Tíminn - 12.06.1990, Blaðsíða 2

2 Tíminn
Þriðjudagur 12. júní 1990
Breski sendiherrann á íslandi færði lögreglustjóran-
um í Reykjavík dularfulla svarta ferðatösku að gjöf:
Hvað er í
töskunni?
Breski sendiherrann á íslandi, Ri-
chard Best, afhenti Böðvari Braga-
syni lögreglustjóra á föstudag að
gjöf stóra svarta ferðatösku. Blaða-
menn voru boðaðir á skrifstofu lög-
reglustjóra vegna þessa en ekki
fékkst uppgefið hvað í töskunni var.
I fréttatilkynningu frá breska sendi-
ráðinu er því haldið fram að taskan
leyndardómsfulla hafi að geyma
fikniefnaleitartæki til notkunar i bar-
áttunni gegn smygli á ólöglegum
fíkniefnum. Engin staðfesting fékkst
á því og lokaði lögreglustjóri að sér
þegar hann opnaði töskuna.
Næstráðandi í breska sendiráðinu,
Alp Mehmet sagði í samtali við Tím-
ann að ekki mætti gefa upp hvað
taskan hefði að geyma. Astæðuna
fyrir þessari miklu leynd sagði Alp
vera að því minna sem smyglarar
vissu því betra. „Þeir geta ekki varast
það sem þeir þekkja ekki.“
Það verður þvi áfram leyndarmál
hvaða tæknibúnaður er í töskunni.
Það er ljóst að búnaðurinn er dýr
því fréttatilkynningin frá sendiráð-
inu segir búnaðinn að andvirði nærri
milljón íslenskra króna.
Sendiráðsmenn vildu taka það fram
að tímasetning gjafarinnar væri ekki
í tengslum við komu hennar hátignar
Elísabetar Bretadrottningar til ís-
lands í byrjun júlí heldur væri um að
ræða helbera tilviljun.
En einhver kann að spyija: Af
hverju ísland?
Fréttatilkynning sendiráðsins svar-
ar þeirri spumingu: „Bretland hefúr
skipað sér í framvarðasveit í Alþjóð-
legri baráttu til að sigrast á þeirri
ógnun sem smygl á fikniefnum er.
Það er sendiráðinu því mikið gleði-
efni að fá þetta tækifæri til að að-
stoða íslensku Iögregluna i þeirra
baráttu. —ES
Böðvar Bragason tekur við töskunni leyndardómsfullu á skrifstofu sinni í gær. Fyrir hönd ríkisstjómar hennar
hátignar færði breski sendiherrann, Richard Best, lögreglunni í Reykjavík gjöfina. Tímamynd Ami Bjama
Framfærslukostnaður hækkar um 0,7%:
„Bólgan“ í bensíni
og utanlandsferðum
Vísitala framfærslukostnaðar
hækkaði um 0,7% milli maí og júní.
Af hækkuninni em 0,2% vegna verð-
hækkunar (4,2%) á bensíni, 0,2%
vegna verðhækkunar (5,2%) á utan-
landsferðum og 0,1% vegna verð-
hækkunar á fatnaði. Smávegis hækk-
anir urðu á nokkmm öðmm liðum.
Verð á matvömm hækkaði ekki neitt
að meðaltali þennan mánuð. Þar sem
verðlækkun (3,5%) á grænmeti og
(1%) á fiski kom á móti og jafnaði út
smávegis hækkun á einhverjum kjöt-
vömm, kaffi og sykri.
Á tímabilinu janúar til júní hefur
framfærslukostnaður hækkað að
meðaltali um 4,4%. Mjög er hins
vegar mismunandi hvar þær hækk-
anir hafa komið ffarn. Sumt (sími,
bækur og blöð og tóbak) hefur ekk-
ert hækkað. Matvömliðurinn hefúr
aðeins hækkað um 1,1% þessa fimm
mánuði (þar af mjólkurvömr ekki
neitt), bamagæsla um 1,3% og raf-
magn og hiti um 2,3%.
Aðrir liðir hafa á hinn bóginn hækk-
að stórlega. Þjónusta veitinga-
húsa/hótela um rúm 12%, vömr í
búsáhaldaverslunum um 13%, raf-
magnstæki um 11%, notkun almenn-
ingsfarartækja um tæp 10%, húsgögn
um 8%, fatnaður um 6% og rekstur
einkabílsins um rúm 5%. Fram-
færsluvísitalan (145,4 stig) er nú
15,5% hærri en í júní í fyrra. Flækkun
hennar síðustu sex mánuði svarar
hins vegar til 10% verðbólgu á heilu
ári. Síðustu þrjá mánuði hefur fram-
færsluvísitalan mælst í kringum 8%
verðbólgu á heilu ári.
- HEI
Akureyri:
Skólaslit hjá Verk-
menntaskólanum
Verkmenntaskólanum á Akureyri
var slitið við hátíðlega athöfn nýlega.
90 stúdentar brautskráðust frá skól-
anum, flestir af viðskiptabraut. Auk
þess útskrifuðust 72 nemendur af
hinum ýmsu sviðum, sjókokkar,
sjúkraliðar, vélstjórar, tækniteiknar-
ar, vélvirkjar, skipasmiðir og málarar.
18 nemendur fengu viðurkenningar
fyrir góðan námsárangur og voru
viðurkenningamar firá sendiráðum,
fyrirtækjum og skólanum sjálfúm. Á
síðasta vetri stunduðu 1110 nemend-
ur nám við Verkmenntaskólann á
haustönn, en 1070 á vorönn.
I skólaslitaræðu sagði Bemharð
Haraldsson skólameistari m.a.: „ í
dag er hátíðisdagur ungs fólks sem
stendur á tímamótum. Að baki em
æsku- og unglingsár og framundan
líf hins fúllþroska manns. Við gleðj-
umst og sendum ykkur frá okkur f
þeirri von að þið aflið ykkur einskis
frekar en góðs mannorðs. Ykkar
bíða óþrjótandi verkefni og nú róið
þið einskipa. Þið skuluð hlakka til
að takast á við ný verkefni og leita
eftir þeim þroska sem felst í því að
heyja baráttu og geta bæði tekið
sigri og ósigri. Nýtið ykkur námið
og uppeldið í veganesti og dragið
lærdóm af dýrri reynslu annarra.
Getið ykkur gott orð, því gott mann-
orð er dýrmætara en mikill auður.
Farið víða og leitið hamingjunnar,
en munið að hún er ekki glóandi
gull, hana finnið þið aðeins í hjarta
ykkar, því hún felst í gleði yfir vel
unnu verki og hreinni samvisku
góðs manns.“
Eftirtaldir nemendur fengu viður-
kenningu fyrir góðan námsárangur:
Adam Tiaustason, fyrir góðan ár-
angur á stúdentsprófi á tæknisviði.
Anna J. Guðmundsdóttir fyrir góðan
árangur á almennu verslunarprófi.
Anna Soffía Gunnlaugsdóttir fyrir
góðan árangur í íslensku.
Björgvin Ámason, fyrir góðan ár-
angur á 3. stigi vélstjómar, og einnig
fyrir góðan árangur í dönsku.
Brynja Hauksdóttir, fyrir góðan ár-
angur í tækniteiknun.
Friðrik Magnússon, fyrir góðan ár-
angur í reikningshaldi.
Eyrún Magnúsdóttir, fyrir góðan ár-
angur í þýsku, og einnig fyrir góðan
árangui í íslensku.
Hólrnff íður Þórðardóttir, fyrir góðan
árangur í matvælagreinum, og einnig
fyrir góðan árangur í ensku.
Jón Emil Pétursson, fyrir forystu í
félagsmálum.
Jónas Jónsson, fyrir góðan árangur í
faglegu iðnnámi.
Lúðvík Gunnlaugsson, fyrir góðan
árangur á 2. stigi vélstjómar.
Muggur Matthiasson, fyrir góðan
árangur í vélvirkjun.
Sigríður Pálrún Stefánsdóttir, fyrir
góðan árangur á viðskiptasviði.
Sigurrós Tryggvadóttir, fyrir góðan
árangur í hjúkrunarstörfum.
Sigurður Sigþórsson, fyrir góðan ár-
angur í faglegu iðnnámi.
Vilborg Guðmundsdóttir, fyrir góð-
an árangur í þýsku.
Loks fengu skiptinemamir Alisha
Phealan og Karisa Terry viðurkenn-
ingu frá Verkmenntaskólanum.
hiá-akureyri.
Víðarrsmenn breyttu húskofa í
sjúkraþjálfun að Arnarholti:
Hreysi varð
höll á 800
vinnustundum
Lionsfélagar úr Lkl. Víðarri af-
hentu nýlega stjóm Sjúkrastofn-
unar Reykjavíkurborgar fúll-
komna sjúkraþjálfun sem þeir
hafa komið upp að Amarholti á
Kjalamesi, sem er vistheimili frá
Borgarspítalanum. Samkvæmt
frétt frá Víðarrsmönnum hafa þeir
síðustu tvo vetur unnið þar að
endurbótum og lagfæringum á
gömlu húsi sem komið var að
hmni. Árangur 800 stunda erfiðis
er fullkomin sjúkraþjálfún með
tilheyrandi bað- og snyrtiher-
bergjum, sem þeir gáfú fúllbúið
með heilsuræktartækjum.
Páll Gíslason, stjómarformaður
og læknir, tók við og þakkaði frá-
bært framlag Víðarrsmanna og
vakti athygli á að hefðu ekki Víð-
arrsmenn komið til væri staðurinn
enn jafn vanræktur og gleymdur
sem fyrr. I þessu eigingjama þjóð-
félagi sagði hann gjafmildi, fóm-
fýsi og jákvætt hugarfar Lions-
manna til fyrirmyndar.