Tíminn - 14.07.1990, Blaðsíða 5

Tíminn - 14.07.1990, Blaðsíða 5
Laugardagur14. júlí 1990 Tíminn 5 Að sjálfsögðu verður sprangað á þjóðhátíð í Eyjum. „Dönsum og dönsum í dalnum fram á nótt“ Þjóðhátíð Vestmannaeyinga verður að venju haldin um verslunarmanna- helgina. Dagskrá verður að mestu með hefðbundnu sniði og þar skemmta margir kunnir skemmtikraftar og tónlistarmenn. Þá verður á staðnum Tivolí og leiksvæði fyrir bömin. Verð aðgöngumiða er að þessu sinni sex þúsund krónur. Búið er að semja sérstakt þjóðhátíðarlag, Næturfjör eftir Olaf M. Aðalsteinsson og Guðjón Weige og kemur það út innan skamms. -hs. Sameiginlegt verkefni kvikmyndastofnana Norðurlanda: VERÐURISLAND MED í PÚKKINU? Kvikmyndastofnanir Norður- landa áætla að fjármagna sameiginlega fimm kvikmynd- ir, eina frá hvetju landi, og yrði það í fýrsta skipti sem sem svo mörg lönd taka sameiginlega þátt í kostnaði kvikmyndaverk- efnis hvers annars. Kvik- myndasjóður íslands hefur ákveðið að taka þátt í þessu verkefni, fáist flárveiting til þess, en áætlaður heildar- kostnaður við allar myndimar fimm er um 800 milljónir ísl.kr., að sögn Þorsteins Jónssonar, framkvæmdasfjóra Kvik- myndasjóðs. Þorsteinn sagði að framlag hverrar þjóðar væri mjög mismunandi, og færi eftir kostnaðarverði hverrar myndar fyrir sig. „Við vitum ekki hver okkar kostnað- ur verður endanlega, vegna þess að það er ekki búið að velja verkefnið ennþá, og það er ekki alveg komið á hreint hver okkar hlutur verður í hin- um myndunum. Aðalatriðið er að vera með,“ sagði Þorsteinn. Hann sagðist reikna með því að framlag hinna landanna verði meira en það sem við legðum til þeirra mynda, eins og venjan væri í norrænu samstarfi. „Auk þess fylgir þessu mikil kynn- ing á öllum helstu kvikmyndahátíð- um eins og Cannes og Berlín og víð- ar. Þetta hefur vakið mikla athygli vegna þess hversu mörg lönd taka þátt i þessu sameiginlega," sagði Þor- steinn. Að auki sagði Þorsteinn að einnig væri gert ráð fyrir framlagi frá Nor- ræna kvikmyndasjóðnum, sem yrði um 30 milljónir ísl. króna í íslenska verkið. Þetta eina verkefni myndi tæma Kvikmyndasjóðinn á næsta ári, og því hefur sjóðurinn sótt um sérstaka aukafjárveitingu til verkefnisins. Þor- steinn sagðist vera vongóður um að hún fengist. „Ég hef átt viðræður við Svavar Gestsson menntamálaráðherra og Steingrím Hermannsson forsætisráð- herra. Þeir hafa báðir tekið þessu vel, en að vísu kvartað undan féleysi rikis- sjóðs. Þess ber að geta að við þurfum ekki nema 12 milljónir á þessu ári, en restin kemur til greiðslu á næsta ári,“ sagði hann. Gert er ráð fyrir því að halda opna samkeppni um þátttöku í verkefhinu, og verða þijú verkefhi valin af sér- stakri dómnefhd sem skipuð er þrem- ur mönnum kosnum af Félagi kvik- myndagerðarmanna, Sambandi ís- lenskra kvikmyndaframleiðenda og Sambandi íslenskra kvikmyndaleik- stjóra. Þessi verkefhi fá handrits- og undirbúningsstyrki, en ftamleiðslu- styrkur verður svo veittur í árslok til íslenska verkefnisins sem yrði endan- lega fyrir valinu. Framleiðslu mynd- arinnar yrði svo lokið á næsta ári. Að sögn Þorsteins er ekki nein krafa um efni myndarinnar, og er hvert verkefni valið í hveiju landi fyrir sig. Danir, Svíar og Norðmenn hafa þegar valið sín verkefhi, en Islendingar og Finnar munu tilnefna sín verkefhi síð- ar. Ef ekki fæst vilyrði fyrir styrk frá rikissjóði geta íslendingar ekki tekið þátt í þessu verkefni. —só Jón Kristjánsson alþingismaður segir villandi ummæli höfð eftir sér í fréttatíma Stöðvar 2: Jón Kristjánsson, alþingismaður og varamaður í stjóm Blaða- prents hf., segir það ranglega eft- ir sér haft í fréttum Stöðvar 2 að viðræður hafi átt sér stað á milli Blaðaprents og bankaráðs Landsbankans um að bankinn kaupi húseignir af fyrirtækinu. Hann hefur freistað þess að fá fréttastofu Stöðvar 2 tii að leið- rétta það sem haft er eftir honum, en án árangurs. Jón sagði i samtali við Tímann í gær að fréttamaður Stöðvar 2 hefði hafl samband við sig í kjölfar fféttar í tímaritinu Frjálsri verslun um að Landsbankinn væri að kaupa hús- næði Blaðaprents á Lynghálsi. Fréttamaðurinn spurði um þessi kaup og tengsl bankaráðsmanna Landsbankans við Blaðaprent, þar á meðal Kristins Finnbogasonar. Kristinn er varaformaður bankaráðs- ins og jafnframt stjómarmaður í Blaðaprenti. „Ég tjáði fféttamanninum að ég hefði tekið sæti Kristins, sem vara- maður hans í stjóm Blaðaprents, þegar viðskipti Landsbankans hafa verið til umræðu hér,“ sagði Jón. „Frétt Stöðvar 2 sem birtist um þetta mál var ónákvæm, að mér finnst, og beinlínis röng. Hún var á þá leið að ég ætti í viðræðum við Landsbank- ann um sölu á þessari ákveðnu eign. Það er ekki rétt. Engar slíkar viðræð- ur hafa farið ffam og allra síst af minni hálfu, vegna þess að það em stjóm og ffamkvæmdastjóri Blaða- prents sem fara með umboð til samn- inga fyrir fyrirtækið. Að sjálfsögðu höfum við rætt viðskipti Blaðaprents og Landsbankans. Það liggur í aug- um uppi að við ræðum við okkar að- al viðskiptabanka þegar fyrirtækið er um það bil að hætta starfsemi og rekstri. Það hefur ekkert verið rætt um sölu á þessari ákveðnu eign, heldur hafa viðskipti fyrirtækisins verið rædd í heild sinni við Lands- bankann." — Nú liggur fyrir að Blaðaprent hf. er að leggja niður starfsemi. Stendur þá ekki fyrir dymm sala á eignum þess og þar á meðal húsnæðinu? „Jú, að sjálfsögðu þurfum við að selja eignir til þess að geta lokið skuidbindingum fyrirtækisins," sagði Jón. - ÁG Jón Kristjánsson alþingismaður segir ffétt Stöðvar 2 um sölu Blaðaprents á húseigninni að Lynghálsi 9 vera ranga. Hann hefur beðið fréttastofu Stöðvar 2 um leiðréttingu á því sem rang- lega var eftir honum haft, en án árangurs.

x

Tíminn

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Tíminn
https://timarit.is/publication/50

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.