Tíminn - 30.10.1990, Blaðsíða 14

14 Tíminn
Þriðjudagur 30. október 1990
Aðalfundur Framsóknarfé-
lags Seltjarnarness
verður haldinn miðvikudaginn 31. október nk. kl. 20.30 að Eiöistorgi 17.
Dagskrá:
1. Venjuleg aðalfundarstörf.
2. Lagabreytingar.
3. Kosning fulltrúa á kjördæmis- og flokksþing.
4. Stofnun fulltrúaráðs framsóknarfélaganna á Seltjamarnesi.
5. Önnur mál.
Stjómin.

Reykjavík
im
Skoðanakönnun fulltrúaráðs framsóknarfélaganna I Reykjavlk
um val á frambjóðendum Framsóknarfiokksins I Reykjavlk fyrir næstu
kosningar til Alþingis fer fram dagana 10. og 11. nóvember nk. Kjömefnd
auglýsir hér með eftir framboðum I skoðanakönnunina.
Frambjóðendur geta þeir einir orðið sem hafa kjörgengi til Alþingis og eru
skráðir flokksmenn Framsóknarflokkslns eöa lýsa yfir að þeir fylgi stefnu-
skrá hans.
Framboðsfrestur er til 1. nóvember 1990.
Kjömefnd getur aö framboðsfresti iiðnum bætt viö fólki i framboð ( skoð-
anakönnunina.
I kjömefnd eiga sæti Jón Sveinsson formaður, Steinþór Þorsteinsson,
Helgi S. Guömundsson, Sigrún Sturiudóttir og Anna Kristinsdóttir.
Framboðum skal skila skriflega til formanns kjömefndar, Jóns Sveinsson-
ar, Heiðarási 8, 110 Reykjavlk. Simi 75639.
Kjömefnd.
21. flokksþing ||||
Framsóknarflokksins t|M
21. flokksþing Framsóknarflokksins verður haldið á Hótel
Sögu, Reykjavlk, dagana 16.-18. nóvember 1990. Um rétt til setu á flokks-
þingi segir f lögum flokksins eftirfarandi:
7. greln.
Á flokksþingi framsóknarmanna eiga sæti kjörnir fulltrúar flokksfélaga.
Hvert flokksfélag hefur rétt til að senda einn fulltrúa á flokksþinOg fyrir
hverja byrjaða þrjá tugi félagsmanna. Fulltrúar skulu þó aldrei vera færri en
1 fyrir hvert sveitarfélag á félagssvæðinu. Jafnmargir varamenn skulu
kjörnir.
8. grein.
Á flokksþinginu eiga einnig sæti miöstjórn, framkvæmdastjórn, þingflokkur,
formenn flokksfélaga og stjómir LFK, SUF og kjördæmissambanda.
Dagskrá þingsins veröur auglýst slðar.
Framsóknarflokkurinn.
Suðurland
Skrifstofa Kjördæmasambandsins á Eyrarvegi 15, Selfossi, er opin á
þriðjudögum og fimmtudögum kl. 15.00-17.00. Slminn er 22547.
Félagar eru hvattir til að líta inn.
K.S.F.S.
Selfoss og nágrenni
Fjögurra kvölda keppni
Félagsvist verður spiluð að Eyrarvegi 15, þriðjudagana 30. okt., 6. nóv.,
13. nóv. og 20. nóv. kl. 20.30.
Kvöldverölaun - Heildarverðlaun
Fólk má missa úr eitt kvöld án þess að verða af heildarverðlaununum.
Allir velkomnir.
Framsóknarfélag Selfoss
Steingrímur
im
Aðalfundur
Jóhann
Framsóknarfélags Njarðvíkur
verður haldinn I Framsóknarhúsi Keflavlkur miðvikudaginn 31. októberkl.
21.00.
Fundarefnl: Venjuleg aðalfundarstörf.
Kosning fulltrúa á kjördæmisþing.
Kosning fulltrúa á flokksþing.
Á fundinn mæta Steingrimur Hermannsson og Jóhann Einvarðsson.
Félagsmenn mætum vel á fundinn.
Stjómin.
Framsóknarfólk ísafirði
Skoðanakönnun um röðun á framboðslista til alþingis fer fram dagana 27.-
30. október.
Atkvæðaseðlum verður dreift til félagsmanna laugardaginn 27. október.
Skrifstofa félagsins verður opin sunnudaginn 28. október frá kl. 4.00 til kl.
6.00 slðdegis og mánudagskvöldið 29. októberfrá 8.00 til kl. 10.00.
Félagar eru beönir um að gera skil á atkvæðaseðlum á ofangreindum tim-
um.
Framsóknarfélag Isfirðinga og
F.U.F. viö Djúp.
Framsóknarfólk
Seltjamamesi
Stofnfundur Félags ungra framsóknarmanna á Seltjamarnesi verður hald-
inn þriðjudaginn 30. okt. nk. kl. 21.00 að Eiðistorgi 17 (við hliöina á lög-
reglustöðinni).
Dagskrá:
1. Siv Friöleifsdóttir, formaður Sambands ungra framsóknarmanna, kynnir
sambandið og aðdraganda að stofnun F.U.F. Seltjamamesi.
2. Samþykktir félagsins og stofnun þess.
3. Kosning stjórnar.
4. Tilnefning fulltrúa á kjördæmis- og flokksþing.
5. Kynnt væntanleg stofnun Fulltrúaráðs framsóknarfélaganna á Seltjarn-
arnesi.
6. Önnur mál.
Reykjanes
Skrifstofa kjördæmasambandsins að Hamraborg 5, Kópavogi, er opin
mánudaga til fimmtudaga kl. 17-19. Simi 43222.
K.F.R.
Ámesingar
Hin árlega félagsvist Framsóknarfélags Ámessýslu hefst föstudaginn 2.
nóvember kl. 21.00 i Aratungu, föstudaginn 9. nóvember I Þjórsárveri og
lýkur 23. nóvember að Flúðum.
Aðalvinningur, ferð fyrir tvo að verðmæti 80.000,-
Allir velkomnir.
Stjómin.
Skoðanakönnun
á Vestfjörðum
IMI
Eftirtaldir hafa gefið kost á sér I skoðanakönnun á vegum
framsóknarmanna á Vestfjörðum um röðun á framboöslista flokksins fyrir
alþingiskosningar 1991.
Guðni Ásmundsson
Guðmundur Hagalinsson
Katrín Marisdóttir
Kristinn Halldórsson
Magdalena Sigurðardóttir
Magnús Björnsson
Ólafur Þ. Þórðarson
Pétur Bjarnason
Ragnar Guömundsson
Sveinn Bernódusson
Isafirði
Hrauni, Ingjaldssandi
Hólmavik
Reykjavik
Isafirði
Blldudal
Reykholtsdal
Isafirði
Brjánslæk
Bolungarvlk
Skoðanakönnunin fer fram i öllum félögum framsóknarmanna I
kjördæminu dagana 27.-31. okt nk. Þátttöku i skoðanakönnuninni hafa
allir félagsmenn samkv. félagatali 9. sept. 1990 sem öölast hafa kjörgengi
15. mal1991.
Það er ákvörðun nefndarinnar að stjóm hvers félags sjái um og beri ábyrgð
á atkvæöagreiðslunni á hverjum stað fyrir sig.
Merkja skal við lágmark 5 manns með tölustöfum 1-5.
Allar nánari upplýsingar gefa:
Einar Hreinsson simi 4062 eða 3413
Kristjana Sigurðardóttir sfmi 3794
Einar Harðarson slmi 7772
Sigrfður Káradóttir sími 7362
Sigurgeir Magnússon slmi 1113 og 1320
Guðbrandur Björnsson slmi 95-1333
Utankjörstaðaatkvæðagreiösla fer fram á skrifstofu Framsóknarflokksins
að Höfðabakka 9, Reykjavfk; dagana 29. til 30. október.
Framboösnefnd.
Kjördæmisþing
framsóknarmanna
á Reykjanesi
m
verður haldið sunnudaginn 4. nóvember nk. I Veitingahúsinu Glóðinni,
Hafnarstræti 62, Keflavfk, kl. 10.00.
Stjómin.
Frá SUF.
„Flag í fóstur“
Ákveðin hefur verið skemmti- og skoðunarferð Sambands ungra fram-
sóknarmanna að .Steingrimsþúfu" 3. nóvember nk. ef næg þátttaka næst.
Farið verður með rútu frá BSl kl. 14.00. Á leiðinni til baka verður komið við
á hótelinu á Selfossi.
Þeir sem hafa áhuga á að koma með ern vinsamlega beðnir um að hafa
samband við skrífstofu Framsóknarflokksins, I siðasta lagi föstudaginn 2.
nóv. i slma: 674589 og láta skrá sig. Öllu ungu framsóknarfólki er heimil
þátttaka. Þátttökugjald er áætlað 1500 kr. á mann.
Framkvæmdastjóm.
Keflavík — Opin skrifstofa
Félagsheimili framsóknarmanna að Hafnargötu 62 er opið alla virka daga
milli kl. 17 og 18.
Starfsmaður framsóknarfélaganna, Guðbjörg Ingimundardóttir, verð-
ur á staðnum. Simi 92-11070.
Framsóknarfélögin
MINNING
Ámi Jónsson
Fæddur 12. febrúar 1908
Dáinn 30. september 1990
„Þú, bláfjalla geimur, með
heiðjökla hring.
Um hásumar flý ég þér að hjarta.
Ó, tak mig í faðm þinn, minn
söknuð burt égsgng.
Um sumarkvöld við álftavatnið bjarta. “
StTh.
Ljóðlínur þessar koma mér í hug er
ég minnist mágs míns Árna Jóns-
sonar á Hellu. Hann dáði íslensk ör-
æfi, fegurð þeirra og töfra umfram
flesta aðra. Þar átti hann lengi æv-
innar margar gleði- og hamingju-
stundir með góðum félaga og við
veiðar í ám og vötnum. Hann rækt-
aði vel samband sitt við öræfi lands-
ins og þekkti þar víða til. Hann gaf
vinum sínum hlutdeild í fegurð og
ævintýrum úr íslenskum óbyggðum
er heim kom. Aldrei varð hann reið-
ari, en þegar þjösnalega var farið um
landið og viðkvæmur gróður þess
skemmdur. Hann bar virðingu fyrir
íslenskum öræfum og vildi láta alla
umgangast þau með því hugarfari.
Þar voru hans draumalönd, sem
áttu hug hans allan.
Árni var fæddur í Vorsabæ, Austur-
Landeyjum, þann 12. febrúar 1908,
en lést í sjúkrahúsinu á Selfossi 30.
sept. sl. Foreldrar hans voru hjónin í
Vorsabæ, þau Jón Erlendsson og
Þórunn Sigurðardóttir. Þar ólstÁrni
upp í stórum systkinahópi. Börn
Hellu, Rangárvöllum
þeirra uröu alls 15, en nokkur þeirra
létust í æsku. Unglingarnir urðu að
bjarga sér snemma á þeim árum.
Nokkru eftir fermingaraldur réðst
hann til hjónanna Jóhanns Sigurðs-
sonar og Jóhönnu Magnúsdóttur, er
þá bjuggu á Kirkjubæjarklaustri. Á
því öndvegis heimili átti hann góð
unglingsár sem hann minntist jafn-
an með sérstakri ánægju. Vorið
1927 flytur hann með þeim hjónum
að Núpum í Ölfusi. Þá voru flestar
jökulár á þeirri leið óbrúaðar, svo
þetta var mikil hættuför með bú-
smala og búslóð. Það þurfti dugnað
og áræði til að takast á við hin
straumþungu vötn, en í endurminn-
ingum Árna sló ævintýraljóma yfir
þennan erfiða búferlaflutning.
Leið Árna lá síðan til margvíslegra
starfa- bæði til sjós og lands- m.a.
var hann nokkur ár leigubifreiða-
stjóri í Reykjavík. Árið 1942 gerist
Árni einn af fyrstu landnemunum á
Hellu. Það ár gekk hann að eiga Jak-
obínu Erlendsdóttur frá Odda á
Rangárvöllum. Þeim varð tveggja
sona auðið. Erlendur Agnar er iðn-
fræðingur á Akureyri, kvæntur
Gunnhildi Ólafsdóttur frá Hvera-
gerði, og Oddgeir Þór er garðyrkju-
stjóri á Akranesi, kvæntur Elín-
borgu Halldórsdóttur frá Akureyri.
Barnabörnin eru átta og voru þau
öll afa sínum kær.
Þegar þau hjón settust að á Hellu
voru þar aðeins örfá íbúðarhús, auk
þess sem kaupfélagið Þór hafði
byggt þar verslunarhús og hafið þar
ýmsan atvinnurekstur. Á fyrsta ári
byggðu þau sér íbúðarhús á falleg-
um stað og nefndu Helluland. Þau
hófu fljótlega ræktun á stórum og
fallegum trjá- og blómagarði, sem
setti og setur enn hlýlegan svip á
umhverfið. Árni var mikill ræktun-
armaður og hafði yndi af því að gera
tilraunir með sem flestar tegundir
blóma og jurta í garði sínum.
Heppnaðist það mjög vel og kenndi
þar margra grasa. Fyrstu árin á
Hellu vann Árni við bifreiðaakstur
hjá Kf. Þór en síðar kom hann sér
upp sjálfstæðum atvinnurekstri. Átti
m.a. vörubifreið og rak verslun,
ásamt ýmsu fleiru sem hann tók sér
fyrir hendur. Hann kunni best við að
vera sinn eigin húsbóndi. Um árabil
ók hann skólabörnum Rangárvalla-
hrepps í barnaskólann á Hellu.
Árni var einstakur veiðimaður. Það
var sama hvar hann kastaði fyrir
fisk- alltaf tók á hjá honum- þótt
aðrir sem með honum voru yrðu
ekki varir. Margan fallegan sjóbirt-
inginn og laxinn dró hann úr Ytri-
Rangá. Einnig var hann góð skytta
og átti um tíma minkahunda sér til
aðstoðar við minkaveiðar. Árni var
mikill ferðamaður og náttúruskoð-
ari, eins og áður hefur komið fram,
og hvergi undi hann sér en inni í
hinum íslenska bláfjallageim. Hann
og félaginn kæri, Rudolf Stolzenw-
ald, sem nú er látinn, fóru margar
ævintýraferðir saman yfir fjöll og
firnindi. Þeir nutu saman undurs og
fegurðar íslenskrar náttúru. Þá
heillaði Þórsmörkin með sinn bjark-
arilm og fuglasöng. Það var því ekki
nema eðlilegt að Árni gerðist einn af
stofnendum Flugbjörgunarsveitar-
innar á Hellu og var öflugur liðs-
maður hennar svo lengi sem kraftar
entust. Hann tók þátt í ýmsum öðr-
um félögum, enda félagslyndur og
léttur í lund. Söngmaður var hann
góður og gat leikið á flest hljóðfæri
eftir eyranu og mörgum skemmti
hann með góðum harmonikkuleik.
Hann var einkar barngóður og lét
vel að umgangast börn.
Þegar aldur færðist yfir og heilsu
hrakaði gerðist hann vistmaður á
dvalarheimilinu Lundi á Hellu. Síð-
ar varð hann að dvelja alllangan
tíma á sjúkrahúsinu á Selfossi. Á
báðum þessum stöðum naut hann
góðrar aðhlynningar sem ber að
þakka. Smám saman hvarf máttur-
inn og lífslöngunin fjaraði út. Dagur
var að kveldi kominn og hvfidin
kærkomin eftir löng og ströng veik-
indi.
„Ég kenni ei lengurþá kvikandi þrá,
þó kvaki skógarins þrestir.
Með alvöru hljóðri er himinsins brá
mörg hjarta míns fræ eru kulnuð strá
og sólgeislar vonann sestir. “
E.Ben.
Útför Árna var gerð 6. október frá
Selfosskirkju, þar sem viðgerð stóð
yfir á sóknarkirkju hans í Odda. Sr.
Arngrímur Jónsson, fyrrum sóknar-
prestur hans, jarðsöng. Kór Selfoss-
kirkju annaðist söng og Guðmund-
ur Gíslason söng einsöng. Synir
hins látna og barnabörn báru kist-
una úr kirkju. Jarðsett var í Odda.
Hinn fagri fjallahringur Rangár-
þings skartaði sínu fegursta. Ekkert
ský á himni og nýfallinn snjórinn
glitraði í sólarljóma á efstu brúnum.
Félagar úr Flugbjörgunarsveitinni á
Hellu, klæddir þjónustubúningum
sínum, báru kistuna í kirkjugarð-
inn, þar sem hann var lagður til
hinstu hvfidar við hlið lítils sonar-
sonar og nafna. Kær vinur er kvadd-
ur. Blessuð s^minning hans.
Anna Erlendsdóttir
Afmælis-og
minningargreinar
Þeim, sem óska birtingar á
afmælis- og/eða minningar-
greinum í blaðinu, er bent
á, að þær þurfa að berast
a.m.k. tveimur dögum fyrir
birtingardag. Þær þurfa að
vera vélritaðar.