Tíminn - 23.10.1990, Page 1
boðað fijálsiyndi og framfarir í sjö tugi ára
mnmm
ÞRIÐJUDAGUR 23. OKTÓBER 1990 - 204. TBL. 74. ÁRG. - VERÐ í LAUSASÖLU KR. 90,
Forsætisráðherra segir þær hugmyndir, sem viðraðar hafa verið
að undanförnu um að íslendingar eigi að íhuga aðild að Evrópu-
bandalaginu, lýsa uppgjöf við það verkefni að tryggja hér lífkjör:
Steingrímur Hermannsson fbrsætis-
ráðherra sagði í stefnuræðu sinni á
Alþingi í gær að engin rök væru fýrír
inngöngu íslendinga í Evrópubanda-
lagið, enda myndi slíkt einungis leiða
til þess að við drukknuðum í mann-
hafinu og yrðum lítið annað en
„áhrífalaus útkjálki, eins konar hrá-
efnamiðstöó“. Tilefni þessara um-
mæla forsætisráðherrans er að
„ábyrgir aðilar“, eins og hann orðaði
það, hafa nú vakjð máls á því, að
e.tv. værí rétt að íslendingar sæktu
um fulla aðild að Evrópubandalag-
inu. Þeir aðilar, sem forsætisráðherr-
ann er hér að vísa til, eru vafalaust
ýmsir sjálfstæðismenn, með Þor-
stein Pálsson í broddi fýlkingar, sem
lýst hafa yfir að tímabært sé að ræða
af fullrí alvöru um aðild að EB.
Forsætisráðherra sagði í ræðu sinni
í gær að samflot íslendinga og ann-
ara EFTA-ríkja í samningum við EB
hafi reynst erfiðara en margir ætluðu,
en þá braut yrði að ganga til enda á
sama tíma og sérsamningar íslend-
inga og EB væru undirbúnir. Hins
vegar undirstrikaði forsætisráðherra
að ekkert annað en uppgjöf fælist í
því að fara nú að ræða um inngöngu
í Evrópubandalagið. Hann sagði það
vera „uppgjöf við það stóra verkefríi
að tryggja hér lífskjör, sem eru sam-
bæríleg við það sem best geríst í
löndum Evrópubandalagsins.“
• Opnan
Steingrlmur Hermannsson, forsætisráðherra flytur stefnuræðu sina á Alþingi i gær. Timamynd: Pjetur