Tíminn - 06.07.1990, Qupperneq 3
Föstudagur 6. júlí 1990
Tíminn 3
Kennaraháskóli íslands:
Fræðslustjórar gagnrýna
bæði námsskrá og inntöku
Fræðslustjórar víða um land eru mjög
ósáttir við hvemig haldið er á málum
Kennaraháskóla Islands varðandi bæði
inntöku nemenda og námsskrá. En
ófremdarástand ríkir nú víða varðandi
kennararáðningar á landsbyggðinni.
Fræðslustjóri Vestfjarða hefúr gagn-
rýnt að ekki skuli tekið tillit til búsetu
við inntöku nemenda í skólann og tel-
ur vera einblínt á einkunnir um of.
Rektor Kennaraháskólans, Hjalti
Hugason, er þessu ósammála og vill
jafnvel meina að í Kennaraháskólan-
um sé rekin nokkurs konar byggða-
stefna. „Mál varðandi kennararáðn-
ingar hér standa mjög illa. Eg held að
við komumst ekki mikið neðar í hlut-
falli milli réttindalausra og þeirra með
kennararéttindi. Því eins og er eru leið-
beinendur fleiri. Þá vantar viða bæði
kennara og leiðbeinendur", sagði Pét-
ur Bjamason fræðslustjóri í Vest-
fjarðaumdæmi í samtali við Tímann.
,Jiin af skýringunum á þessu vanda-
máli er sú, að Kennaraháskólinn sinnir
ekki málefnum fámennra skóla og
þeirra starfsháttum", sagði Pétur. Hann
sagði fræðslustjóra í dreifbýli hafa um
nokkurra ára skeið farið fram á, að
hluti af námi kennara yrði að þeim
væm kynntir kennsluhættir smærri
skóla. „Þetta er vanræksla sem við
höfúm reynt að fá bætta og höfúm við
rætt þetta á fúndum þijú ár í röð. Und-
irtektir hafa verið góðar en engar eínd-
ir ennþá. Það er engin valgrein í kenn-
araháskólanum sem heitir fámennir
skólar eða samkennsla bekkja, þrátt
fyrir þá staðreynd, að tæpur helmingur
allra skóla í landinu búa við þetta kerfí.
Mín krafa er, að þessi mál verði endur-
skoðuð og að Kennaraháskólinn fari
að útskrifa kennara sem em fiérir um
og hefðu þá ef til vill frekar áhuga á að
kenna í litlum skólum. Eins og er verð-
ur þetta fólk, sem kemur úr þriggja ára
háskólanámi, að byija á að læra hvem-
ig þeir eiga að starfa", sagði Pétur.
Rektor Kennaraháskólans, Haukur
Hugason, sagði í samtali við Tímann
að nú stæði yfir gagnger endurskoðun
á kennaranáminu í heild. Við núver-
andi aðstæður heíði ekki verið mögu-
leiki á að koma til að mynda sam-
kennslu bekkja inn sem valgrein. Sér
þætti hins vegar líklegt að við endur-
skoðun yrði þessi þáttur tekinn fyrir.
Staðið hcfði á fjárveitingu rikisvalds-
ins til endurskoðunarinnar og því
hefðu ffamkvæmdir verið hægari en
reiknað hafi verið með.
Varðandi inngöngu í Kennaraháskól-
ann benti Pétur á að svo hann þekkti til
hefði einstaklingur utan af landi sótt
um inngöngu í Kennaraháskólann í
tvígang en verið synjað í bæði skiptin.
Pétur sagði að sér þætti þetta bera vott
um að einblínt væri á einkunnir um of,
þegar fúll ástæða væri til að taka tillit
til búsetu eins og málum væri háttað.
Haukur sagði að við inntöku nem-
enda væri ekki farið eftir neinum sér-
stökum kvóta varðandi einstaka lands-
hluta. Hins vegar taldi hann ekki rétt
að einblínt væri á einkunnir heldur
væri tekið viðtal við hvem einstakan
umsækjenda og mál viðkomandi skoð-
að með tilliti til starfsreynslu og fleira.
„Þessar upplýsingar em síðan skoðað-
ar í Ijósi einkunnanna", sagði Haukur.
Hann bætti því við, að hjá KHI hefði
verið tekið eftir þvi, að þó fólk ætti
uppruna sinn að rekja til landsbyggð-
arinnar væri það engin trygging fyrir
því að viðkomandi flyttist heún á nýj-
an leik að námi loknu. Jafnvel þó upp-
haflega hefði verið sótt í námið vegna
starfstækifæra heima fyrir.
„Við höfúm reynt að tryggja það að
framhaldsskólanemendur sætu við
sama borð og nemendur af Reykjavik-
ursvæðinu. Þetta er liður í þvi sem við
getum kallað byggðastefnu“, sagði
Haukur.
jkb
Leyfi borgarráðs til byggingar gistihúss:
Byggir Eimskip hótel
með erlendum aðilum?
Eimskipafélag íslands fékk sam-
þykki borgarráðs sl. þriðjudag til
byggingar rúmlega 200 herbergja
hótels í miðbæ Reykjavíkur, en félag-
ið er leitar nú samvinnu einhvers al-
þjóðlegs fyrirtækis ef af byggingunni
verður, að sögn Þorkels Sigurlaugs-
sonar framkvæmdastjóra þróunar-
sviðs fyrirtækisins.
Þorkell sagði að lóðin fyrir hótelið
hefði lengi verið í eigu Eimskips, en
hótelinu er ætlaður staður á Skúlagöt-
unni á milli Vatnsstígs og Frakka-
stígs.
„Við erum búnir að vinna í því lengi
að skoða möguleika á því að byggja
þama hótel, - við erum búnir að
ganga frá teikningum og lóðamálum,
svo að það væri nú á hreinu að land-
rými væri þama mögulegt", sagði
Þorkell.
Hann sagði að málin væm ekki enn
komin á það stig að ákveðið væri,
hvenær bygging hótelsins hæfist.
„Það verður ekki ráðist í byggingu á
þessu hóteli fyrr en búið er að fúll-
vissa sig um hagkvæmni þess og fjár-
mögnun og fleira, þannig að við emm
ekkert að flýta okkur“, sagði Þorkell.
Hann sagði einnig, að Eimskip yrði
ekki nema hluthafi í fyrirtæki, sem
myndi byggja þetta hótel, og það yrði
ekkert endilega meirihlutaaðili í því.
„Við höfum alls ekki áform um að
reka það sjálfir, heldur yrði samið við
alþjóðlegt fyrirtæki um reksturinn á
hótelinu. Það er gmndvallaratriði að
þetta hótel sé rekið þannig að það sé
partur af rekstri erlendra hótelfyrir-
tækja sem geta markaðssett það á
nýjan hátt og inni í sínu markaðs-
neti“, sagði Þorkell.
Þorkell sagðist ekki geta svarað til
um það hvort þörf væri á hóteli sem
þessu í dag, en það væri langur tími
sem færi til undirbúnings og mörg ár
þar til þetta hótel yrði að vemleika.
Hann sagði að viðræður við ákveðin
alþjóðleg fyrirtæki væm hafhar, en
ekki væri komið á fast hvaða fyrir-
tæki yrði fyrir valinu.
„Við emm bara að vinna heimavinn-
una, og það er ekki búið að ákveða
neitt endanlega að byggja þetta hótel.
En með því að borgarráð er búið að
samþykkja þetta og búið að ganga frá
bráðabirgðateikningum emm við
búnir með einn áfanga að þessu sem
er mjög mikilvægur, og auðveldar
áframhald málsins", sagði Þorkell.
Hann sagði að ef þeir fengju aðila
með sér í byggingu hótelsins, þá yrði
búinn til nýr markaður í stað þess að
þjóna eingöngu þeim ferðamönnum
sem koma hér í dag. Síðan yrði bara
að koma í ljós hvenær og hvort hótel-
ið verður reist.
—só
Vextir:
Litlar breytingar
Litlar sem engar breytingar vom gerðar á vöxtum um mánaðarmótin.
Vextir á skuldabréfúm hækka um 0.1% og verða því 14.1% af óverð-
tryggðum og 8% af verðtryggðum. Þar með em breytingamar upptaldar.
GS.
Bíll brann á Isafirði
Bifreið brann við íbúðarhús á ísafirði fyrir stuttu. Bifreiðin var jeppi af
gerðinni Toyota og er nú ónýt. Eldsupptök em ókunn. GS.
Vöruskiptajöfnuðurinn í maí:
Er greiðslugetan
að aukast á ný?
Svo virðist sem talsvert sé að rætast
úr eyðslugetu landsmanna eftir sam-
dráttartímabil um langt skeið. Al-
mennur innflutningur í maimánuði,
annar en olía, var um 920 milljónum
kr. (17%) meiri heldur en í sama
mánuði í fyrra, reiknað á sama gengi
bæði árin. Rúmlega 6.500 millj.kr.
almennur innflutningur í maí var
sömuleiðis um 2.050 millj.kr. (46%)
meiri heldur en að meðaltali mánuð-
ina janúar/apríl á þessu ári.
Verslunargleðinnar hefúr ekki að-
eins gætt hjá almenningi. Innflutn-
ingur stóriðjufyrirtækjanna var nú 3-
4falt meiri en í fyrra. Og á móti var
útflutningurinn einnig nær fjórðungi
meiri í maí en í sama mánuði í fyrra.
Hann dugði þó ekki til, því um 2.240
millj.kr. halli varð á vöruskiptum
maímánaðar, sem skrifast má á 4.300
millj.kr. flugvélakaup Flugleiða m.a.
Fyrstu fimm mánuði ársins nam
vöruinnflutningur til landsins um
36.660 milljónum króna, sem er
10% meira heldur en á sama tíma í
fyrra reiknað á sama gengi bæði árin.
Að mestu er þessi aukning vegna
45% meiri innflutnings sérstakra
fjárfestingarvara (flugvélamar) og
55% aukningar hjá stóriðjufyrirtækj-
unum.
Utflutningur á sama tímabili var um
37.410 millj.kr., sem er um 4% aukn-
ing frá siðasta ári. Vöruskiptajöfnuð-
urinn var því jákvæður um 750
millj.kr., borið saman við 2.800
millj.kr. á sama tíma í fyrra. Útflutn-
ingur sjávarafúrða (29.800 millj.kr.)
hefúr aukist um nær 15% miðað við
sama tímabil í fyrra. Hjá stóriðjufyr-
irtækjunum heftir útflutningur hins
vegar dregist saman um meira en
þriðjung milli ára. -HEI
Þorsteinn Bárðarson eigandi fjórhjólsins var byrjaður aö rífa hjólið í
sundur þegar myndin var tekin. Hans býður nú talsverð vinna við að
hreinsa það eftir sjóferðina. Tímamynd, Ægír Þórðarson
ÓK Á HJÓLIÚT
AFBRYGGJUNNI
Frá Ægi Þórðarsyni fréttaritara Tím-
ans á Hellissandi.
Mesta mildi var að ekki varð slys,
þegar 17 ára piltur á fjórhjóli lenti i
sjónum í Rifshöfn fyrir skömmu.
Óhappið varð þegar pilturinn fékk að
prófa fjórhjól sem kunningi hans
hafði keypt nýlega. Var hann á
keyrslu út bryggjuna og þegar hann
ætlaði að stöðva hjólið virkuðu
bremsumar ekki og skipti þá engum
togum að hjólið steyptist beint fram
af bryggjukantinum og í sjóinn, en
piltinum tókst að henda sér af því í
fallinu. Honum varð ekki meint af
volkinu.
Illa hefði getað farið ef hann hefði
fengið hjólið yfir sig þar sem hjól af
þessari tegund eru um 250 kg að
þyngd. Greiðlega gekk að ná hjólinu
upp úr sjónum en ljóst er að eigandi
þess hugsar sig tvisvar um, áður en
hann lánar það aftur þar sem talsverð
vinna er við að hreinsa seltuna úr vél-
inni og öðrum viðkvæmum hlutum
hjólsins.