Tíminn - 18.07.1990, Blaðsíða 2
2 'Tímíriri
I
Miðvikudagur 18. júlí 199Ö
Reikniaðferðir Kjararannsóknanefndar á meðalvinnutíma gefa ranga niðurstöðu:
íslendingar ekki eins vinnu-
samir og talið hefur verið?
Að sögn Gylfa Ambjömssonar í Kjararannsókna-
nefnd eru íslendingar ekki jafnmiklir vinnuþjarkar og
af er látið. Hingað til virðist íslenska þjóðin hafa boríð
höfuð og herðar yfir grannþjóðir sínar hvað eljusemi
varðar en ástæðuna er að finna í mismunandi út-
reikningum á meðal vinnutíma.
„Það hefur hingað til verið notuð
ákveðin skilgreining til að finna út
meðal annars hvað fullvinnandi fólk
þénar. Þá er aðeins tekið mið af þeim
sem vinna fullt starf og aukavinnu.
Þessi skilgreining var, þegar hún var
tekin í notkun, ekki til þess ætluð að
bera saman vinnustundafjölda en
hefur engu að síður verið notuð í
þeim tilgangi. Erlendis er hins vegar
tekið meðaltal af vinnu án tillits til
stærðar stöðugildis," sagði Gylfi. Þá
eru lagðar saman vinnustundir bæði
þeirra í fullu- og hlutastarfi og síðan
deilt með fjölda.
„Þetta hefur skapað mismun og nú
er verið að vinna upp aðrar aðferðir
til að gera þessa útreikninga sam-
bærilega við okkar nágrannaþjóðir."
Mismimurinn mun geta numið
meira en tíu vinnustundum. „Við
komum til með að nota gögn sem
safnað hefur verið saman í rnn áratug
og vinna upp aðrar skilgreiningar.
Við erum ekki ennþá komin með
endanlegar niðurstöður en sjáum
samt að þama er um töluverðan mun
að ræða. Ef við til að mynda tökum
sem dæmi meðalvinnutíma kvenna
hér á landi þá er talið að hann sé um
42 stundir. Meðalvinnutími kvenna í
Skandinavíu er hins vegar aðeins um
30 stundir á viku. Mjög stór hluti
kvenfólks er í hálfu starfi og það hef-
ur auðvitað áhrif á niðurstöður. Sé
tekið tillit til þeirra í hálfu starfi þá
fer vinnutími íslensks kvenfólks nið-
ur fyrir þijátíu stundir," sagði Gylfi.
jkb
Kjararannsóknarnefnd:
Hversu réttir eru
útreikningarnir?
Vegna fréttar f Tímanum í gær
um útrefknlnga Kjararannsókn-
arnefndar vill Tíminn taka fram
eftirfarandi. í fréttabréfi Kjara-
rannsóknarnefndar segir frá
kðnnun á kjörum nokkurra
starfsstétta. í könnuninni eru
borin saman laun á timabilinu 1.
janúar- 30. apríi 1989 við sama
timabil áriö eftir. Könnunin sýnir
að kaupmáttur hefur drcgist
saman um 10%. Mjög margir
launþegar viröast hafa skilið nið-
urstöður nefndarinnar á þann
veg að kaupmáttur hafi rýrnað
um 10% síðustu mánuðina.
Verkalýðsforingjar og aðrir þeir
sem eru í góöum tengslum við
launþega þessa lands geta borið
vitni um það.
í fréttabréfi Kjararannsóknar-
nefndar er ekki gerð nein tilraun
til að benda á þá staðreynd að
kaupmáttur hefur ekki rýrnað
eftir að kjarasamningarnir voru
gerðir 1. febrúar siðastliðinn.
Guðmundur J. Guðmundsson,
formaður Dagsbrúnar, segir í
umræddri frétt að upplýsinga-
streymi til Kjararannsóknar-
nefndar sé mjög óáreíðanlegt. Ás-
mundur Stefánsson, forseti ASÍ,
sagði í samtali við Tímann i gær
að nefndin heföi ekki aðgang að
eins mikium upplýsingum og
æskilegt væri, og að það hefði
áhrif á niðurstöðurnar. Gylfi Ar-
inbjörnsson hjá Kjararannsókn-
arncfnd tekur undir þetta í frétt-
inni, Timlnn telur því eins og
Guðmundur J. að niðurstöður
nefndarinnar séu hæpnar, ef ekki
beinlínis rangar.
Fréttastjöri.
Athugasemd
Þórarinn V. Þórarinsson, fram- isstjórnin ætlar að halda fast við
kvæmdastjóri VSÍ, hafði samband þær skattahækkanir sem fetast í að
við Tímann og sagði að rangt hefði halda jöfnunargjaidi á iðnaðarvör-
verið haft eftir sér í Timanum i ur út árið.“ Fyrr í greininni er haft
gær, en þar er haft eftir honum „að eftir Þórarni „að væntanlegar að-
fari verðlag yfir rauðu strikin í gerðir ríkisstjómarinnar séu ekki
haust, verði launahækkun scm nægilegar til að halda verðlagi fyr-
skrifast muni á reikning ríkJsins.“ ir neðan „rauð strik“ í haust.“
Það er rétt hjá Þórarni að þetta Tíminn telur þvi að ekki sé óeðli-
sagði hann ekld orðrétt Hins vegar legt að orð Þórarins séu túlkuð
sagði hann orðrétt í fréttinni: „Mitt með þeim hætti sem gert var á for-
mat er það að þetta (markmið í síðu Tímans í gær.
launamálum) náist ekki, ef að rík- Fréttastjóri.
Þaö gustaði heldur betur um landsmótsgesti í Mosfellsbæ og eins og sjá má fór ekki mikið fyrír þessum tjöld-
um eftir að mesta veðríð var um garð gengið. Tímamynd Pjetur.
Landsmóti UMFÍ lauk um helgina:
Nokkur lands-
mótsmet fuku
„Þetta mót tókst mjög vel þrátt fýrir erfið veðurskilyrði á köflurn,"
sagði Ómar Harðarson, annar framkvæmdastjóri Landsmóts
UMFÍ, sem haldið var um helgina í Mosfellsbæ. Ómar taldi að
gestir hafi verið næni tíu þúsund, sem er minni fjöldi en búist var
við og er slæmu veðri einkum kennt um.
„Við bjuggumst við venjulegri sunn-
lenskri súld, en við áttum ekki von á
þessu veðri á fostudag né laugardag.
Það má segja að veðrið á laugardegin-
um hafi verið afleitt og erfitt til keppni,
rok og rigning.“ Ómar sagði að þrátt
fyrir veðrið hafi ekki þurft að fresta
mörgum dagskrárliðum, aðeins sigl-
ingum á föstudegi og einni grein á
laugardegi. Á lokadegi mótsins var
Siglufjarðarskarð:
Kókumboðið
Eins og vest-
firskur vegur auglýSt Á SÍglÓ?
Enn er unnið að því að ryðja Siglu-
fjarðarskarð, og að sögn Guðmundar
Davíðssonar kaupmanns er farið að
styttast í að það verði opnað fyrir
umferð.
Strákagöngum, sem eru aðalum-
ferðaræð Siglfirðinga, verður lokað
vegna viðgerða, og er ætlunin að
Siglufjarðarskarð taki að einhveiju
leyti við hlutverki ganganna.
Guðmundur sagði að skarðið væri
fært fólksbílum ef varlega væri farið,
þetta væri bara eins og slæmur
fjallavegur fyrir vestan, —gó
Á fundi sem sölustjóri Vífilfells hf.
átti með Siglfirðingum í þessari viku
var gefið í skyn að staða kókumboðs-
manns á Siglufirði yrði auglýst laus
til umsóknar, að sögn Guðmundar
Davíðssonar kaupmanns.
Guðmundur sagði að efnt hefði ver-
ið til fundar, og héldu Siglfirðingar
að Vífilfellsmenn hefðu eitthvað nýtt
fram að færa.
,Jin svo var ekki, þeir virtust bara ætla
að útskýra sitt mál betur,“ sagði hann.
Guðmundur sagði að í lok fundarins
hafi Bæring Ólafsson sölustjóri Vif-
ilfells hins vegar gefið í skyn, eða
hálfvegis lofað að auglýsa stöðu um-
boðsmanns á Siglufirði lausa.
„En meðan ekkert gerist þá er
óbreytt ástand. Við kaupum ekki af
þeim. Það besta í þessu er að bæjar-
búar standa á bak við þetta. Það eru
nokkrar búðir sem eiga smávegis eft-
ir af kók, og það selst bara ekki,“
sagði Guðmundur.
Hann sagði að þeir teldu að ekki
yrði hægt að þjóna þeim á viðunandi
hátt ef umboðið yrði tekið af Sigl-
firðingum, og þetta væri bara spam-
aður íyrir þá.
„Svo það að við erum að missa úr
bænum bæði flutninga og dreifingu,
eitt starf sem jafhgildir um 50 störf-
um í Reykjavík," sagði Guðmundur.
Ekki náðist í forráðamenn Vífilfells
í gær.
—só
komið skaplegt veður og var mótinu
slitið aðeins hálftíma á eftir áætlun.
„Þetta mót tókst mjög vel, sem sýnir
að hægt er að halda landsmót UMFÍ í
grennd við höfuðborgarsvæðið, sem
sumir hafa verið hræddir við. Þá má
benda á að aðstasður til að halda slikt
stórmót eru mjög góðar á Varmárvelli í
Mosfellsbæ og þrátt fyrir erfið veður-
skilyrði náði íþróttafólkið betri árangri
en náðst hefur áður á landsmótum,"
sagði Ómar. Hann sagði að ekki hafi
verið slegin nein Islandsmet, en mörg
landsmótsmet hafi fokið.
Hafsteinn Pálsson, formaður Ung-
mennasambands Kjalamesþings, sem
var framkvæmdaaðili mótsins, sagðist
ánægður með mótið. „Við hefðum
gjaman viljað sjá fleiri gesti á mótinu,
en þrátt fyrir að ekki komu eins margir
og við áttum von á, finnst okkur vel
hafa tekist til. Þetta er eftirminnilegt
mót að þvi leyti að þetta er í fyrsta
skipti sem landsmót er haldið við jafri-
góðar aðstæður og hér í Mosfellsbæ.“
Vel tókst til með dansleiki og
skemmtanir að kvöldi mótsdaganna og
aðsókn var eftir atvikum góð. Slæmt
veður setti mark sitt á allt mótshaldið á
köflum og tjaldbúar áttu sumir hveijir í
basli með að halda tjöldum sínum
niðri. Allt fór þó vel að lokum og
íþróttamenn eru nú flestir komnir heim
til sín eftir eftirminnilegt landsmót.
-hs.