Tíminn - 27.06.1990, Blaðsíða 16
V RÍKISSKIP NÚTÍMA FLUTNINGAR UERBBRtFAWBSKIPn
Hafnorhúsinu v/Tryggvagötu, SAMVINNUBANKANS
S 28822 SUÐURLANDSBRAUT 18. SlMI: 688568
AKTU EKKI ÚT
í ÓVISSUNA.
AKTU Á
SUBARU
Sœvamoföa 2
sími 91-674000
LONDON - NEW YORK - STOCKHOLM
Kringlunni 8-12 Sími 689888
Mikil óánægja ríkir meðal sjoppueigenda á Siglufirði vegna flutnings
umboðsmanns Vífilfells frá Siglufirði til Sauðárkróks:
VK) KAUPUM EKKI
KÓKINN Á KRÓK
Sjoppueigendur og kaupmenn á Siglufirði eru
óánægðir með þá ráðstöfun Vífilfells hf. að færa um-
boð sitt frá Siglufirði til Sauðárkróks. Þeir segja að
þar með sé dregið úr þjónustu við þá og því komi til
greina að hunsa öll viðskipti við Vífilfell.
Hingað til hefur Sigluíjarðarleið
séð um dreifingu á gosdrykkjum
fyrir Vífilfell en nú hefur fyrirtæk-
ið ákveðið að umboðsaðilinn á
Sauðárkróki sjái um dreifingu á
Siglufirði. Lýður Friðjónsson hjá
Vífilfelli sagði að hér væri verið að
auka þjónustu við Siglfirðinga,
þeir fengju góða þjónustu eftirleið-
is sem hingað til. „Það er öruggt að
þjónusta við Siglfirðinga versnar
ekki“ sagði Lýður.
Siglfirðingar eru hins vegar ekki
sammála þessu og í gærmorgun
funduðu sjoppueigendur og kaup-
menn um þetta mál og ríkti þar
mikill einhugur. „Við erum mjög
óánægðir og sjáum mikla mein-
bugi á þessari ráðstöfun" sagði
Guðmundur Davíðsson sjoppueig-
andi á Siglufirði. Hann sagði að
erfiðar samgöngur væru á milli
Sauðárkróks og Siglufjarðar og
þess vegna væri það ókostur að
leita eftir vörum frá Vífilfelli þang-
að. „Þetta bætir ekki þjónustu við
okkur, þvert á móti, og þeir hjá
Vífilfelli eru sennilega með þessu
að gera þetta ódýrara fyrir sjálfa
sig.“
Guðmundur sagði að ef Vífilfell
ætlaði ekki að endurskoða þessa
afstöðu þá myndu kaupmenn á
Siglufirði huga að því að loka á
viðskipti við fyrirtækið og snúa sér
annað. „Við tökum ekki kók inn á
Krók og víst er að við verðum ekki
goslausir."
„Við neyðum engan til að kaupa
okkar vörur“ sagði Lýður. Að-
Ekki er vitað annað en að Kók fáist i öllum sjoppum í Reykjavík en
margt bendir til að ekkert Kók fáist á Króknum í sumar.
Tímamynd: Ami Bjami
spurður um hvort Vífilfell myndi
endurskoða þessa ákvörðun ef
Siglfirðingar hættu að versla kók
sagði hann að málið yrði að sjálf-
sögðu skoðað. „Það voru menn frá
okkur fyrir norðan í síðustu viku
og þeir fara aftur í næstu viku og
skoða þessi mál. Alla vega ræður
umboðsmaðurinn á Siglufirði ekki
hvemig við högum okkar málurn"
sagði Lýður að lokum.
-hs.
Atvinnusýningin Bergsveinn opnuð á Selfossi:
Sýningin endurspeglar
fjölbreytt atvinnulíf
Tímiiin
MIÐVIKUDAGUR 27. JÚNÍ1990
Harður
árekstur
viðBú*
staðaveg
Harður árekstur varð á mótum Bú-
staðavegar og Reykjanesbrautar í
gærmorgun. Ökumaður annars bils-
ins var fluttur á slysadeild en mann-
inn þurfti að losa með tækjabíl og
voru báðir bílamir teknir með krana.
Þá eyðilagðist skutlubíll í Kópavogi
er hann valt ofan í skurð. Menn á leið
til vinnu komu að bílnum mannlaus-
um þar sem hann lá á hvolfi í skurði.
Ekki var vitað um eigendur bílsins
eða tildrög slyssins fyrr en ökumað-
urinn gaf sig ffam við lögreglu seinni
partinn í gær. Hann reyndist með
smávægilega áverka en farþegi sem
var í bílnum slapp ómeiddur.
Slysið átti sér stað á vegi sem er til
hliðar við nýja Hafnarfjarðarveginn.
Vegurinn hefúr verið. nýttur undan-
farið til að komast að íþróttavellinum
í Kópavogi. Ökumaðurinn beygði
inn á þennan veg en virðist ekki hafa
áttað sig á stórum skurði sem á vegi
hans varð með fyrrgreindum afleið-
ingum. -hs.
Hagnaður hjá
Sambandinu
Um 57 milljóna króna hagn-
aður varð á rekstri Sambands
íslenskra samvinnufélaga
fyrstu fimm mánuði þessa árs.
Velta fyrirtækisins á sama tima
var taeplega 9,8 milljarðar
króna. Mestur hagnaður varð
á skinnadcild, skipadeild og
sjávarafurðadeild. Verslunar-
deild sýndi hins vegar halla
upp á 128 milljónir króna.
Orsakir bættrar nfkomu eru
aukin sala, minni fjármagns-
kostnaður og hagstæð gengis-
þróun. Einnig er talið að að-
haldsaðgerðir séu nú að skila
árangri. -EÓ
Frá Sigurði Boga Sævarssyni, fréttaritara Tímans á Selfossi
Bergsveinn, atvinnusýning Sunnlendinga, var opnuð sl.
laugardag að viðstöddu fjölmenni. Um 50 fýrirtæki taka
þátt í sýningunni og endurspeglar hún fjölbreytni í atvinnu-
lífi á Suðuriandi. Sýningin er liður í kynningar- og þróunar-
verkefni sveitarfélaga á Suðurlandi og tilgangurinn er að
efla samhug meðal sveitarfélaga á Suðuriandi.
„Bergsveinn miöar að þvi að vekja
athygli á kostum þess að reka at-
vinnufyrirtæki á þessu svæði“ sagði
Oddur Már Gunnarsson iðnráðgjafi
Suðurlands. Hann segir að erlendis
séu framleiðslufyrirtæki farin í rík-
um mæli að flytja starfssemi sína úr
borgunum og út í dreifbýlið. Ef það
sama verði uppá teningnum hér á
landi þá sé Suðurland ákjósanlegur
kostur ef litið er til greiðra sam-
gangna, nægta af lóðum og húsnæð-
is sem stendur ónotað. Oddur sagði
ennnfremur að eftir sýninguna yrði
völdum hópi manna í atvinnulífinu
sendar upplýsingar um kosti þess að
reka atvinnufyrirtæki á Suðurlandi.
Eins og fyrr sagði eru það í kring-
um 50 fyrirtæki sem taka þátt í sýn-
ingunni og eru þau úr öllum sýslum
kjördæmisins og svo Vestmannaeyj-
um. Allt frá litlum bilskúrsfyrirtækj-
um til hjólabáts sem kemur frá Vík í
Mýrdal og allt þar á milli, þannig að
fjölbreyttnin er mikil. Þá er gefur
sýningarhúsnæðið, hús Fjölbrautar-
skóla Suðurlands, sýningunni
óvenjulegt og mjög skemmtilegt yf-
irbragð því óvíða er arkitektúr húsa
jafn frumlegur. „Við vonumst til
þess að hingað komi verulegur hóp-
ur gesta til að líta á sýninguna. Um
70% þjóðarinnar er innan við
klukkutíma að keyra hingað og við
vonumst auðvitað til þess að Sunn-
lendingar láti þessa sýningu ekki
fram hjá sér fara“ sagði Sigurður
Jónsson framkvæmdastjóri sýning-
arinnar sem verður opin til sunnu-
dagsins 1. júlí. Virka daga er hún op-
in frá 16 til 22 en um helgar frá 14 til
22.
Mjólkurbú Flóamanna er eitt fölmargra fyrirtækja sem sýna á atvinnusýningunni á Selfossi.
Tímamynd: Sigurður Þór