Tíminn - 13.07.1990, Blaðsíða 9
8 Tíminn
Föstudagur13. júlí 1990
Föstudagur13. júlí 1990
Tíminn 9
Ferðamönnum til landsins fjölgaði um 4% fyrstu sex mánuöi ársins miöaö við sama tíma í fyrra:
ísland er öðruvísi og náttúran heillar
Einstæð náttúrufegurð er veigamesta ástæðan fyrir komu erlendra
ferðamanna til íslands. Náttúran virðist einnig vera í fyrirrúmi hjá
þeim ferðalöngum sem koma hingað í helgarferðir gagngert til að
skemmta sér og segir Magnús Oddsson ferðamálastjóri að enn eimi
eftir af gamalli draugasögu sem óprúttnir einkaaðilar komu á kreik
fyrir fáeinum árum um lauslæti íslenskra kvenna.
Bakpokalið loks efni
á hérlendri þjónustu
Magnús Oddsson, settur ferðamálastjóri,
sagði allt stefha í það að árið í ár verði
metár hvað varðar straum erlendra ferða-
manna til landsins. Fyrstu sex mánuði árs-
ins hefur átt sér stað 4% aukning ferða-
manna og sagði Magnús að miðað við þær
upplýsingar sem lægju fyrir með áfram-
haldið gerðu menn sér vonir um að þetta
yrði um 5% aukning miðað við árið í fyrra
þannig að það yrði þar með mestur fjöldi
ferðalanga frá upphafi.
Þá sagði Magnús eina mjög ánægjulega
breytingu vera á máta ferðamanna hér-
lendis sem væri meiri eyðsla hvers ferða-
manns í landinu.
„Hann virðist dvelja hér lengur og kaupa
meiri þjónustu enda er miklu meira fram-
boð á þjónustu nú. Þá á ég við bæði ferða-
lög, dægradvöl og annað. Því til viðmið-
unar get ég sagt að síðastliðinn fimm ár,
frá 1984-1989, þá hefur eyðsla hvers
ferðamanns aukist yfir 40% í erlendri
mynt,“ sagði Magnús.
Hann sagði að það væri einkum tvennt
sem ylli þessu. Það kæmi meira af ráð-
stefnufólki og svo það að þetta svokallaða
bakpokafólk væri farið að notfæra sér
ýmsar tegundir af þjónustu sem hefði ver-
ið boðið upp á undanfomum ámm. Þetta
fólk væri farið að gista hjá Ferðaþjónustu
bænda og sumarhótelum og sagði Magnús
að hægt væri að segja að við væmm farin
að bjóða þessu bakpokafólki þjónustu á
því verði sem það ræður við.
„Landið er að opnast. Það em svo ótrú-
lega margir staðir sem em að opnast á
landinu sem ferðamannastaðir - þetta er
ekki lengur bara Þingvellir, Gullfoss og
Geysir,“ sagði Magnús.
Helgi Jóhannesson, framkvæmdastjóri
Samvinnuferða- Landsýnar, tók í sama
streng og ferðamálastjóri að helsta breyt-
ingin í ferðamálum hér væri sú að útlend-
ingar væm famir að nýta sér betur þá
þjónustu sem hér er veitt.
„Hjá okkur sjáum við þróunina þannig að
við höfúm aldrei fengið jafnmikið af far-
þegum sem kaupa þær ferðir sem við vilj-
um helst selja. Þeir em að kaupa hótel-
ferðir, fara með rútum og fararstjómm,
gista á hótelum í kringum landið og em í
fullu fæði. Þessi tegund af ferðalöngum er
náttúmlega æskilegust því þeir skilja
vemlega mikið eftir sig og einnig ráðum
við svolítið skipulaginu,“ sagði Helgi.
Ferðamannaiönaður ekki
lengur áhugamennska
Þá sagði Magnús að ferðamannaiðnaður
hérlendis væri nú orðinn að alvöm at-
vinnugrein en fýrr hefðu menn oft litið á
þetta sem einhverskonar áhugamennsku.
Hann sagði að á hveiju ári væri það svo
eitthvað sem stæði upp úr, og þetta árið
væm það sjóferðir.
„Ef maður bara fer hringinn: Það er kom-
inn nýr bátur í Vestmannaeyjum sem býð-
ur upp á siglingu um eyjamar, það er kom-
inn nýr bátur á Breiðafjörð sem hefúr svo-
leiðis margfaldað ferðamannastrauminn
þar, það er kominn nýr bátur á ísafjarðar-
djúp, það er komin ný ferja á Eyjafjörð
sem fer út í Hrísey og Grímsey og það er
kominn nýr bátur sem fer á Jökulsárlónið
hjá Homfirðingunum. Þetta hefur allt
gerst svona allt í einu svo þetta virðist vera
mesta nýjungin, það er farið að bjóða
meira upp á siglingar," sagði Magnús.
Náttúran heillar.....
I könnun Ferðamálaráðs íslands fyrr á ár-
inu vom útlendingar spurðir að því hvað
það væri sem drægi þá hingað og sagði
Magnús að tvö orð hefðu verið mest áber-
andi út í gegnum alla könnunina, burtséð
frá þjóðemi svarenda: „náttúran" og
„öðmvísi“.
„Það gat svo verið í ýmsum myndum.
Finnar sögðu að það væri öðruvísi, hér em
engin tré! Hollendingar sögðu að hér væri
svo óskapleg fjállasýn og síðan komu hér
Eftir
Sólveigu
Ólafsdóttur
Þjóðverjar sem sögðu að það væri öðmvísi
af því hér væm svo stór óbyggð svæði.
Þeir eru að sækjast eftir því, eins og
kannski allir ferðamenn í heiminum, að
sjá eitthvað öðmvísi en heima hjá sér og
hér á Islandi höfum við svo margbreytilegt
land að við getum boðið svo ótrúlega
mörgum þjóðum upp á það,“ sagði Magn-
ús.
Flestir Bandaríkjamenn leggja leið sína
hingað til lands en þeir koma nokkuð jafnt
yfir árið. Magnús sagði að Þjóðverjar aft-
ur á móti dveldu mun lengur hér á landi og
að mestu tekjumar væm af þýskum ferða-
mönnum.
■ ■■■■ og holdið með?
Hingað til hefur mestur árangur náðst í
helgarferðum í Svíþjóð og Bretlandi, að
sögn Magnúsar.
„Þetta fólk sem kemur í helgarferðir að
vetri, kemur hingað fyrst og fremst til þess
að skemmta sér, borða öðmvísi mat og
dvelja á ólíkum stað,“ sagði Magnús.
Hvað snertir landkynningu sem komið
var af stað fyrir nokkrum árum, aðallega í
Svíþjóð, um gestrisni íslendinga og þá
sérstaklega kvenþjóðarinnar, sem gaf
mjög villandi lýsingar á daglegu lífi hér á
klakanum, sagði Magnús að enn eimdi eft-
ir af þessari goðsögn.
„Ég verð að játa það að það hefúr gengið
svolítið illa að kveða hana niður, því mið-
ur. I þessu tilfelli vom það ekki opinberir
aðilar heldur einkafyrirtæki sem stóðu að
Túrhestar á ferð í Reykjavík.
þessum auglýsingum. Þetta var mjög mik-
ið rætt og ég vil flokka þetta hreinlega
undir mistök,“ sagði Magnús.
Varðandi villandi auglýsingar um sið-
gæði íslenskra kvenna sagði Helgi að þótt
enn yrði vart við trú erlendra ferðamanna
á lauslæti hefði þetta breyst töluvert.
„Aherslumar hafa verið teknar af þessu,
auglýsingakynningunni hefúr nú verið
breytt. Menn áttuðu sig á því að þetta var
ekkert sniðugt. Ég held að þetta sé svona
að hverfa,“ sagði Helgi.
Hann tók undir það með Magnúsi að
menn kæmu hér til að hafa það gott, borða
góðan mat, þetta væri einfaldlega
skemmtilegur möguleiki. „Við emm að
færa áhersluna meira á að Reykjavík sé al-
þjóðleg borg, menn geti borðað hér og far-
ið í skemmtilegar ferðir. Og auðvitað farið
á næturklúbb þess vegna, og hún standi er-
lendum borgum ekkert á sporði í því,“
sagði Helgi.
Koma ekki til að
kaupa sólina
Helgi sagði að þegar í júní hefði verið
uppselt í allar ferðir sem Samvinnuferðir-
Landsýn byði upp á og það jafnvel þó að
bætf hefði verið við ferðum. Hann sagði
að þetta væri metár í skipulögðum hóp-
ferðum, og þeir hefðu aldrei áður þurft að
hætta að bóka í þær í byrjun júní, en um 9
þúsund manns ferðast til landsins á vegum
ferðaskrifstofúnnar í ár.
„Ferðimar em ekki ódýrar en samt hefúr
þessi mikli verðmunur sem var alltaf,
þetta háa verð sem mönnum fannst á Is-
landi áður, lagast töluvert," sagði hann.
Helgi sagði að útlendingar sem kæmu
hingað væm ekki að kaupa sólina og raun-
ar kynntu þeir landið þannig að ekkert
veður væri á Islandi því það væri svo
breytilegt. Hins vegar væri það falleg nátt-
úra sem fólkið væri að sækjast eftir. Kynn-
ing á landinu um að það sé öðmvísi er að
skila sér, að sögn Helga, auk þessarar
vakningar að fara í ferðir, skoða náttúmna
og vera úti í hreinu lofti.
„Það sem við höfúm orðið varir við núna
er þessi öryggisþáttur. Við erum þekkt fyr-
ir það að hér er ekkert að óttast þú getur
verið hér án þess að eiga á hættu að vera
rændur eða eitthvað komi fyrir,“ sagði
Helgi.
Helgi sagði að fyrirtækjaferðir hingað
væm famar i síauknum mæli. Þar fæm
menn upp í jökla og í ýmis ævintýri og
þeim mun skrítnari sem þau væm þeim
mun betra.
Ævintýraferðir fyrirtækja
upp á jökul arðvænlegastar
Hveiju em útlendingar þá að sækjast eft-
ir hér á landi? Er það svakalegt landslag
og svaðilfarir sem heilla?
Homfírðingar hafa boðið ferðamönnum
upp á jöldaferðir síðan 1985. Að sögn
Tryggva Amasonar er hægt að velja á
milli vélsleðaferða og snjóbílaferða upp á
jökulinn. Tryggvi sagði að mestu leyti
vera um pakkaferðir að ræða; að fyrst væri
farið væri á jökulinn og síðan að Jökulsár-
lóni og siglt á því. Ferðimar fengjust svo
með eða án matar.
„Þetta er allt ffá því að vera svona litlir
nestispakkar upp í það að vera fiskirétta-
hlaðborð á snjó uppi á jökli með þjóni og
kokki og léttvíni og öðm slíku,“ sagði
Tryggvi.
Timamynd Ami Bjama
Vinsældir þessara ferða em gífúrlegar;
u.þ.b. 11 þúsund manns sigldu á lóninu í
fyrra sumar og búist er við upp undir 14-
15 þúsund manns nú í sumar.
Tryggvi sagði hins vegar að það sem færi
mest vaxandi og það sem gæfi mest af sér
væm svokallaðar ævintýraferðir stórfyrir-
tækja sem koma með leiguflugi að morgni
og fara aftur að kvöldi.
„Jafnframt þessu er útbúin matarveisla
upp á jökli eða út við Jökulsárlónið eftir
þvi hvað það er langur tími sem við höfum
fyrir fólkið. Þessir skilja eftir sig tvöfalt
eða þrefalt meira en hinir sem em bara á
ferðinni," sagði Tryggvi.
Reiötúrar um hálendið
og ígulkeraát
Fyrirtækið Ishestar býður upp á pakka-
ferðir iyrir fólk þar sem reiðhestar og gist-
ing er innifalin. Að sögn Sigrúnar Ingólfs-
dóttur hjá Ishestum kemur fólk helst til
þess að fara í hálendisferðir og þá gagngert
til þess að ferðast á islenska hestinum. Fyr-
irtækið leigir svo út hesta til styttri ferða
fyrir fólk sem langar að skreppa á bak.
Eyjaferðir hf. í Stykkishólmi gera út bát
sem siglir út í Breiðafjarðareyjar og að
sögn Svanborgar Siggeirsdóttur starfs-
manns þar hefúr áhugi á þessum ferðum
aukist gífúrlega. Sigrún sagði að þau
legðu aðaláhersluna á Suðureyjaferðir
sem taka rúma tvo tíma. Þar er farið upp
að fúglabjörgum og sagði Sigrún fúglana
vera orðna svo gæfa að fólk kæmist í mjög
nána snertingu við þá. Þetta væri því kjör-
ið til myndatöku.
Sigrún sagði að einnig væri boðið upp á
ferð þar sem farið væri á skelfisksveiðar.
Þar kæmi upp hörpudiskur, ígulker og
önnur sjávardýr, og smakkar fólkið á þess-
um krásum á meðan á ferðinni stendur.
Hún sagði að þetta væri gífúrlega vinsælt,
eiginlega toppurinn núna, og að fólk léti
misjöfn veður ekkert á sig fá.
Ráðstefnulandið ísland?
Magnús sagði að Island yrði aldrei ráð-
stefnuland sem slíkt en þó nokkur árangur
hefði náðst í því að fá hingað ráðstefnur
sem við ráðum við.
„Við ráðum ekki við stórar alþjóðlegar
ráðstefnu vegna gistirýmis og annars. En
árangur hefúr sérstaklega náðst í norræn-
um ráðstefnum vegna okkar legu. En enn-
þá bíðum við eftir því að sjá stóra árangur-
inn í því starfi sem hefúr verið unnið að því
að ná svona alþjóðlegum ráðstefnum sem
við ráðum við eins og sú sem verður hér í
maí á næsta ári; stóra Hafréttarráðstefha
Sameinuðu þjóðanna,“ sagði Magnús.
Matthías Kjartansson framkvæmdastjóri
fyrirtækisins Ráðstefhur og fúndir sagði
að um 90% af þeim ráðstefnum sem hér
væru haldnar væru samnorrænar ráðstefn-
ur sem Norðurlandaþjóðimar skiptust á að
halda.
„Þetta er nú sem betur fer að breytast
þannig að núna emm við farin að leita út
fyrir Norðurlöndin og emm að reyna að
benda alþjóðlegum fyrirtækjum og al-
þjóðasamtökum á að ísland er nýr mögu-
leiki,“ sagði Magnús. .
Hann sagði að þeir bentu fólki á að Island
væri miðja vegu milli Evrópu og Norður-
Ameríku og því upplagt að hittast hér á
miðri leið.
Meðalráðstefnugestafjöldi sagði Magnús
að væri á milli 250-300 manns. Ef það færi
mikið fram yfir það væri erfitt að finna
gistingu handa öllum.
Matthías sagði að þetta væri dálítil tísku-
bóla núna og ráðamenn hefðu verið að tala
um að gera Island að ráðstefnulandi.
„Það sem við verðum að vara okkur á er
að okkar innviðir em ekki nógu góðir til
þess að taka við neinu rosalegu," sagði
hann.
Matthías sagði hótel hérlendis vera mjög
lítil á heimsmælikvarða, og stór fyrirtæki
vildu oft hafa alla ráðstefnugesti á sama
stað sem ekki væri hægt vegna fjölda ráð-
stefnugesta. Ef að um einlitan hóp væri að
ræða hentaði best að hafa um 100 gesti og
við væmm farin að sækja töluvert á í
fúndahöldum fyrirtækja af þessari stærð-
argráðu.