Tíminn - 06.06.1990, Blaðsíða 9

Tíminn - 06.06.1990, Blaðsíða 9
Miðvikudagur 6. júní 1990 Tíminn 9 ls^ÉlÍlli& A.A^^^^Z£^M^y^y^^í 1 Xrnessyslu en heimamenn yfir sumartímann: r f leiri en íbúar um sem það er að skrifa undir. Tekur fólk kannski í sumum tilfellum þá áhættu að það verði að fjarlægja bústaðinn af lóðinni eftir 20- 25 ár? Magnús Leópoldsson fasteignasali segir þetta hugsanlegt, þótt hann kannaðist ekki við dæmi þess að reynt hafi á slíkt. Við sölu sumarbústaða hjá honum segir Magnús algengast að kaupandi yfirtaki fyrri Ieigusamning með samþykki við- komandi bónda. Annars sé gerður nýr. Á samn- ingseyðublaði frá Búnaðarfélagi Islands, sem algengt er að nota við sölu sumarbústaða, segir að leigutaki eigi forleigurétt að hinni leigðu lóð verði hún áfram nýtt sem sumarbústaðaland. Við sölu sagði Magnús.oft bætt inn i ákvæði um hvemig með skuli fara fáist samningur ekki framlengdur — þá yfirleitt að landeigandi skuli kaupa bústaðinn samkvæmt mati. Hins vegar bendir Magnús á að það séu aðal- lega stærri og dýrari bústaðir sem koma til sölu á fasteignasölum. Hinir gangi mjög mikið kaupum og sölum í gegn um smaauglýsingar blaðanna. I þeim tilfellum getur vitanlega verið misjafrit hversu tryggilega er gengið frá málum isamningum. Viss áhætta... Hilmar kvaðst einnig líta svo á að fólk tæki vissa áhættu, þótt hann vissi heldur ekki dæmi þess að fólk hafi þurft að fjarlægja bústaði af landi. Áður fyrr hafi leigusamningar yfirleitt verið til miklu lengri tíma, allt upp í 90 ár. Nú sé 20-25 ár algengast. Það sé t.d. spurning hvað kynni að gerast ef nýr bóndi, einn þeirra sem er harður á móti öllum sumarbústöðum, tæki við jörð þar sem lóðir eru leigðar út og réðist síðan að fólki með lögin sér við hlið? Að vísu sagðist Hilmar þó ekki svo hræddur við þetta. „Hins vegar veit ég ekki hvemig þetta fólk stendur gagnvart bónda sem kannski vill hækka leiguna umtalsvert við endumýjun leigusamnings. Ég sé ekki betur en að slíkt sé alveg opin leið". Eru þá sumir andvigir þessum sumarhúsa- byggðum? „Já, sem betur fer eru margir bændur andvígir þessu, enda væri lítið skemmtilegt að fylla allar sveitir af sumarhúsum", sagði Hilmar. Efni manna aö aukast...? Af þróuninni í sumarhúsabyggingum að dæma verður ekki betur séð en að fjárhagur manna hafi verið að vænkast á undanförnum árum. Hilmar sagðist fyrir nokkrum árum hafa reikn- aði út meðalstærð bústaða sem þá voru í bygg- ingu og reyndist hún 36 fermetrar. Síðan hafi þeir stækkað og meðalstærðin örugglega kom- in í um 45-50 fermetra. Það þýðir 25-40% stækkun á skömmum tíma. Áður fyrr sagði Hilmar einnig algengt að það hafi tekið menn upp í 10 ár að koma sér upp bú- stað. Miklu minna sé um slíkt nú til dags. Þvert á móti færist það í vöxt að menn kaupi land og komi þar upp bústað með öllum þægindum á einuári. i.... Draumur sem deyr. Er sumarhúsið og sveitalífið aldrei draumur eftir að sumarhúsið er komið upp? Þ.e. að áhug- inn fyrir að vera þar dofhi smám saman? Hilmar segir þetta mjög misjafht á milli manna. Ef skógræktin og garðræktin gripi fólk eftir að húsið er komið upp þá hafi það nóg að gera og yndi af því að korna i bústaðinn sem oftast. Hilmar segir sumarbusafölk upp til hópa mikið ræktunarfólk „sem betur fer". „Að því leytinu eiga þessi svæði virkilega eftir að prýða landið þegar ftam í sækir". En því miður séu líka dæmi þess að áhuginn dofhi og fólk hætti að koma nema eina og eina helgi á sumri. „Og þetta eru dýrar eignir til að láta þær standa þannig nærri ónotaðar", segir Hilmar. Ekki mun ótítt að sumarbústaður með nútímaþægindum geti kostað 3-4 miljónir kr. Um 5.000 bústaðir í landinu Fjölda sumarbústaða á landinu öllu telur Hilm- ar nú rösklega 5.000 talsins. Samkvæmt því er um helmingu þeirra á hans „byggingarsvæði" í uppsveitum Amessýslu. Ekki vildi Hilmar spá hversu mikið þeim ætti eftir að fjölga í framtið- inni. Hins vegar sagðist hann einhverju sinni hafa heyrt að í samanburði við hin Norðurlönd- in gætu um 7.000 bústaðir verið nokkuð eðli- legur fjöldi hér á landi. Með núverandi bygg- ingarhraða tæki ekki mörg ár að ná því marki. -HEI

x

Tíminn

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Tíminn
https://timarit.is/publication/50

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.