Tíminn - 06.10.1990, Blaðsíða 2

2 TiTninri' <’'
Laucjárdagúr 6Í öktóbeVltð9Ó
Van der Ros, framkvæmdastjóri Hoogovens, segir Atlantsál ekki hafa þrýst á undirskrift.
Brýnt hafi hins vegar verið að fá staðsetninguna á hreint:
Pélitískur éréi gæti
tafið fyrir samningum
i
„Það er hugsanlegt að pólitískt ástand á íslandi geti haft áhrif á
tímasetningar í þessu máli, en ég fæ ekki séð að það geti haft þau
áhrif að ekki verði af byggingu álversins," sagði Hans G.D. van der
Ros, framkvæmdastjóri hollenska álfyrirtækisins Hoogovens, á
óformlegum blaðamannafundi sem fulltrúar álfyrirtækjanna þriggja
í Atlantsál-hópnum héldu í gær.
Van der Ros sagði óæskilegt ef undir-
ritun sjálfra álsamninganna myndi
dragast, en áætlað er að undirrita þá
á fyrsta ársfjórðungi næsta árs. Hann
lagði áherslu á að eitt af því, sem
mælti með íslandi undir álver, væri
að hér ríkti pólitískur stöðugleiki.
Hann minnti á orð Roberts G. Miller,
aðstoðarforstjóra Alumax, við undir-
skriftina í íyrradag en þá sagði Miller
að álverið ætti eftir að standa í ára-
tugi og á þeim tíma myndu sitja
margar ríkisstjórnir.
Van der Ros var spurður hversu
mikilvæg undirskriftin í fyrradag
hefði verið og hvort það hefði skaðað
frekari framgang málsins, hefði hún
ekki farið fram. Hann svaraði því til
að það hefði verið mjög brýnt að
ákveða hvar á landinu verksmiðjan
ætti að rísa. Staðsetning verksmiðj-
unnar væri mikilvægur þáttur í áætl-
unum um kostnað við hana. Um aðra
þætti undirskriftarinnar sagði van
der Ros að Atlantsál-fyrirtækin væru
á þessu stigi ekki tilbúin til að ganga
frá samningum um orkuverð, meng-
unarvamir, skattamál eða annað.
Hann sagði hins vegar að sér skildist
að það væri mikilvægt fyrir íslensk
stjómvöld að undirskriftin færi fram,
því að með henni væri lagður grund-
völlur að frumvarpi sem lagt verði
fram á Alþingi íslendinga. Van der
Ros tók fram að ekki hefði verið þrýst
á af hálfu Atlantsáls-fyrirtækjanna að
I?| Félagsmálastofnun Reykjavíkurborgar
\ | í Síðumúla 39-108 Reykjavík - Sími 678500
Starf með unglingum
Unglingaathvarfið í Seljahverfi óskar eftir að ráða
starfsmann í 46% kvöldstarf. Æskilegt er að
umsækjendur hafi menntun og/eða reynslu sem
nýtist í skapandi meðferðarstarf með unglingum.
Umsóknarfrestur er til 15. október nk.
Nánari upplýsingar veitirforstöðumaður í s: 75595
e.h. og á kvöldin virka daga.
MENNTAMÁLARÁÐUNEYTIÐ
Lausar stöður
Við Stofnun Árna Magnússonar á íslandi eru lausar til
umsóknar eftirtaldar stöður:
1. Staða styrkþega.
2. Staða sérfræðings.
Laun samkvæmt launakerfi starfsmanna ríkisins.
Umsækjendur skulu láta fylgja umsókn sinni rækilega skýrslu
um vfsindastörf sín, ritsmíðarog rannsóknir, svoog námsferil
og störf.
Umsóknir skulu sendar menntamálaráðuneytinu, Sölvhóls-
götu 4, 150 Reykjavík, fyrir 5. nóvember nk.
Menntamálaráðuneytið,
5. október 1990.
Sjúkrahús Skagfiröinga
Sauöárkroki
Hjúkrunarfræðingar
Óskum að ráða hjúkrunarfræðing til starfa nú
þegar eða eftir nánara samkomulagi.
Á sjúkrahúsinu eru 84 rúm, sem skiptast á:
Sjúkradeild, fæðingardeild, hjúkrunardeild, elli-
deild og hjúkrunar- og dvalarheimili.
Húsnæði fyrirliggjandi.
Nánari upplýsingar veitir hjúkrunarforstjóri í síma
95-35270.
Hans G.D. van der Ros, framkvæmdastjórí hollenska áffyrírtækisins Hoogovens. Tímamynd Pjetur
undirskriftin færi fram, að öðru leyti
en því að fá úr því skorið hvar verk-
smiðjan yrði reist.
Van der Ros sagði að Keilisnes hefði
verið valið sem staður undir álverið
að mjög vandlega athuguðu máli.
Hann sagði að athuganir sýndu að
stofnkostnaður vegna byggingu ál-
vers væri lægstur á Keilisnesi af þeim
þremur stöðum sem til greina komu.
Mjög dýrt hefði verið að flytja og
byggja yfir starfsmenn, hefði verk-
smiðjan verið reist á Reyðarfirði, ekki
síst vegna þess að á Austurlandi verð-
ur væntanlega reist virkjun. Van der
Ros sagði hættu á að Eyjafjörður lok-
aðist vegna íss hafa dregið úr áhuga
þeirra á að byggja álverið þar. Hann
sagði ennfremur að umhverfisþátt-
urinn mælti með Keilisnesi. Óæski-
legt væri að byggja slíkar verksmiðj-
ur inni í fjörðum.
Van der Ros var spurður hvort að
spádómar um hækkandi álverð á
heimsmarkaði byggðu ekki á of mik-
illi bjartsýni. Hann sagði það ekki
vera. Spádómamir væm fyrst og
fremst byggðir á raunsæju mati.
Hann sagði áætlanir gera ráð fyrir að
eftirspum eftir áli myndi aukast um
a.m.k. 2% á ári næstu árin. Ekki væri
fyrirsjáanlegt að framboð á áli myndi
aukast að sama skapi.
Van der Ros sagðist telja að Atlants-
ál myndi borga svipaða skatta á ís-
landi og sambærileg fyrirtæki borga í
öðrum löndum. Hann sagði að á
næstu vikum og mánuðum yrði farið
vandlega yfir alla þætti málsins. Mik-
il vinna væri eftir, einkum sem snýr
að lögfræðilegum atriðum málsins.
Van der Ros lýsti ánægju sinni með
hvemig unnið hefur verið að samn-
ingum. Samstarf fyrirtækjanna
þriggja hefði gengið sérstaklega vel
og samskiptin við íslensk stjómvöld
verið mjög góð. í heild mætti segja
að samningarnir hefðu gengið vel
fyrir sig fram að þessu og á eðlilegum
hraða.
-EÓ
Meðalaldur þingmanna Sjálfstæðisflokksins er 57 ár:
Sjálfstæðismenn 10
ár frá ellilaunum
Margir þingmenn Sjáifstæðisflokksins eru orðnir nokkuð gamlir í
árum talið og bendir flest til að þingflokkurinn verði það áfram, þó
að kosið verði í vor. Meðalaldur þingflokksins er 57 ár. Haft hefur
verið á orði að þessi hái meðalaldur fæii hugsaniega frambjóðendur
frá flokknum. Menn vilji hreinlega ekki fara í framboð af ótta við að
verða taidir gamlir.
Meðalaldur þingmanna Sjálfstæðis-
flokksins er tæplega 57 ár. Þingflokk-
ur Sjálfstæðismanna er langelsti
þingflokkurinn. Þess ber þó að geta
að tveir nokkuð ungir menn hafa
villst til hans frá Borgaraflokknum,
en þeir em ekki taldir með hér. Þing-
menn Framsóknarflokksins em að
meðaltali rúmlega 51 árs. Þingmenn
Alþýðubandalagsins, Alþýðuflokksins
og Borgaraflokksins em að meðaltali
u.þ.b. 50 ára. Kvennalistinn var til
skamms tíma með yngsta þingflokk-
inn, rúmlega 47 ára. Sú tala hefur þó
eitthvað breyst eftir að breyting var
gerð á þingliði hans. Þá má ekki
gleyma Stefáni Valgeirssyni, en hann
verður 72 ára í næsta mánuði.
Ungir sjálfstæðismenn hafa nokkr-
um sinnum bent á þennan háa aldur
þingmanna Sjálfstæðisflokksins. Þeir
hafa m.a. krafist þess að við komandi
kosningar verði ungum mönnum
stillt upp í efstu sæti. Ragnhildur
Helgadóttir, þingmaður flokksins,
hefur lýst því yfir að hún ætli að
hætta þingmennsku, en við það tæki-
færi sagði hún einnig að tímabært sé
yngja upp í þingliði flokksins. Ragn-
hildur er nýlega orðin sextug.
í þingflokki sjálfstæðismanna em
nokkrir sem em komnir á ellilaun.
Elstur er Þorvaldur Garðar Kristjáns-
son, en hann verður 71 árs í næstu
viku. Matthías Bjamason verður sjö-
tugur á næsta ári. Þeir hafa báðir lýst
því yfir að þeir gefi áfram kost á sér.
Friðjón Þórðarson varð 67 ára
snemma á þessu ári og er því farinn
að þiggja ellilaun eins og Matthías og
Þorvaldur Garðar. Friðjón hefur gefið
þá yfirlýsingu að hann sé ekki á Ieið
út úr pólitík. Aðrir þingmenn flokks-
ins, sem em komnir á sjötugsaldur,
em: Salome Þorkelsdóttir 63 ára, Eyj-
ólfur Konráð Jónsson 62 ára, Pálmi
Jónsson sem verður 61 árs í næsta
mánuði og Ragnhildur Helgadóttir
sem er orðin sextug. Þá verður Egili
Jónsson sextugur eftir tvo mánuði.
Ekki em horfur á að miklar breyt-
ingar verði á þingliði Sjálfstæðis-
flokksins, þ.e.a.s. ef flokksmenn taka
ekki upp á því að hafna þingmönnum
sínum í prófkjöri. Ragnhildur Helga-
dóttir og Matthías Á. Mathiesen em
þau einu sem lýst hafa því yfir að þau
verði ekki í kjöri í vor. Ekki er vitað til
annars en að aðrir þingmenn flokks-
ins óski eftir endurkjöri.
Fyrir utan háan aldur þingmanna
Sjálfstæðisflokksins vekur nokkra at-
hygli aldurssamsetning þingmanna
Alþýðuflokksins. Allir þingmenn
flokksins em fæddir á ámnum 1939-
42, ef Karvel Pálmason er undanskil-
inn, en hann er fæddur 1936. Svo er
að sjá, sem á þessum fjómm ámm
hafi alþýðuflokksmönnum tekist sér-
staklega vel upp við að búa til böm.
Ekki er gott að sjá í fljótu bragði hver
skýringin á þessu er, en tæplega er
hér um tilviljun að ræða. Það er mjög
athyglisvert að það skuli einmitt vera
Karvel Pálmason, einn þingmanna
Alþýðuflokksins, sem er ekki fæddur
á þessum ámm. Það eitt og sér segir
ýmislegt um sérstöðu Karvels í þing-
flokknum. -EO
Rússar:
Borga í topp
Tekist hafa samningar í Moskvu um
að Sovétmenn greiði upp gjaldfallnar
skuldir sínar vegna kaupa á frystum
sjávarafurðum og lagmeti upp á tæp-
ar níu milljónir dollara. Þær greiðsl-
ur munu verða inntar af hendi, sam-
kvæmt þeim samningi, í næstu viku.
Sendinefnd á vegum utanríkisráðu-
neytisins, sem í eiga sæti Hannes
Hafstein ráðuneytisstjóri og fulltrúar
Landsbankans, mun sitja áfram í
Moskvu og þæfa málefni Álafoss sem
snúast um tæpa eina milljón dollara.
Jón Baldvin Hannibalsson utanríkis-
ráðherra sagði að þessi niðurstaða
væri betri niðurstaða heldur en á
horfðist og hún skipti vemlegum
sköpum fyrir framhald viðræðna okk-
ar við Sovétmenn, sem byrja núna 8.
október, um nýjan viðskiptasamning
við Sovétríkin. —SE