Tíminn - 27.09.1990, Blaðsíða 17

Fimmtudagur 27. september 1990
Tíminn 17
Keflavík — Opin skrifstofa
Félagsheimili framsóknarmanna að Hafnargötu 62 er opið alla
virka daga milli kl. 17 og 18.
Starfsmaður framsóknarfélaganna, Guðbjörg Ingimundardóttir,
verður á staðnum. Sími 92-11070.
Framsóknarfélögin
Suðurland
Skrifstofa Kjördæmasambandsins á Eyrarvegi 15, Selfossi, er opin á
þriðjudögum og fimmtudögum kl. 15.00-17.00. Síminn er 22547.
Félagar eru hvattir til að líta inn.
K.S.F.S.
Reykjaneskjördæmi
Kjördæmasamband framsóknarmanna boðar til formannafundar
þriðjudaginn 2. október kl. 20.30 að Hamraborg 5, Kópavogi.
Stjórn K.F.R.
Keflavík
Aðalfundur Framsóknarfélags Keflavíkur verðurhaldinn sunnudaginn
30. september kl. 14.00 í Félagsheimilinu.
Dagskrá samkvæmt félagslögum.
Stjórnin.
Borgnesingar, nærsveitir
Spiluð verður félagsvist í Félagsbæ föstudaginn 28. sept. kl. 20.30.
Mætum vel og stundvíslega.
Allir velkomnir.
Framsóknarfélag Borgarness.
m
Unnur
Virðum líf—Vemdum jörð
Ráðstefna um umhverfismál verður haldin í Vestmannaeyjum
laugardaginn 29. september nk.
Dagskrá:
Kl.
10:20 Ráðstefnan sett
Unnur Stefánsdóttir, formaður LFK.
10:30 Norrænt umhverfisár
Siv Friðleifsdóttir, fulltrúi í framkvæmdastj. Norræna fé-
lagsins.
11:00 Umhverfið er dýrmætt
Sigurbjörg Sæmundsdóttir hagverkfræðingur
11:40 Umhverfismál í Vestmannaeyjum
Birna Þórhallsdóttir, áður í heilbrigðis- og umhverfisnefnd
Vestmannaeyja.
Eftir hverja framsögu er hægt að bera fram fyrirspurnir
12:00 Matarhlé
13:20 Hópvinna
15:05 Miðdegishlé
15:20 Niðurstöður hópa kynntar/umræður
16:25 Ráðstefnuslit
Ráðstefnustjórar Oddný Garðarsdóttir og Svanhildur Guð-
laugsdóttir
17:00 Skoðunarferð um Vestmannaeyjar
19:45 Kvöldverður og kvöldvaka í umsjón heimakvenna.
Kvöldið og nóttín frjáls.
Ráðstefnan er öllum opin. Þeir sem þurfa gistingu og flug, vin-
samlega hringi í Svanhildi í s. 98-12041 e.h. og Þórunni í s. 91-
674580 fyrir 24. september nk.
Landssamband framsóknarkvenna
Paul og Debbie Raymond, feðginin sem standa saman í stórfelldum klámrekstrí.
Reidubúin í slaginn
Debbie Raymond er 33 ára gömul
og væntanlegur arftaki stórveldis í
klámiðnaðinum. Konur hafa hing-
að til ekki látið mikið til sín taka í
klámiðnaðinum, nema þá til þess
að mótmæla þeirri niðurlægingu
sem konur mega sæta á því sviði —
og vera fyrirsætur og nektardansar-
ar.
En Debbie Raymond lætur það
ekkert á sig fá þótt margir telji það
óviðeigandi að kona gefi út klám-
tímarit og reki klámbúllur.
Hún er erfingi föður síns sem er
með þeim voldugustu í kláminu.
Hann gefur út útbreiddustu karla-
tímaritin á Englandi, t.d. Men Only,
Razzle og Escort, og rekur margar
klámbúllur í Soho, en dágóður
hluti þess hverfis er hans eign.
Faðirinn hóf feril sinn sem hugs-
analesari í farandsýningum en hef-
ur heldur betur fært út kvíarnar
síðan. Klámrekstur hans er nú tal-
inn vera um 190 milljón dala virði
og fer ekki minnkandi.
Dóttirin hefur starfað við fyrirtæk-
ið sl. átta ár, aðallega við blaðaút-
gáfuna. Hún tók franska markaðinn
með trompi fyrir fjórum árum þeg-
ar hún hóf útgáfu tímaritsins Club
Pour Hommes sem nú er mest
selda karlatímarit Frakklands. Þau
feðginin eru farin að seilast til Aust-
ur-Evrópu og hafa nú hafið útgáfu
„létts“ klámblaðs í Póllandi. Tíma-
ritið, sem nefnist Sukes, er 200
blaðsíður að stærð, inniheldur að-
allega nektarmyndir af konum og
er gefið út mánaðarlega í Varsjá.
Sjálf segir Debbie Raymond að
hún myndi aldrei sitja fyrir nakin.
Hún segist ekki gera lítið úr konum
með framleiðslu sinni, heldur not-
færa sér þá staðreynd að karlmenn
eru reiðubúnir að borga fyrir það
sem hún hefur fram að færa.
Paul Raymond er nú 65 ára og
ekkert á leiðinni að setjast í helgan
stein. En þegar þar að kemur mun
hann vita af stórveldi sínu í traust-
um og öruggum höndum dóttur
sinnar.
Kynskiptingamúrinn mikli
Eftir endilangri Lanternströnd í
Trieste á Ítalíu er hvítkalkaður
múr. Hlutverk múrs þessa kann
mörgum að koma spánskt fyrir
sjónir nú á tímum jafnréttis og
frjálsræðis.
Hlutverk múrsins er nefnilega að
skipta ströndinni á milli karla og
kvenna.
Svona hefur þetta alltaf verið og
svona vilja menn hafa það. Skipt-
ingin hefur staðið af sér alla tísku-
og breytingastrauma, sem dunið
hafa yfir Evrópu, aðallega vegna
þess að íbúar Trieste vilja ekki
heyra á neinar breytingar minnst.
Þeim finnst þetta mjög þægilegt og
afslappandi. Að sögn kvennanna er
mun betra að vera topplaus í sól-
baði þegar þær eru lausar við gláp-
ið í körlunum. Hvað karlana snert-
ir hefur þetta þann kost að börnin
fylgja yfirleitt mæðrum sínum á
ströndinni og geta feðurnir því
leikið Iausum hala sín megin við
múrinn.
Það er dálítið skondið að þessi
kynskipta strönd skuli vera í Tri-
este. Þar komu upp fyrstu nektar-
nýlendurnar á Ítalíu og strendur
þar eru almennt mjög frjálslegar,
með þessari undantekningu þó.
Yfirvöld í Trieste segja þennan sið
ekki hafa viðhaldist af trúarlegum
eða siðferðilegum ástæðum. Ibú-
arnir hafi vanist þessu svona og
ferðamenn séu margir hverjir stór-
hrifnir af þessu fyrirkomulagi.
Þessu verður því varla breytt í
bráð.
Þótt íbúar Trieste séu ánægðir með kynskiptinguna á ströndinni,
geta sumir samt ekki stillt sig um að kíkja aðeins á fortroðnu ávext-
ina handan múrsins.