Tíminn - 17.10.1990, Blaðsíða 8

8 Tíminn
Miðvikudagur 17. október 1990
Átök og erjur
á þingi krata
„Ekkert jafnast á við átök og eijur,“ söng Jakob Frímann Magnús-
son Stuðmaður fyrír nokkrum árum. Jakob er nú orðinn sérlegur
fjölmiðlafulltrúi Jóns Baldvins Hannibalssonar, formanns Alþýðu-
flokksins. Það er engu líkara en Jakob hafi hvíslað þessum sannind-
um í eyra Jóns Baldvins fyrir flokksþing Alþýðuflokksins, því að
átök og erjur settu öðru fremur svip á þingið.
Jóhanna Sigurðardóttir, varafor-
maður flokksins, kastaði stríðs-
hanskanum og sakaöi flokkinn, og
þó sérstaklega Jón Baldvin, fyrir að
hafa haldið illa á helstu baráttumál-
um flokksins. Nefndi hún sérstak-
lega framlög til húsnæðismála í
þessu sambandi. Jón Baldvin svaraði
að bragði og sakaði varaformann
sinn um vond vinnubrögð og sjálf-
hælni.
Á flokksþinginu var nafni flokksins
breytt úr Alþýðuflokkur í Alþýðu-
flokkur - Jafnaðarmannaflokkur ís-
lands. Jón Baldvin sagði að með
nafnbreytingunni vildi flokkurinn
leggja áherslu á að flokkurinn væri
flokkur jafnaðarmanna. Margir jafn-
aðarmenn hafa á síðustu mánuðum
flutt sig um set, þ.e. úr Alþýðu-
bandalaginu í Alþýðuflokkinn.
Núverandi landbúnaðarstefna var
harðlega gagnrýnd á þinginu.
Flokkurinn bendir á að núverandi
kerfi hafi hvorki þjónað hagsmun-
um neytenda né tryggt afkomu
bænda. Lagt er til að frjálsræði í við-
skiptum með búvörur verði aukið.
Á flokksþinginu var felld tillaga um
að ísland sæki um aðild að Evrópu-
bandalaginu, en lýst stuðningi við
stefnu utanríkisráðherra í Evrópu-
málunum.
-EÓ
Jón Baldvin Hannibalsson og Guðmundur Oddsson kynna niðurstöðu flokksþings fýrír blaðamönnum.
Tlmamynd: Ámi Bjama

Á myndinni má sjá þær Vigdísi Finn-
bogadóttur, forseta Islands, og vísna-
söngkonuna Hanne Juul.
Hanne Juul
fær viður-
kenningu
Vísnasöngkonan Hanne Juul tók á
móti norrænum styrk úr hendi for-
seta íslands, Vigdísar Finnbogadóttur,
við hátíðlega athöfn í menningarmið-
stöðinni „Bla stallet" í Gautaborg í
september.
Styrkurinn hljóðar upp á 10.000
sænskar krónur og kemur frá Fören-
ingen Nordens Stiftelse Bohusgar-
den. í ályktun stjómarinnar stendur:
„Hanne Juul hefur í listrænu starfi
sínu orðið eins konar samnefnari
norræns menningarstarfs. Fáir lista-
menn hafa náð jafngóðum tökum á
þjóðkvæðum allra Norðurlandamála
og hún hefur gert stórverk í að kynna
þau á meðal allra Norðurlandaþjóð-
anna. Síðast en ekki síst má nefna at-
orku hennar við stofnun samtakanna
Nordvisa og við norrænu vísnasöng-
deildina við Norræna lýðháskólann í
Kungálv."
Þetta er í annað skipti sem styrknum
er úthlutað. í sambandi við 50 ára af-
mæli Föringen Nordens Stiftelse Bo-
husgarden 1989 var ákveðið að út-
hluta honum árlega til þeirra sem
tengdir em Vestur- Svíþjóð og hafa
gert mikiö fyrir norrænt samstarf.
Hanne Juul vann drjúgt starf við ís-
lensku menningarkynninguna í sam-
bandi við norrænu bókastefnuna Bok
och bibliotek í Gautaborg. Hún
stjórnaði fimm sjónvarpsþáttum um
ísland í svæðissjónvarpi Gautaborgar.
Hún kom líka fram í tónleikadag-
skránni „1 nord och ton“ með m.a.
blásarakvintett Reykjavíkur, íslensku
rithöfundunum Steinunni Sigurðar-
dóttur og Þórarni Eldjárn og sænsku
vísnasöngvurunum Álf Hambe og
Jan-Olaf Andersson.
Hanne Juul er fædd í Danmörku en
er einnig af íslensku bergi brotin og
átti hún heima á íslandi um 10 ára
skeið. khg.
Hrafnistu færdur sjúkrabekkur
Nýlega afhentu Styrktar- og sjúkrasjóðir Vélstjórafélags íslands og Sjómannafélags Reykjavíkur Hrafríistu
í Reykjavík fullkominn sjúkraþjálfunarbekk og æfingatæki til notkunar í sjúkraþjálfunarsal heimilisins.
Myndin er tekin við afhendingu tækjanna, frá vinstrí: Rafn Sigurðsson, forstjóri Hrafnistu, Þórunn Bjöms-
dóttir sjúkraþjálfarí, Svanhildur Elentínusdóttir sjúkraþjálfarí, Guðmundur Hallvarðsson, formaður Sjó-
mannafélags Reykjavíkur, og Helgi Laxdal, formaður Vélstjórafélags íslands.
Leiðrétting
á myndatexta
Þau mistök urðu í myndatexta á
bls. 7 í blaðinu í gær að undir þess-
ari mynd af Magna Guðmundssyni
var ritað nafn greinarhöfundar, Har-
aldar Jóhannssonar. Myndin er af
Magna en ekki Haraldi og um leið
og það er leiðrétt biðjumst við vel-
virðingar á þessum mistökum.
Alþýðubandalagsmenn ræddu m.a. um álmálið á miðstjórnarfundi um helgina:
það ekki endanlega á þessum
fundi,“ sagði Steingrímur.
Steingrímur sagði þessar tillögur
endurspegla mun á mati manna á
álmálinu og sumir eru jákvæðari
en aðrir. „Hversu mikill skoðana-
ágreiningur þar er í reynd, er ekki
tímabært að fullyrða neitt um.“
Hann sagði margt hafa verið að
gerast í málinu á síðustu vikum,
umræðan hafi verið að breytast og
erfitt væri að spá um framhaldið.
„Það hefur fyrst núna á síðustu
vikum hafist einhver efnisleg um-
ræða um þetta mál. Fram að því
var umræðan á mjög einfölduðum
nótum, snerist aðallega um stað-
setningu, en ekki hversu álitlegur
kostur þetta væri sem slíkur."
Næsti fundur miðstjórnar er
ákveðinn um mánaðamótin, fýrir
aðalfund miðstjórnar Alþýðu-
bandalagsins.
-hs.
Alþýðubandalagiö hélt miðstjómarfund sinn um helgina. Margir
áttu von á stormasömum fundi þar sem uppgjör færí fram milli
andstæðra viðhorfa í álmálinu, en svo varð ekki. Tveimur tillögum
um það mál, sem gengu hvor í sína áttina, var vísað til næsta mið-
stjómarfundar sem verður um mánaðamótin. Steingrímur J. Sig-
fússon er formaður miðstjóraar AB.
Hann sagði þennan fund hafa ver-
ið gagnlegan og fyrst og fremst
verið til upplýsinga og umræðu
um ýmis málefni.
Á fundinum komu fram tvær til-
lögur um álmálið. Annars vegar
kom tillaga frá þeim Birnu Þórðar-
dóttur og Ragnari Stefánssyni,
sem hafnaði þeim samningsdrög-
um er nú liggja fýrir, sérstaklega
hvað varðar orkuverð, umhverfis-
þætti og staðsetningu. Hins vegar
var borin upp ályktun frá nokkrum
alþýðubandalagsmönnum á Suð-
urnesjum sem var jákvæð gagn-
vart álveri. Þar var samt lögð
áhersla á að ná þyrfti eins hag-
stæðum samningum og mögulegt
væri. „Þessum tillögum var báðum
vísað til næsta fundar, þar sem
Ijóst þótti að málið yrði áfram á
dagskrá. Menn féllust á að afgreiða
Almálið sett í salt
fram að næsta fundi