð hesta- fólks um borgarlandið o.fl. Jafnframt yrði í borgarskipulagi gert ráð fyrir litlum borgargörðum þar sem fólki gæfist kostur á að reisa smáhýsi og rækta matjurtir og blóm en borgin sæi um að afmarka lendurnar með skjólbeltum. Þessar tillögur Sigrúnar voru ein- róma samþykktar í borgarráði en hins vegar er ekki enn búið að fella efhis- atriði þeirra að ramma skipulags borgarinnar. En er það þá í síðasta sinn á þessu vori sem íbúum Reykja- víkur gefst kostur á að vera með kart- öflugarð innan borgarlandsins? Jó- hann Pálsson garðyrkjustjóri: „Nei, ekki er það svo. Nýr staður fyrir kart- öflugarða hefur þó ekki verið fast- ákveðinn enn, en mestar líkur eru þó á þessari stundu á því að garðlöndin verði framvegis í landi Úlfarsár." Garðyrkjustjóri sagði að hingað til hafi verið hægt að sinna öllum ósk- um um garðlönd. Eftirspurn hafi ver- ið nokkuð mismunandi frá ári til árs - mikil eftir góð sumur og góða upp- skeru en minni þegar verr hefur árað. Þeir sem vilja gerast handhafar garðlanda, sækja um land hjá garð- yrkjustjóra borgarinnar og greiða leigugjald. Gjald þetta stendur undir kostnaði við girðingar, eftirlit og jarðvinnslu. —sá Sendiherra Frakka, Jacques Mer, sæmir Sigurð Pálsson orðu bók- mennta og lista. rnmamynd Ami). Riddaraorða fyrir bók- menntastörf Föstudaginn 4. maí sl. boðaði franska sendiráðið til athafnar í Iðnó, þar sem Sigurður Pálsson rithöfundur tók við franskri orðu riddara bókmennta og lista úr hendi sendiherra Frakka hér á landi, Jacques Mer. Þessi sama orða hafði verið veitt Thor Vilhjálmssyni rithöfundi fyrir nokkru, en hún er veitt eftir sérstakri ákvörðun mennta- málaráðherra Frakka, sem nú er Jack Lang. Að sögn Mer sendiherra er mikillar hófsemi gætt við veitingu hennar. Sendiherrann ávarpaði Sigurð og gat um starf hans að því að kynna franska menningu hér á landi með ljóðaþýðingum og á margvíslegan annan hátt. I þakkarræðu sinni árétt- aði Sigurður Pálsson sterk tengsl sín við franskan menningarheim og þakkaði íslenskum skáldum er hefðu orðið til að kynna sér ungum mörg frönsk úrvalsskáld með þýðingar- störfum, svo sem þeirra Jóns Óskars og Sigfúsar Daðasonar. Varpaði hann fram þeirri hugmynd að vís grund- völlur væri fyrir starfrækslu á lat- neskri menningarmiðstöð hér á landi í líkingu við norræna húsið. Margmenni var við athöfhina, leik- inn var tviteikur á flautur og lesin ljóð er Sigurður hefur þýtt úr frönsku og textinn á frummálinu til saman- burðar. Kvikmyndamenn: Virðisaukaskatt á myndbönd Kvikmyndagerðarmenn, kvik- myndaframleiðendur og - leikstjórar telja að nái tekjuákvæði frumvarps um Kvikmyndastofnun fram að ganga óbreytt, verði stutt í að íslensk kvikmyndagerð leggist af í eitt skipti fyrir öll. Frumvarpinu er ætlað að bæta stöðu íslenskrar kvikmyndagerðar. Kvikmyndamenn telja að frumvarp- ið sé því miður ekki líklegt til að skila árangri því að í því sé gert ráð fyrir framlagi sem tryggi gerð aðeins einnar myndar á ári. Reynsla siðustu tiu ára sýni hins vegar að kvik- myndagerð geti ekki þrifist hér nema að framleiddar séu minnst fjórar myndir á ári. Til að bæta hér úr leggja forsvars- menn félaga kvikmyndamanna til að virðisaukaskattur verði lagður á leigu myndbanda og andvirði hans renni til innlendrar kvikmyndagerð- Vor í vesturbæ Vor í vesturbæ er kjörorð hreinsunar- vikunnar sem nú stendur yfir í vestur- bænum í Reykjavík á vegum íbúa- samtaka þessa borgarhluta. Sérstakt átak verður helgina 19. og 20. maí. Ruslapoka, sem fást ókeypis í versl- unum á svæðinu, má skilja eftir á gangstéttum þar sem þeir verða tekn- ir. Ruslagámar verða í Selsvörinni, auk gáma hreinsunardeildar í Litla Skerjafirði. Ibúasamtök vesturbæjar ná yfir gamla vesturbæinn, sunnan hring- brautar, auk Bráðræðisholts.

x

Tíminn

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Tíminn
https://timarit.is/publication/50

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.