Tíminn - 24.11.1990, Blaðsíða 3
Laugardagur 24. nóvember 1990
Tíminn 3
Ekki víst að jólakjötið til viria og ættingja erlendis komist til skila:
Heilbrigðisvott-
orð skal fylgja
Nú þegar jólin nálgast er algengt að fólk sendi ættingjum og vinum
kjöt, t.d. hangikjöt og læri í jólamatinn. Margir íslendingar sem búa
erlendis finnst íslenska kjötið vera aiveg ómissandi til að skapa jóla-
stemmninguna.
En erfitt getur verið að senda kjöt
til ýmissa landa vegna hafta sem er á
innflutningi á matvörum. Þó er í
flestum tilfellum nægjanlegt að
heilbrigðisvottorð fylgi sending-
unni.
Kjötinnflutningur til Noregs er t.d.
alveg bannaður og ef reynt er að
senda þangað kjöt, þá er það yfirleitt
endursent jafnvel mörgum vikum
seinna og kemur því dragúldið til
baka. Því er skynsamlegast að leita
sér upplýsinga um þessi mál áður en
Breyting á
út í slíkar póstsendingar er farið.
Samkvæmt upplýsingum frá
böggladeild Pósts og síma hefur
endursent kjöt einungis komið frá
Noregi undanfarin ár, af þeim lönd-
um sem algengast er að sent sé til.
En t.d. í Kanada er kjötið brennt um
leið og vitað er að það er innihald
pakkans sem sendur er. En í flestum
öðrum tilfellum er nóg að heilbrigð-
isvottorð fylgi kjötinu.
Heilbrigðisvottorð er hægt að fá
hjá dýralækni, svo og í nokkrum
kjötverslunum sem sumar jafnvel
bjóðast til að sjá um sendinguna á
kjötinu fyrir fólk. Þau hjá böggla-
deildinni vildu þó benda á að best
væri að kynna sér fyrst hvaða reglur
gilda um kjötinnflutning í hverju
landi, áður en hafist er handa um
sendingar. —GEÓ
Þá hló bii
allur
„Þá hló þingheimur allur“ heitir ný bók eftir þá Ama Johnsen og Sig-
mund, sem Hörpuútgáfan gefur út. Um er að ræða gamanmál sem
Ámi hefur safnað saman eftir þingmenn og um þá og vinnustað
þeirra á Alþingi. „Hér er á ferðinni bók, sem er engri annarri Ifk og lu-
mar á ýmsu af baksviði stjómmálanna, sem ætti að geta komið
mörgum skemmtilega á óvart. í bókinní eru skopsögur, vísur og
gamanbragir um þingmenn, eftir þá og tengda þeim á ýmsa vegu. A
annað hundrað teíkningar eftir Sigmund eru sannkallað krydd í
þessa tilveru," segir í fréttatilkynningu frá útgefanda.
Líklegt er talið að verð á búvörum
breytist lítils háttar 1. desember
næstkomandi. Óvíst er hvað hækk-
unin verður mikil, en fullvíst er tal-
ið að hún verði innan við 2%. Verð á
landbúnaðarvörum hefur ekki
breyst síðan 1. desember árið 1989.
Sexmannanefnd kemur saman um
helgina til að ganga frá nýju búvöru-
verði. Ræddar hafa verið ýmsar leið-
ir til að draga úr væntanlegri hækk-
un, m.a. að lækka verð á aðföngum
til framleiðslunnar og að lækka
kjarnfóðurgjald. -EÓ
Olíuleiðslur
rannsakaðar
í umhverfisráðuneytinu er nú ver-
ið að vinna að reglugerð þar sem
m.a. er gerð krafa um að neðansjáv-
ar olíuleiðslur við landið verði rann-
sakaðar einu sinni á ári. Þetta kom
fram í svari Júlíusar Sólnes um-
hverfisráðherra við fyrirspurn Önnu
Ólafsdóttur Björnsson, alþingis-
manns Kvennalista, um neyðaráætl-
uni vegna olíuleka.
í svari ráðherra kom ennfremur
fram að mengunarvarnabúnaður í
flestum smærri höfnum landsins er
ófullnægjandi. Aðeins í Reykjavík,
Heiguvík og Hvalfirði er búnaður til
að takast á við stærri olíuslys. Júlíus
lýsti stuðningi við þá hugmynd að
allri olíu sem flutt er til landsins
verði skipað á land í Helguvík, en
þar er nú til staðar nýjasti og besti
búnaðurinn til slíkra nota. -EÓ
Alþýðubandalagið:
Forval í
Reykjavík
Á félagsfundi Alþýðubandalagsins
21. þ.m. var ákveðið að efnt skyldi til
forvals um skipan framboðslista
flokksins í Reykjavík í Alþingiskosn-
ingum 1991. Einnig var ákveðið að
forvalið skuli fara fram eigi síðar en
19. janúar 1991, en kjörnefnd mun
gera tillögur um tilhögun þess á fé-
lagsfundi í byrjun desember n.k. Á
fundinum voru eftirtaldir kjörnir í
kjörnefnd: Auður Sveinsdóttir, Guð-
rún Kr. Óladóttir, Gunnlaugur Júlí-
usson, Hallur Páll Jónsson, Páll
Valdimarsson, Sigurbjörg Gísladótt-
ir og Sigvarður Ari Huldarsson.
Á félagsfundinum var fallið frá til-
lögu um opið prófkjör, en lagt á það
áherslu að reynt yrði að tryggja í
forvalsreglum að allir flokksmenn
geti tekið þátt í forvalinu. —GEÓ
Súkkulaðiterta með koníaki
Notið FLÓRIJ smjörlíki
og baksturinn bregst ekki!
Botnar:
Hrærið 200 g sykur, 200 g Flóru smjörlíki
og 3 egg. Sigtið 200 g hveiti, 3 msk. kakó og lh tsk.
lyftiduft og hrærið allt saman.
Bakist í tveimur formum við 200 gráður C í 8-11
mínútur.
Krem:
Þeytið saman 200 g flórsykur og 200 g Flóru
smjörlíki. Bætið í V2 stk. af ljósum súkkulaðihjúp
og 2 msk. af koníaki.
Skreyting: Rifið súkkulaði og marsípan.
Verði ykkur að góðu!
/300
SMJÖRLÍKISGERÐ
Akureyri