Tíminn - 13.10.1990, Blaðsíða 5
12
HELGIN
Laugardagur 13. október 1990
Frá brúðkaupi John David Eaton og Signýjar Stephenson. Við hlið brúðarínnar er Anna Stephenson, systir Signýjar, og annar frá vinstrí er Haraldur Stephenson, bróðir hennar.
Afkomendur Friðriks Stefánssonar, fyrrverandi alþingismanns Skagfirðinga, og Guðríðar Gísladóttur hafa gert það gott í Kanada:
Fjórir vestuM'slenskir bræður
meðal 100 ríkustu manna í heimi
í IRIÐ 1876 fór Guðríður Gísladóttir úr Skagafirði af
landi brott með skipinu Verona áleiðis til Kanada.
1 1 Með í för var sonur hennar, Friðrik Friðriksson
átta ára gamall. Afkomendur Fríðriks eru í dag meðal
100 ríkustu manna í heimi.
Guðríður Gísladóttir var fædd 8. febrúar 1839, dóttir
Gísla Ólafssonar, bónda í Húsey, og konu hans Rann-
veigar Sigfúsdóttur. Guðríður giftist áríð 1862 Friðriki
Stefánssyni, ættuðum úr Viðvíkursveit. Friðrik og Guð-
ríður hófu árið 1863 búskap í Ytra-Vallholti í Vallnólma.
Hjónaband þeirra varð ekki hamingjuríkt. Þau skildu og
Guðríður gerðist ráðskona hjá Jóhanni Ó. Bríem, bónda
á Völlum í Seyluhreppi. Friðrik kvæntist aftur Hallfríði
Bjömsdóttur og átti með henni nokkur böm.
Forfaðirinn sat á
Alþingi fyrir
Skagfirðinga
Friðrik Stefansson var góður bú-
maður og gegndi mörgum trúnað-
arstörfum fyrir sveit sína. Á árunum
1878-1892 sat hann á Alþingi fyrir
Skagfirðinga. Síðast bjó hann á
Svaðastöðum og dó þar 1917.
Dóttir Friðriks og Guðríðar, Sigur-
björg, ólst upp með föður sínum og
giftist síðar Sigmundi Jóhannessyni
frá Húsabakka í Skagafirði. Þau
fluttu skömmu eftir giftinguna til
Ameríku. Þau eiga marga afkom-
endur vestra.
Friðrik, sonur Friðriks og Guðríð-
ar, tók sér nafnið Fred Stephenson.
Hann kvæntist árið 1898 Önnu
Jónsdóttur. Foreldrar hennar voru
Jón Magnússon frá Meðalvöllum í
N-Þingeyjarsýslu og Stefanía Jóns-
dóttir frá Skeggjastöðum á Jökuldal.
Anna var fædd í Kanada. Fred Steph-
enson nam prentiðn og starfaði um
alllangt skeið hjá dagblöðum í
Winnipeg. Á miðjum aldri gerðist
Friðrik prentsmiðjustjóri og síðar
framkvæmdastjóri Columbia Press
Ltd. Hann keypti síðan fyrirtækið
árið 1934.
Signý giftist
milljónamæríngi
Börn þeirra Friðriks og Önnu voru
Edwin Friðrik, Þóra, Haraldur,
Anna, Signý og Thor. Hér verður
einkum fjallað um Signýju. Hún
þótti snemma „fríðleiks stúlka,
prýðilega vel gefin, prúð og hæversk
í allri framkomu," eins og segir um
hana í blaðagrein árið 1933. Með
námi í Daniel Mclntyre skólanum
starfaði Signý við afgreiðslu Lög-
bergs, en það blað var annað tveggja
sem Vestur-íslendingar gáfu út í
Kanada. Að loknu námi í þeim skóla
hóf hún nám í Manitoba háskólan-
um. Þar kynntist hún ungum
manni, John David Eaton, en hann
var sonur sir John Eaton, forseta
Eatons verslunarfélagsins. Sir Eaton
var af enska aðlinum og vægast sagt
mjög vel efnaður.
Signý og John Eaton giftu sig 9. ág-
úst 1933. Frá brúðkaupinu var sagt í
Lögbergi nokkrum dögum síðar. Þar
segir m.a. að brúðurin hafi ekki far-
iö dult með þjóðerni sitt, því að höf-
uðbúnaður hennar hafi verið ís-
lenskur. Við athöfnina söng frú Sig-
FRYSTIKISTUR
SPAÐU I VERÐIÐ
SPÁÐU í VERÐIÐ
SPÁÐU í VERÐIÐ
152 lítra kr. 31.950,- *
101 litra kr. 34.000,*
230 litra kr. 38.730,*
208 lítra kr. 41.108,-
342 lítra kr.43.360,-
300 litra kr. 48.870,-
480 litra kr. 40.710,-
887 litra kr. 62.480,-
HEIMILISKAUP HF
* HEIM1LISTÆK JADEILD FALKANS •
* öll verö miöast
viö staögreiöslu
SUÐURLANDSBRAUT 8, SÍMI 84670.
Innrabyrði úr
hömruðu áli
Lok með ljósi,
læsingu, jafn-
vægisgormum
og plastklætt
Djúpfrystihólf
Viðvörunarljós
Kæhstilling
Körfur
Botninn er
auðvitað frysti-
flötur ásamt
veggjum
Laugardagur 13. október 1990
HELGIN 4i 13
ríður Olson lögin „Ég elska þig“ eft-
ir Grieg og „Þú ert bláa blómið" eft-
ir Schumann, en það lag söng hún á
íslensku. Við athöfnina blöktu fánar
Bretlands og íslands.
Fyrir brúðkaupið fóru Signý og til-
vonandi tengdamóðir hennar í ferð
til Bretlands og fleiri landa í Evrópu.
Þær gengu m.a. fyrir bresku kon-
ungshjónin. Frá þessu er sagt í Lög-
bergi og þess getið að öllum líkind-
um sé Signý fyrsta íslenska konan
sem gengið hafi á fund Bretakon-
ungs.
Signý Eaton kom til
íslands árið 1948
SijJný og Anna móðir hennar komu
til Islands sumarið 1948 og dvöldust
hér í tvær vikur. Ferðuðust þær
mæðgur þá m.a. til Skagafjarðar.
Morgunblaðið birti frétt um komu
Signýjar og Önnu til Reykjavíkur.
Þar dásamar Signý landið og spyr
hvernig nokkrum hafi getað dottið í
hug að skíra landið ísland „Hér er
enginn ís sjáanlegur — en grasið
ótrúlega grænt og blómin í öllum
regnbogans litum."
Þó að mæðgurnar hefðu aldrei
komið áður til íslands töluðu þær
ágæta íslensku. „Ég lærði íslensku
áður en ég lærði ensku,“ sagði Sig-
ný. „Mér var innrætt það sem barni
að ég væri íslendingur og þyrfti ekki
að bera kinnroða fyrir það og það
loðir undarlega lengi við margt af
því sem maður lærði í æsku. Móðir
mín talaði svo oft um ísland, nærri
því eins og hún væri hér fædd og
uppalin. Og sennilega hefur hún
komið hingað oft, í huganum."
Jón, Friðrik, Thor og
Georg meðal 100
ríkustu manna í
heimi
Signý og John Eaton eignuðust
fjóra syni: Jón (John Craig), Friðrik
Stefán (Fredrik Stefan), Þór (Thor
Edgar) og George Ross. Það eru
þessir bræður sem sameiginlega eru
á lista yfir 100 ríkustu menn í heimi,
en hann birtist í septemberhefti
mánaðarritsins Fortune.
Svo er að sjá sem auður þeirra
bræðra sé heldur að aukast því tekið
er fram að þeir séu nýir á listanum.
Tálið er að þeir eigi sameiginlega
um 1,9 milljarða bandaríkjadollara,
en það eru um 107 milljarðar fs-
Ienskra króna. Þess má geta að fjár-
lög íslenska ríkisins fyrir árið 1990
Signý Stephenson Eaton þótti
sérstaklega falleg stúlka.
losa 90 milljarða.
Eaton verslunarkeðjan á um 100
stórmarkaði sem staðsettir eru í
flestum stærstu borgum Kanada.
Kringlan í Reykjavík virkar eins og
lítil hverfaverslun í samanbúrði við
stærstu Eaton stórmarkaðina. f Tor-
onto er heil gata sem er undirlögð af
Eaton verslunum. Þá eiga þeir
meirihluta í Barton sjónvarpsstöð-
inni, en hún er stærsta sjónvarps-
stöð í Kanada í eigu einkaaðila.
Gerð var tilraun til að ræna einni
dóttur Eaton bræðranna fyrir fáein-
um árum. Sú tilraun mistókst, en
síðan hefur fjölskyldan öll verið
mjög vör um sig. Hún býr nú í
glæsihúsum í Toronto.
Signý hefur styrkt
íslenskudeild
Winnipeg háskóla
Haraldur Bessason, rektor á Akur-
eyri, bjó í mörg ár í Kanada og kann-
ast við Eaton fjölskylduna. Hann
samdi einu sinni ræðu fyrir Signýju
Eaton. Önnur samskipti hefur hann
ekki haft við þetta ríka og fræga fólk.
„Ég kynntist að vísu Önnu, móður
Signýjar, þegar ég kom fyrst til Kan-
ada. Hún bjó þá á elliheimili. Það gat
enginn sem hana heimsótti merkt
að þar færi móðir einnar ríkustu
konu í heimi. Hún átti að vísu góðan
stól og fína lampa,“ sagði Haraldur
þegar Tíminn spurði hann um Ea-
ton fjölskylduna.
Haraldur sagðist muna vel eftir því
þegar Signý Eaton og Anna móðir
hennar komu til íslands árið 1948.
Hann var þá í vegavinnu í Skaga-
firði. „Það var mikið talað um að það
væri komin í Skagafjörðinn kaup-
mannskona frá Winnipeg. Við strák-
arnir héidum að þar færi kona sem
yæri gift kaupmönnum líkum þeim
ísleifi eða Haraldi Júl. á Króknum.
Hún lét ekki meira yfir sér en það.“
Haraldur sagði að Signý væri þekkt
fyrir að gefa peninga til styrktrar
góðum málefnum. Hún hefur t.d.
styrkt íslenskudeild Winnipeg há-
skóla.
Signý varð ekkja fyrir allmörgum
árum. Haraldur sagðist telja að hún
hefði skipt sér af stjórn Eaton fyrir-
tækisins, einkum eftir að maður
hennar lést. Synir hennar hafa þó
fyrir allnokkru tekið stjórn fyrirtæk-
isins algerlega í sínar hendur. Þeir
eru nú á aldrinum 44-52 ára.
Tíminn ræddi einnig við Ástu Han-
sen, húsfrú á Sauðárkróki, um Ea-
ton fjölskylduna. Maður Ástu, Frið-
rik Pálmason, er fyrrverandi bóndi á
Svaðastöðum og vel þekktur hesta-
maður í Skagafirði. Hann og Signý
Eaton eru þremenningar, eiga sem
sé sameiginlegan afa, Friðrik Stef-
ánsson alþingismann. Ásta segist oft
fá bréf frá afkomendum Sigurbjarg-
ar Friðriksdóttur, föðursystur Sig-
nýjar Eaton, en það fólk hefur oft
komið til íslands. Hún sagðist hins
vegar hafa minni tengsl við afkom-
endur Friðriks Friðrikssonar.
Ásta mundi vel eftir því þegar Sig-
ný Eaton kom til íslands. Hún sagði
að Signý hefði talað vel um ísland og
íslendinga. Ásta sagði hins vegar að
ekki væri víst að hún hefði verið
hrifin af öllu sem hún sá á íslandi.
Hún kom hingað á erfiðleikatímum.
Hörð skömmtun var á öllum nauð-
synjum, eitthvað sem Signý hefur
ekki þekkt frá Kanada. -EÓ
Fríörík Stefánsson, alþlngismaður
Skagfirðinga og bóndi á Svaða-
stöðum.
Haldið ykkur
fast
/ /
ÞVIHER KEMUR:
D ■ITIA
r #
KILOIÐ AF
GOUDA
/ / /
IKILOAPAKKNINGUM LÆKKAR UM: