Tíminn - 03.10.1990, Blaðsíða 2
2 Tíminn
Miðvikudagur 3. október 1990
Búnaðarbankinn og sparisjóðirnir kaupa meirihlutaeign Péturs H. Blöndal í Kaupþingi:
Gerir fyrirtækið betra og
hæfara í samkeppninni
Síðastliðinn mánudag var gengið frá kaupum Búnaðarbanka ís-
lands og Lánastofnunar sparisjóða hf. á 51% hlutafjáreign Péturs
H. Blöndal í Kaupþingi hf. á 115,6 milljónir króna. Markmiðið með
kaupunum er að auka hlutdeild Búnaðarbankans og sparisjóðanna á
fjármagnsmarkaði.
Þegar Pétur H. Blöndal var inntur
eftir ástæðunum fyrir sölunni á
meirihluta sínum í Kaupþingi,
sagði hann að það væru aðallega
breytingar á markaðinum sem
hefðu ráðið því. Þessar breytingar
væru afleiðing af sameiningu bank-
anna og nú væru starfandi fjögur
fyrirtæki á markaðinum eftir að
verðbréfafyrirtækið Landsbréf var
stofnað. Pétur sagði að þegar
Landsbankinn stofnaði Landsbréf
hafi ekki verið mikill vandi að álykta
að Búnaðarbankinn ætlaði sér líka
inn á markaðinn. Þar með hefðu
verðbréfafyrirtækin orðið fimm og
sagði Pétur að hans mat hefði verið
það að þessi litli markaður bæri
ekki fimm fyrirtæki þannig að vel
væri. Undanfarið hefur ekki verið
mikill hagnaður í greininni og með
tilkomu nýs fyrirtækis yrði um enn
minni hagnað að ræða og þ.a.l.
minni arðsemi í þessum viðskipt-
um. Salan á meirihlutanum hafi
verið leið til að fækka samkeppnis-
aðilum og fækka aðilum á mark-
aðnum og einnig til þess fallin að
auka hagkvæmni og bæta rekstur
þessara fyrirtækja. Pétur sagði að
það hefði einnig verið gott að fá inn
tvo jafnsterka aðila og jafnvíga í
stjórn Kaupþings sem geri það að
verkum að Kaupþing verður óháð-
ara en ef einn aðili ætti það. Þetta
tryggi sjálfstæði Kaupþings og geri
það jafnframt samkeppnishæfara á
markaðinum. Pétur sagði að eitt
markmiðið í viðbót með þessari
sölu hafi verið að styrkja Kaupþing.
Það hafi alltaf háð fyrirtækinu að
hafa bara tvo útsölustaði, þ.e. Kaup-
þing og Kaupþing Norðurlands, auk
þess sem nokkrir sparisjóðir seldu
lítillega Einingabréf. Nú væri hins
vegar um 80 útsölustaði að ræða og
dreifingarkerfið yrði því miklu
betra og þ.a.I. einnig þjónustan við
viðskiptavini fyrirtækisins. Fólk
þarf ekki lengur að ómaka sig niður
á skrifstofu Kaupþings til að kaupa
Einingabréf og Skammtímabréf
heldur er hægt að fá þau í næsta
útibúi Búnaðarbankans eða næsta
sparisjóði. Pétur sagði að hlutdeild
Kaupþings á markaðnum hefði ver-
ið í kringum 23-24% sl. tvö ár ef
það væri mælt út frá verðbréfasjóð-
unum sem eru í vörslu fyrirtækj-
anna. Þessi tala hefur verið mjög
rkvni\gg i Hnr
Kópavogur - Bæjarmálaráð
Fundur verður haldinn í Bæjarmálaráði miðvikudaginn 3. október kl.
17.00 að Hamraborg 5.
Stjórnin.
Selfoss - Nágrenni
Félagsvist verður spiluð að Eyrarvegi 15 kl. 20.30 2. október, 9.
októberog 16. október. Þriggjakvöldakeppni. Kvöldverðlaun. Heildar-
verðlaun.
Allir velkomnir.
Stjórn Framsóknarfélags Selfoss.
Dalasýsla
Aðalfundur Framsóknarfélags Dalasýslu verður haldinn
laugardaginn 6. október kl. 14.00 I Dalabúð.
Alexander Stefánsson og Davíð Aðalsteinsson mæta.
Stjómin
Almennir stjómmálafundir
dagana 11.-14. október.
m
Jón Kristjánsson
Halldór Asgrímsson sjávarútvegsráðherra og Jón Kristjánsson
alþingismaður boða til almennra stjórnmálafunda dagana 11.-14.
október, sem hér segir:
Fimmtudaginn 11. okt. á Hótel Bláfelli, Breiðdalsvík kl. 20.30.
Föstudaginn 12. okt. i Félagsmiðstöðinni, Djúpavogi kl. 20.30.
Laugardaginn 13. okt. á Hrollaugsstöðum, Suðursveit kl. 16.00.
Sunnudaginn 14. okt. I Hamraborg, Berufjarðarströnd kl. 16.00.
Sunnudaginn 14. okt. í grunnskólanum Geithellnahreppi kl. 20.30.
Umræðuefnið; stjórnmálaviðhorfið I upphafi þings.
Halldór Ásgrímsson
Jón Kristjánsson.
Pétur H. Blöndal, framkvæmda-
stjórí Kaupþings hf.
stöðug þrátt fyrir að Landsbréf hafi
komið inn og þrátt fyrir að markað-
urinn hafi vaxið mjög hratt.
Þegar Pétur var spurður að því
hvað hann ætlaði að gera við pen-
ingana sem hann fengi fyrir sölu á
meirihlutanum, sagði hann að af
skattalegum ástæðum yrði þetta
bundið í sjö ár og hann sæi ekki
krónu af því til að byrja með. Síðan
færu 40% í skatta til fjármálaráð-
herra. Pétur sagði að það sem hon-
um þætti verst þegar svona mikið af
peningum væru teknir af honum í
skatta væri að ekki væri gætt sömu
ráðdeildarsemi á þeim ráðstöfunar-
enda og hann geri sjálfur. Aðspurð-
ur hvort stefnan yrði þá ekki sett á
stól fjármálaráðherra sagðist Pétur
ekki hafa neinn metnað í þá áttina
en honum sviði það oft að sjá það
hvernig þessir menn færu með
skattpeninga borgaranna sem
margir hverjir séu mjög ráðdeildar-
samir og passi sitt, þeir eru ekki að
sólunda og eyða í vitleysu og síðan
sjái þeir ráðherra og aðra eyða pen-
ingunum í rosastóra bíla, hótel-
kostnað og miklar utanlandsferðir
sem almenningur myndi ekki gera
þó svo hann hefði efni á því.
Engar breytingar verða gerðar á
rekstri og markmiðum Kaupþings
og engar breytingar verða gerðar í
starfsmannahaldi og mun því Pétur
starfa áfram sem framkvæmda-
stjóri.
—SE
Sigurgeir A. Jónsson,
settur ríkistollstjóri:
á tolla
Sigurgelr A. Jónsson hefur verið
settur ríkistollstjóri frá 1. októ-
ber til áraraóta. Þessi setning
Sigurgeirs er í tengsium við
endurskoðun á toilalögum sem
nú stendur yfir á vegum fjár-
málaráðuneytislns og er stefnt
að því að þeirri endurskoðun
verði lokíð ura áramótín.
Þær breytíngar sera nú er unn-
Íð að á tollalögum koma í kjöl-
farið á ýmsum breytingum á
tollkerfinu sem geröar hafa verið
á umliðnum árum. Fjármálaráð-
herra stefnir að því að leggja
fram frumvarp um málið á kom-
andi haustþingi.
Ríkistollstjóraembættið var
stofnað fyrir þremur árum með
nýjum tolialögum. Ásínura tíma
var ákveðið tíl bráðabirgða að
nota heimild t lögunum til að
fela tollstjóranum í Reykjavík að
gegna jafnframt starfi ríkistoll-
stjóra á meðan reynsla fengist af
hinni nýju skipan.
Sigurgeir A. Jónsson er 43 ára
lögfræðingur og hefur m.a.
starfað bjá embætti tollstjórans í
Reykjavík, í fjármálaráðuneytinu
og við embætti tollstjóra frá
stofnun þess 1. sept. 1987.
Viö hátíöarmessu í nýendurbyggörí kirkjunni að Staö í Steingrímsfiröi skíröi sr. Baldur Vilhelmsson Heklu
Björk, dóttur Jóns Halldórssonar á Hrófbergi, sem hélt dóttur sinni undir skím. Móðirín, Ingibjörg R. Valdi-
marsdóttir, ertil hægrí á myndinni.
Endurbyggingu gamals guðshúss í Steingrímsfirði lokið:
Hátíöarmessa í Staðarkirkju
Frá Stefáni Gíslasyni á Hólmavík:
Síðastliðinn sunnudag, 30. sept-
ember, var haldin hátíðarmessa í
Staðarkirkju í Steingrímsfirði, í tíl-
efni af því að nú er lokið umfangs-
miklum viðgerðum á kirkjunni.
Biskup íslands, herra Ólafur Skúla-
son, prédikaði í hátíðarmessunni á
Staðarkirkju, en auk hans tóku 7
prestar þátt í athöfninni. Þeirra á
meðal voru sr. Ágúst Sigurðsson, á
Prestbakka, sem nú þjónar Staðar-
sókn, sr. Andrés Ólafsson, fyrrv.
sóknarprestur í Hólmavíkurpresta-
kalli, sr. Guðni Þór Ólafsson á Mel-
stað, prófastur í Húnavatnsprófast-
dæmi, og sr. Baldur Vilhelmsson í
Vatnsfirði, prófastur í ísafjarðarpró-
fastdæmi.
Staður í Steingrímsfirði hefur ver-
ið kirkjustaður frá upphafi ritaðra
heimilda, eða a.m.k. frá því á 12. öld.
Núverandi kirkja var byggð árið
1855 að frumkvæði sr. Sigurðar
Gíslasonar frá Selárdal, sem þá var
prestur á Stað. Kirkjan er úr timbri
og var upphaflega turnlaus, eins og
tíðkast á þeim tíma. Hlutföll í bygg-
ingunni eru nokkuð óvenjuleg, þar
sem kirkjan er hlutfallslega lengri
en hún ætti að vera miðað við gull-
insnið. Skýringin á þessu liggur í
fólksfjölgun í Staðardal á síðustu
öld. Eftir að bygging kirkjunnar
hófst, var Ijóst að hún yrði of lítil
fyrir söfnuðinn. Var þá gripið til þess
ráðs að lengja hana án þess að hrófla
við áformuðu veggstæði hliðar-
veggja.
Meðal merkustu gripa í kirkjunni
má telja kirkjuklukku úr kopar frá
1602 og predikunarstól frá 1731,
gefinn af sr. Halldóri Einarssyni.
Þegar forseti íslands, frú Vigdís
Finnbogadóttir, var í opinberri
heimsókn í Strandasýslu 1981,
stofnaði hún ásamt Hjördísi Björk
Hákonardóttur, þáverandi sýslu-
manni Strandamanna sjóð til vernd-
ar og viðhalds Staðarkirkju. í fram-
haldi af því var ráðist í endurbætur á
kirkjunni, en hún var þá orðin mjög
illa farin. Þessum endurbótum er nú
lokið, og þótti kirkjugestum á hátíð-
armessunni vel hafa tekist til, enda
kapp lagt á að gera allt sem líkast því
sem í kirkjunni nýrri.
Fjölmargir gestir lögðu leið sína í
Staðarkirkju á sunnudaginn. Meðal
kirkjugesta voru forseti íslands,
kirkjumálaráðherra og þjóðminja-
vörður, auk biskups Islands og
prestanna, sem áður var getið. Við
athöfnina var skírt stúlkubarn,
Hekla Björk, dóttir Jóns H. Hall-
dórssonar á Hrófbergi og Ingibjarg-
ar R. Valdimarsdóttur frá Stranda-
seli í Ögurhreppi. Að athöfninni lok-
inni buðu sóknarnefnd Staðarkirkju
og Samtökin Minjavernd til kaffi-
drykkju í grunnskólanum á Hólma-
vík.
Sóknarbörnunum í Staðarsókn
hefur fækkað mjög frá því að Staðar-
kirkja var byggð fyrir 135 árum. Nú
eru sóknarbömin aðeins 18 á 5 bæj-
um.
-khg.