Tíminn - 15.06.1990, Blaðsíða 15

Tíminn - 15.06.1990, Blaðsíða 15
Föstudagur 15. júní 1990 Tíminn 15 Hlnn litríki markvörður Kólumbíu, Rene Higuita, varði vítaspymu frá Júgóslövum í gær, en það dugði ekki til. Nú dugði mark Jozics til sigurs: Enn von hjá Júgóslövum Davor Jozic, leikmaður með Cesena á ítalíu, var hetja Júgóslava sem unnu Kólumbíurnenn 1-0 í D-riðli HM á ítalíu í gær. Þar með eiga Júgóslavar enn möguleika á að komast í 2. umferð keppninnar, þeir hafa tvo stig eins og Kólumbíumenn og V- Þjóðverjar, en Furstadæmin hafa enn ekki fengið stig. Þau hafa þó aðeins leikið einn leik til þessa eins og V-Þjóðverjar, en þjóð- imar mætast í dag. Jozic, sá sami og skoraði mark Júgó- slava gegn V-Þjóðverjum, gerði sigur- markið á 73. mín. eftir fyrirgjöf. Júgó- slavar misstu af gullnu tækifæri til að bæta við öðru marki, er Higuita, mark- vörður Kólumbíu, varði vítaspyrnu frá Faruk Hadzibegic sjö mín. síðar. , Jig get sagt ykkur það að mínir leik- menn sváfu ekki mikið nóttina eftir leikinn gegn V-Þjóðverjum. Þeir voru ekki tilbúnir til að fara heim strax," sagði Ivica Osim, þjálfari Júgóslava, Þessir dæma leikina Nú hefur verið ákveðið hvaða dóm- arar dæma næstu leiki á HM. Niaji Jouini frá Túnis mun dæma leik Brasilíumanna og Costa Rica á laugardag. Carlos Maciel frá Argent- ínu mun dæma leik Svía og Skota þann sama dag, en báðir þessir leikir eru í C-riðli. Zoran Petrovic frá Júgóslavíu mun dæma leik Englendinga og Hollend- inga sem einnig verður á laugardag, en leikurinn er í F-riðli keppninnar. Þá mun Marcel Van Langenhove frá Belgíu dæma leik íra og Egypta á sunnudag. Siegfried Kirschen frá A- Þýska- landi dæmir leik Belgíu og Uruguay og Elias Jacome frá Ecuador dæmir leik S-Kóreumanna og Spánverja, en báðir þessir leikir verða á sunnudag- inn í E-riðli. BL eftir leikinn. Hann gerði þrjár breyt- ingar á liðinu fyrir leikinn gegn Kól- umbíu og hann sagði að þær breyting- ar hefðu borgað sig. „Nú leikur liðið nútímalegri knattspyrnu og þannig á það að vera," sagði Osim. Kólumbíski þjálfarinn Francisco Maturana sagði að ósigurinn gæti reynst þeim dýrkeyptur. ,J>etta var sannarlega mikill ósigur. I knattspyrnu er dýrkeypt að gera mistök. Við gerð- um okkur seka um varnarmistök og það kostaði okkur mark," sagði Matur- ana. BL Óheppinn maður Pumpido Nery Pumpido, markvörður Argent- ínumanna, tvíbrotnaði á hægri fæti eftir samstuð við félaga sinn Julio Olarticoechea snemma i leiknum. Brotið er slæmt, naglar voru settir í beinið til að halda því saman og það mun taka Pumpido 5- 6 mánuði að ná sér og óvíst er hvort hann eigi aftur- kvæmt á völlinn. Óheppnin hefur elt þennan 32 ára gamla markvörð. Hann var í liði Arg- entínu í HM 1986, en þá hafði hann nýlega jafnað úg eftir mikið umferð- arslys þar sem kona hafði nærri týnt lífi. Ári síðar varð hann fyrir því óhappi á æfingu að giftingarhringur hans festist í krók á markslánni og hann missti næstum fingurinn. Það tók hann tvo mánuði að jafha sig eft- ir þetta slys. Pumpido verður á sjúkrahúsinu í Napóli í örfáa daga, en síðan verður hann sendur heim til Argentínu. BL Maradona viðurkenndi að hafa notað hendina „Þegar ég sá boltann koma voru mín fyrstu viðbrögð að lyfta hendinni upp. Ég veit ekki hvort boltinn hefði farið í markið, en ég var ennþá æstur út af því sem kom fyrir Pumpido markvörð. Dómarar geta gert mistök eins og leikmenn geta brennt af víta- spyrnu og þjálfarar geta valið ranga menn í lið sitt," sagði Maradona. Valery Lobanovsky, þjálfari Sovét- manna, var reiður eftir leikinn og sagði að Frederiksson dómari hafi haft mikil áhrif á leikinn með því að sjá ekki þegar Maradona handlék knöttinn. Kamerúnmenn enn taplausir á HM: Gamli varamaðurinn var hetja Kamerún Hinn 38 ára gamli Roger Milla, sem kom inná sem varamaður fyrir Kamerún á 61. mín.í leiknum gegn Rúmenum í gær, var hetja liðsins sem kom enn á óvart með 2-1 sigri. Kamerún er því taplaust í loka- keppnum HM. Kamerún er fyrsta þjóðin til þess að tryggja sér sæti í 2. umferð keppninnar. Fyrst skoraði Milla á 76. mín. er hann renndi knettinum snyrtilega framhjá Silviu Lung, markverði Rúmeníu. Tíu mín. síðar gerði hann síðara markið af stuttu færi. Rúm- enar náðu að minnka muninn á 88. mín. er Gavril Balint kom knettin- um framhjá N'kono og var það eina skiptið í leiknum sem N'kono brást, en þessi 35 ára markvörður átti frá- bæran leik. „Ég sagði við Milla að í dag ætti hann að hjálpa okkur og hann gerði þetta," sagði Nepomniachy, hinn sovéski þjálfari Kamerún, eftir leik- inn í gær. „Leikurinn sem eftir er (gegn Sovétríkjunum) verður erfið- ari, en engir leikur á HM eru auð- veldir." „Þetta er frábært fyrir mig og liðið og einnig alla Kamerún," sagði Ro- ger Milla. Aðspurður hvernig hann héldi sér í svona góðri æfingu 38 ára gamall, sagði Milla: „Ég reyki ekki og ég elska iþróttir eins og körfubolta og tennis." Rúmenski þjálfarinn Emerich Je- nei sagðist hafa orðið fyrir von- brigðum með Gheorghe Hagi, en hann lék nú með eftir meiðsl. „Hann er stórkostlegur leikmaður, en í dag varð ég fyrir vonbrigðum með frammistöðu hans. Hann getur meira en þetta." BL Mikill fögnuður í Buenos Aires Mannfjöldinn hljóp út á götur með fána og hrópaði „Argentína, Argent- ína," eftir sigur á Sovétmönnum í fyrrakvöld. Á föstudagskvöldið, eftir að Argentína tapaði fyrir Kamerún, var höfuðborgin eins og draugaborg. Carlos Menem, forseti landsins, sagði eftir leikinn: „I nafni ríkis- stjórnarinnar og þjóðarinnar óska ég liðinu til harningju með þennan frá- bæra sigur. Ég bað leikmennina um að leika næsta leik af sama eldmóði og þá yrði útkoman góð." Enn frestað Leik Vals og ÍBV í 1. deild íslands- mótsins í knattspyrnu — Hörpu- deildinni, var aftur frestað í gær- kvöldi, þar sem ekki var flugveður frá Eyjum. Reyna á að leika í kvöld. %« /#>XI.I>W Sepp Blatter, aðalrítari FIFA, sagði í gær, að þeir dómarar, sem ekki stæðu sig í stykkinu á HM, yrðu sendir heim. Blatter sagðist hafa séð mikið af slæmrí dómgæslu í keppninni, sérstaklega við víta- teigana. Hann sagði að nóg væri til af dómurum og þeir sem ekki stæðu sig yrðu sendir heim. Eiginkonur og kærustur sænsku landsliðsmannanna halda á morg- un til ítalíu í helgarheimsókn til eiginmanna sinna. Þetta gera sænsku þjálfararnir til þess að leikmennirnir verði ekki einmana. Eiginkonurnar munu þó ekki fá að sofa á sama hóteli og leikmennirn- ir. „Ég veit ekki hvenær við fáum að sjá þær. Ælli við verðum ekki að læðast til þeirra í skjóli nætur," sagði Stefan Petterson, leikmaður Ajax. Ríkísstjórnarfundi í Egypta- landi, sem vera átti á sunnudag, hefur verið frestað vegna Ieiks Eg- ypta og íra á HM. Fögnuöur í Kamerún var mikill í gærkvöldi og nafn Roger Milla var á allra vörum. Hann er nú þjóo- hetja í landinu. Leikmenn Kamerún hafa heldur betur komíð á óvart á ítalíu. Hér sjást tveir leikmenn liðsins þjarma aö Maradona í leik liðanna sl. föstudag. Badminton: VEL HEPPNAÐ HNIT- MÓT Á AKUREYRI Opið Pro-Kennex mót í badminton var haldið á Akureyri um síðustu helgi. Flestir af bestu badmintonspil- urum landsins tóku þátt í mótinu.og er þetta sterkasta badmintonmót sem haldið hefur verið á Akureyri um langt árabil. Mótið þótti heppnast vel og stefna forsvarsmenn þess að því að það verði árlegur viðburður. Spilað var á föstudag og laugardag, en að móti loknu snæddu keppendur kvöldverð í Sjallanum og að honum loknum voru verðlaun afhent. Úrslit urðu sem hér segir: Meistaraflokkur karla. Einliðaleikur: Þorsteinn P. Hængsson sigraði Guð- mund Adolfsson 15:11 og 15:8. Tvfliðaleikur: Þorsteinn P. Hængsson og Guðmund- ur Adolfsson sigruðu Sigfús Ægi Árnason og Huang Wei Cheng 17:14 og 15:6. Meistaraflokkur kvenna. Einliðaleikur: Þórdís Edwald sigraði Guðrúnu Júlí- usdóttur7:ll, ll:6og 11:7. Tvfliðaleikur: Birna Pedersen og Guðrún Júlíus- dóttir sigruðu Þórdísi Edwald og Ragnheiði Haraldsdóttur 15:6 og 15:5. A-flokkur karla. Einliðaleikur: Konráð Þorsteinsson sigraði Viðar Gíslason 15:10 og 15:1. Tvfliðaleikur: Konráð Þorsteinsson og Kristinn Jónsson sigruðu Andra Stefánsson og Viðar Gíslason 15:9 og 15:8. A-flokkur kvenna: Einliðaleikur: Guðrún Erlendsdóttir sigraði Jakob- ínu Reynisdóttur 11:6 og 11:5. Tvíliðaleikur: Guðrún Erlendsdóttir og Jakobína Reynisdóttir sigruðu Hjördísi og Heiðdísi Sigursteinsdætur 15:7 og 15:5. B-flokkur karla: Einliðaleikur karla: Þórarinn V Arnason sigraði Einar Hólmsteinsson 15:1 og 15:2. Tvíliðaleikur: Karl Davíðsson og Björn Baldursson sigruðu Einar Hólmsteinsson og Jó- hann Heiðar Jónsson 15:10 og 15:10. hiá-akureyri

x

Tíminn

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Tíminn
https://timarit.is/publication/50

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.