Tíminn - 09.11.1990, Blaðsíða 5
Föstudagur 9. nóvember 1990
Tíminn 5
Aðalfundur Landsambands íslenskra útvegsmanna var settur í gær. í ræðu sinni
ræddi Halldór Ásgrímsson sjávarútvegsráðherra m.a. um Hagræðingarsjóð:
Mikilvægt að aðstoða
ilia stödd byggðarlög
Aðalfundur Landsambands íslenskra útvegsmanna, sá 51. í röðinni, var
settur í gær. Á fundinum sitja á annað hundrað útvegsmanna frá öllu land-
inu og lýkur þinginu í dag. I framsöguræðum sínum á þinginu ræddu þeir
Kristján Ragnarsson formaður LÍÚ og Halldór Ásgrímsson sjávarútvegs-
ráðherra um Hagræðingarsjóð í sjávarútvegi og sýndist sitt hvorum.
Frá aðalfundi LÍÚ.
Kristján benti m.a. á í framsögu-
ræðu sinni, að tekjur hins nýja sjóðs,
Hagræðingarsjóðs, væru sambæri-
legar við þær sem áður runnu til Ald-
urslagasjóðs, sem nú er lagður niður.
„Stjórn LÍÚ var andvíg stofnun þessa
sjóðs og taldi hann óþarfan og geta
valdið skaða. Gamli Aldurslagasjóð-
urinn styrkti útgerðarmenn til þess
að úrelda skip og var það nægiíegt.
Með heimild til varanlegs flutnings
aflamarks milli skipa mun markaður-
inn sjá um eðlilega þróun til minnk-
unar flotans. Opinber afskipti eru
skaðleg, þar sem sjálfsbjargarviðleitni
er rýrð með sjóði, er komi fólki til
hjálpar. Það hefúr komið ítrekað í
ljós, að metnaður útgerðarmanna og
fólksins í viðkomandi byggðarlagi
stendur til þess að koma í veg fyrir að
útgerð leggist niður", sagði Kristján.
HalldórÁsgrímsson benti hins vegar
á, að fullyrðingar sumra manna úr
röðum LÍÚ, um að Hagræðingarsjóð-
ur ætti að vera tæki, sem sjávarút-
vegsráðherra gæti ráðskast með,
væru rangar. „Þeir sem halda því fram
hafa greinilega ekki lagt sig eftir því
að kynna sér efni laganna. Sam-
kvæmt lögunum hvílir sú skylda fyrst
og fremst á herðum stjórnar sjóðsins
að móta reglur um þá þætti í starf-
semi hans, sem ekki eru lögbundnir.“
Varðandi það hlutverk sjóðsins, að
aðstoða byggðalög, sem standa höll-
um fæti, sagði Halldór að mikilvægt
væri að hugsa vandlega hvemig sinna
bæri því úrlausnarefni. Dæmin sanna
að ef byggðarlag missir fiskiskip með
þeim afleiðingum að verulegt at-
vinnuleysi blasir við, myndast pólitísk
samstaða um aðstoð. Halldór sagði
það úrslitaatriði að slíkur vandi yrði
ekki leystur með fjölgun fiskiskipa,
eins og gjaman var gert hér fyrr á ár-
um. „Þessi vandi verður heldur ekki
leystur með því að rígbinda veiði-
heimildir við tiitekin byggðarlög."
Hann taldi einnig að ýmsar stórar
breytingar í sjávarútvegi geti haft
mikil áhrif á smærri byggðalög úti á
landi. ,Af þeim ástæðum m.a. tel ég
hlutverk Hargræðingarsjóðs sjávar-
útvegsins mikilvægt. Með starfsemi
hans er hægt með sameiginlegum
hætti að fækka fiskiskipum. Útvegs-
menn geta haft áhrif á hvemig sú
fækkun fer fram. Ef það er t.d. mark-
miðið að veiðiheimildir færist ekki á
of fáar hendur, getur sjóðurinn stuðl-
að að því. Ef það er markmiðið að
fækka frekar togumm en bátum, má
nota sjóðinn til þess.“
Halldór sagði að sjóðnum yrðu sett
mikil takmörk og nákvæmar vinnu-
reglur við þetta verkefni. „Uppfylli
byggðarlag skilyrði fyrir aðstoð mun
viðkomandi sveitarstjóm boðinn for-
kaupsréttur að tilteknum veiðiheim-
ildum til eins árs í senn með sömu
kjörum og útgerðarfyrirtæki fá vegna
þess hluta veiðiheimilda sem þau eiga
árlega forkaupsrétt á. Ákvörðun um
aðstoð nær aldrei til lengri tíma en
eins árs. Á þeim tíma gefst tími til að
endurmeta atvinnumál á viðkomandi
stað og e.t.v. verður niðurstaðan sú að
byggja beri atvinnulífið upp með öðr-
um hætti en áður.“ -hs.
Varaflugvöllur er viðkvæmt mál í þingsölum:
DEILT UM SAGN-
FRÆDIÁ ÞINGI
Varaflugvöllur vegna alþjóðaflugs
kom til umræðu á þingi í gær, þeg-
ar Guðmundur H. Garðarsson al-
þingismaður spurði samgönguráð-
herra hvað því máli liði. í svari ráð-
herra kom fram að stefnt væri að
byggja upp varaflugvelli á Akureyri
og Egilsstöðum og hugsanlega
einnig á Húsavík og Sauðárkróki.
Hann sagði brýnt að nú þegar yrði
Akureyrarflugvelli gert kleift að
halda vellinum opnum allan sólar-
hrínginn og halda brautarskilyrð-
um í lagi.
Samgönguráðherra sagði að þegar
framkvæmdum lyki við Egilsstaða-
flugvöll árið 1992 myndi hann geta
gegnt hlutverki varaflugvallar.
Framkvæmdir væru miðaðár við að
svo mætti verða. Fram að því yrði að
treysta á Akureyrarflugvöll. Sá flug-
völlur þykir hins vegar hafa ýmsa
ókosti frá náttúrunnar hendi og því
hefur verið lögð áhersla á uppbygg-
ingu Egilsstaðaflugvallar. Hann
sagðist vonast til að þessir tveir flug-
vellir ásamt hugsanlega flugvöllun-
um á Húsavík og Sauðárkróki
myndu í framtíðinni gegna hlut-
verki varaflugvalla.
Ekki mun lengur inn í myndinni að
mannvirkjasjóður Atlantshafs-
bandalagsins taki þátt í að byggja
varaflugvöll á íslandi, en umræður
um þá hlið málsins hefur einkennt
umræður um málið í þingsölum
fram til þessa. Það fór samt svo að
Nató var dregið inn í umræðuna.
Þorsteinn Pálsson mótmælti um-
mælum ráðherra um að ekkert hefði
verið unnið í málinu fyrr en núver-
andi ríkisstjórn komst til valda.
Hann sagði ennfremur aö sú yfirlýs-
ing ráðherra, að við stjórnarskiptin
1987 hefði orðið sú stefnubreyting,
að ekki var beðið lengur eftir svari
frá Nató, staðfesta þá fullyrðingu
sjálfstæðismanna, að Alþýðubanda-
lagið hefði sett utanríkisráðherra
stólinn fyrir dyrnar. Þessu mót-
mæltu Eiður Guðnason og Karl
Steinar Guðnason, þingmenn krata.
í framhaldi af því tók Steingrímur
Sigfússon samgönguráðherra aftur
til máls og sagðist nú vera farinn að
kannast við sig í þessum umræðum.
Hann lagði áherslu á að sú stefnu-
breyting, sem varð 1987, hefði ekki
síst orðið í vinnubrögðum. Hætt
hefði verið að bíða eftir svörum frá
Nató, en farið að vinna að málinu á
íslenskum forsendum. Hann sagði
biðina eftir svari frá Nató hafa tafið
málið.
Fleiri tóku til máls, en greinilegt
var að Guðrúnu Helgadóttur, forseta
sameinaðs þings, þótti umræðan
vera orðin einum of sagnfræðileg og
komin í ógöngur. Þess vegna stöðv-
aði hún umræðuna. Hún sagði rétt
að gera það nú áður en þingmenn
yrðu búnir að rekja sig aftur til sfð-
ari heimsstyrjaldar.
Nýr bankastjóri Landsbankans:
Ráðningu frestað
fram yfir jólin
Bankaráð Landsbankans hefur Þá hefur bankaráð Landsbankans
ákveðið að gengið verði frá ráðn- ákveðið að hækka ekki vexti þar
ingu nýs bankastjóra á milli jóla sem engin tillaga liggur fyrir um
og nýárs. Nýi bankastjórinn mun slíkt og að þar sem bankaráð telur
taka við stöðu þeirri er Valur Am- að þess sé ekki þörf.
þórsson gegndi. khg.
Matarskammtur ertendra ferðamanna minnkaður úr 10 kílóum í 3:
Mega taka nteð
sér 3 kg af mat
Fjármálaráðherra hefur boðað að
hann ætli á næstu vikum að gefa út
reglugerð, sem takmarki þann mat-
arskammt, sem erlendir ferðamenn
mega koma með inn í landið, við þrjú
kfló. Hingað til hafa ferðamenn mátt
koma með 10 kfló með sér til lands-
ins.
Þetta kom fram í svari samgöngu-
ráðherra við fyrirspum frá Guðna Ág-
ústssyni alþingismanni, en Guðni
spurði ráðherrann hvað hann hefði
gert til að reyna að draga úr innflutn-
ingi ferðamanna á matvælum til
landsins. Guðni hafði stór orð um það
ástand sem skapaðist eftir að Jón
Baldvin Hannibalsson, þáverandi fjár-
málaráðherra, hækkaði mörkin upp í
10 kfló. Hann sagði algengt að ferða-
menn komi til landsins með mat og
annað sem þarf til langra ferðalaga.
Eina þjónustan sem þetta fólk þarf á
að halda er salemisaðstaða, sagði
þingmaðurinn. Guðni benti á að
hvergi íheiminum gittu jafn frjálsleg-
ar reglur hvað þetta varðar eins og á
íslandi.
í svari samgönguráðherra kom fram
að fjármálaráðuneytið hefði boðað að
reglugerð um innflutning matvæla
yrði breytt á þann veg að miðað yrði
við þrjú kíló. Þetta er m.a. gert vegna
eindregna óska frá íslenskum aðilum
sem sinna ferðamannaiðnaði. - EÓ
Hjörleifur nr. 3
Hjörleifur Guttormsson, alþingis-
maður, lenti í þriðja sæti í fyrri um-
ferð forvals Álþýðubandalagsins á
Neskaupstað sem fram fór á mið-
vikudagskvöld s.l. Einar Már Sig-
urðsson, kennari, fékk langflestar
tilnefningar en Elma Guðmunds-
dóttir lenti í öðru sæti.
Forvalið fer fram í tveimur umferð-
um og í fyrri umferðinni koma fram
tilnefningar innan hvers alþýðu-
bandalagsfélags í kjördæminu. I síð-
ari umferðinni, sem fer fram 1. des-
ember í Austurlandskjördæmi,
kjósa flokksmenn og stuðnings-
menn milli hinna tilnefndu úr al-
þýðubandalagsfélögunum í öllu
kjördæminu. khg.
Leiðrétting
í grein Gunnars Guðbjartssonar í
Tímanum á þriðjudaginn varð sú
prentvilla í talnadálki að í stað kr.
3.245 milljóna, prentaðist kr. 2.345
þegar talin voru upp framlög til bú-
vörusölu hér á landi. Þetta breytti
þó ekki í neinu lokatölu samlagn-
ingarinnar né upplýsingum sem
greinin flutti. Ritsfj.