Tíminn - 28.11.1990, Blaðsíða 4
4 Tíminn
Miðvikudagur 28. nóvember 1990
LEYSIST PERSAFLOA-
DEILAN í JANÚAR?
Öryggisráö Sameinuðu þjóðanna virðist vera að komast að niður-
stöðu um að setja Saddam Hussein, forseta fraks, úrslitakosti. Úr-
slitakostimir felast í því að annaðhvort fari Hussein með her sinn
frá Kúvæt eða hervaldi verði beitt. Ekki hefur verið ákveðið hve
langan frest írakar fái til að flytja herlið sitt frá Kúvæt. Bandaríkin
hafa lagt til að miðað verði við 1. janúar, en Sovétríkin hafa mælt
Breski sendiherrann David Hannay
sagði að stjórn sín teldi að 1. janúar
væri heppilegri kostur. „Það er nógu
langur tími fyrir stjórnina (íraks-
stjórn, innskot Tímans) til að átta
sig á því að allur heimurinn er sam-
einaður gegn þeirn," bætti Hannay
við. Líklegt þykir samt að tillaga
Sovétríkjanna um 15. janúar verði
ofan á.
Stjórnarerindrekar voru ekki vissir
um hvort Kína mundi styðja tillög-
una í Öryggisráðinu, en bjuggust
heldur ekki við að Kína mundi beita
neitunarvaldi sínu, frekar sætu þeir
hjá.
James Baker, utanríkisráðherra
Bandaríkjanna, hefur nú á síðast-
liðnum 10 dögum átt viðræður við
utanríkisráðherra allra aðildarríkja
Sameinuðu þjóðanna og er jafnvel
búist við að hann eigi viðræður í dag
við ráðamenn Kúbu, sem er eina að-
ilarríki Sameinuðu þjóðanna sem
Bandaríkin hafa ekki stjórnmála-
samband við.
Tillagan sem liggur fyrir Öryggis-
ráðinu mun ekki njóta stuðnings
allra aðildarríkja Sþ. Sendiherra Je-
mens sagði að hann teldi að gefa
ætti friðsamlegum viðræðum lengri
tíma en verið væri að ræða um.
íraksstjórn hefur tilkynnt að hún
muni ekki láta undan hótunum um
beitingu hervalds. Haft var orðrétt
eftir Tareq Aziz, utanríkisráðherra
íraks: „írak, sem trúir á frið og rétt-
læti, mun aldrei láta undan þrýst-
ingi og mun halda áfram að berjast
fyrir friði og réttlæti við Persaflóa."
Aziz gagnrýndi Öryggisráð Sþ og
áhrif Bandaríkjanna á ráðið. Aziz
benti einnig á það, sem Saddam
Hussein hafði sagt þann 12. ágúst,
að hvers konar friðarviðræður um
Kúvæt ættu að tengjast öðrum
deiluefnum Mið- Austurlanda.
Öryggisráð Sameinuðu þjóðanna virðist vera að komast að niðurstöðu
Lech Walesa vill að
Mazowiecki dragi
afsögn sína til baka
Um leið og Lech Walesa sagðist
ætla að beijast til sigurs í seinni
umferð forsetakosninganna lýsti
hann yfir vilja sínum um að Tade-
usz Mazowiecki dragi afsögn sína
úr embætti forsætisráðherra til
baka og ylli ekki meiri óróa í pólskri
pólitík en fyrir væri.
Walesa sagðist ætla að biðja Mazo-
wiecki að vera við stjórnvölinn
þangað til að þingkosningar færu
fram.
„Afsögn á þessum tíma er ekki við
hæfi, vegna þess að órói í Póllandi er
nú mjög mikill og hann ætti að sýna
stillingu eins og hann lofaði að
gera,“ sagði Walesa. „Ég mun
hringja í Mazowiecki forsætisráð-
herra í dag (þ.e. 27.11., innskot Tím-
ans) og biðja hann að auka ekki á
spennuna í landinu. Ég ætla beita
mér fyrir því að við höldum til kosn-
inga til þjóðþingsins með sem
minnstum breytingum eða jafnvel
án breytinga," bætti Walesa við.
Walesa var afslappaður og sagði
brandara. Hann sagðist ekki ætla að
gera alvöru úr fyrri hótun sinni um
að draga sig út úr forsetakosningun-
um. „Pólland má ekki falla í hend-
urnar á manni sem ekki er vitað
hvar stendur, manni sem er sveipað-
ur móðu og hefur engan á bak við
sig.... Það sem gerðist er hættulegt
og ég á engan kost nema að berjast
áfram," sagði Walesa.
Fimm ísraelskir
hermenn drepnir
Fimm ísraelskir hermenn voru
drepnir og sex voru særðir af
sjálfsmorðssveit arabískra skæru-
liða í gær. Tveir Arabar létu lífið í
árásinni. Atburðurinn átti sér stað
á öryggissvæðunum rétt utan
ísraelsku landamæranna.
Þetta er í fjórða sinn á þremur
dögum sem skerst í odda milli
ísraela og skæruliða þannig að
einhver dauðsföll verði.
Ja, þessir Fransmenn:
Nærbrækw til
varnar eyðni
Frönsk uppfinningakona að nafni Lu-
lette Bechet kveðst hafa fundið upp
nærbuxur sem verja bæði karla og
konur eyðnismiti við þær aðstæður
sem eyðni smitast helst við — samfar-
ir.
Nærbuxur þessar eru úr svonefndu la-
tex-efni og segir hönnuður þeirra að
þær séu mun öruggari heldur en
smokkar eru nokkru sinni, enda hylji
þær mun stærra svæði heldur en
smokkurinn hylji. Að auki séu þær
mun handhægari og því minni hætta á
svipuðum vandræðagangi og stundum
eigi sér stað í sambandi við smokkinn,
þegar karlmenn þurfi skyndilega að
fara að íklæðast honum rétt áður en
samfarir hefjist. Menn geti nefnilega
mætt til leiks fldæddir latexbuxunum
góðu og allt þannig klárt.
Nærbuxumar eru bæði fyrir karl-
menn og konur og segir uppfinninga-
konan að karlmannabuxumar hafi
áfastan smokk. Það hafi líka kvenbux-
umar. Á þeim sé smokkurinn hins veg-
ar innhverfur.
FRETTAYFIRLIT
Katlehong, Suður-Afríku -
Fimmtán menn voru skotnir til
bana og að minnsta kosti þrjátíu
særðust i bardögum sem brutust
út að nýju milli Zúlumanna og
Xhósa-Ibúa nærri Jóhannesar-
borg.
Morrterrey, Mexíkó - George
Bush, forseti Bandaríkjanna, og
Carios Salinas de Gortari, fofseti
Mexíkó, sögðu aö sögulegt tímabil
væri að hefjast í samvinnu Banda-
ríkjanna og Mexlkó, þegar þeir
hófu tveggja daga viðræður um frl-
verslunarsamning milli rfkjanna f
gær.
Toronto- Umhverfisfræðingarffá
öllum heímshomum fúnda nú i
Kanada um hvemig hægt sé að
fýlgjast með breytingum á meðal-
hita í heiminum, en eins og kunn-
ugt er fer hann ört hækkandi m.a.
vegna gróðurhúsáhrifa. Uppi em
hugmyndir um að fylgjast með
bráðnun heimskautaíssins með
gervihnöttum.
Lortdon - John Major, fjánnála-
ráðhena Bretlands, er talinn sigur-
stranglegasti frambióðandinn í for-
mannskosningum Ihaldsflokksins,
en hann nýturstuðnings Margrétar
Thatcher.
Singapore - Wee Kim Wee fbr-
seti skipaði Goh Chok Tong til að
mynda nýja rfldsstjóm eftir afsögn
Lee Kuan Yew, en hann haföi ríkt í
31 ár.
Moskva - Boris Jeltsin, forseti
Rússlands, batt enda á ágreining
sem verið hafði milli hans og Mik-
hail Gorbatsjovs, forseta Sovétríkj-
anna, með því að lýsa yfir að
helsta vandamál, sem blasti við
leiötogum Sovétríkjanna, væri að
brauöfæða þjóðina.