Tíminn - 22.12.1990, Blaðsíða 23
utítíi lauiuoaaói u.\ iuys>uujHM.ui *
Laugardagur 22. desember 1990
Tíminn 23
Útgáfubækur
Skuggsjár 1990
Kennari á faraldsfæti er þátta-
safn Auðuns Braga Sveinssonar,
þar sem hartn segir frá 35 ára
kennarastarfi sínu í öllum hlut-
um landsins. Hann greinir hér af
hreinskilni frá miklum fjölda
fólks, sem hann kynntist á þess-
um tíma, bæði til lofs og lasts.
Hann segir hér frá kennslu sinni
og skólastjórn á eftirtöldum stöð-
um: Akranes, Hellissandur, Pat-
reksfjörður, Bolungarvík, Súða-
vík, Fljót, Ólafsfjörður, Borgar-
fjörður eystri, Breiðdalsvík,
Skarðshlíð undir Eyjcifjöllum,
Þykkvibær, Skálholt, Vatnsleysu-
strönd og Vogar og Kópavogur.
Einnig segir hér frá kennslu hans
í Ballerup í Danmörku.
Sonur sólar eftir Ævar R. Kvar-
an. Ævar er löngu orðinn kunnur
fyrir skrif sín um dulræn mál-
efni. Hann var ritstjóri Morguns,
tímarits Sálarrannsóknafélags ís-
lands, í tíu ár (1970-80), og hefur
skrifað greinar í ýmis blöð og
tímarit.
Sonur sólar hefur að geyma
nokkrar ritgerðir Ævars og grein-
ar, sem flestar fjalla um dulræn
efni. Hann segir hér frá faraón-
um Ekn-Aton, sem dýrkaði sólar-
guðinn og var langt á undan
sinni samtíð; hann greinir einnig
frá sveppinum helga og heim-
spekingnum Swedenborg. Meðal
annarra greina í bókinni eru:
Hver var Fást?; Hafsteinn Bjöms-
son miðill; Vandi miðilsstarfsins;
Bréf frá sjúklingi; Miðillinn Indr-
iði Indriðason; Máttur og mikil-
vægi hugsunar; Er mótlæti í líf-
inu böl?; Himnesk tónlist; Hefur
þú lifað áður?
Myndir úr lífi Péturs Eggerz,
fyrrverandi sendiherra. Gaman
og alvara. Þetta er minningabók
Péturs Eggerz, skráð af honum
sjálfum. Hann segir hér fyrst frá
lífi sínu sem lítill drengur í Tjam-
argötunni í Reykjavík, þegar
samfélagið var mótað af allt öðr-
um viðhorfum en tfðkast nú á
dögum. Síðan fjallar hann um
það, er hann vex úr grasi og
ákveður að nema lögfræði, og
síðar fer hann til starfa f utanrík-
isþjónustunni og verður sendi-
herra. Hann hefur kynnst mikl-
um fjölda fólks og þar má nefna
Svein Bjömsson forseta og Ge-
orgíu, f orsetafrú, Ólaf Thors, Vil-
hjálm Þór, Jóhann Sæmundsson
lækni, Jónas Thoroddsen og
fleiri. í sendiherrastarfi getur
margt gerst, bæði gaman og al-
vara.
skuggsjA
EVA STEEN
iAMINGJUHJARTAi
SKUQGSJÁ
BARBARA ^
<g<artland
Ævintýri í Marakkó
ÍSKUGGA
FORTÍDflR
Skuggsjá gefur einnig út þrjár
nýjar bækur í bókaflokknum
Rauðu ástarsögumar: Fórnfús
móðir eftir Else-Marie Nohr,
Hamingj uhj artað eftir Evu Steen
og í dag hefst lífið eftir Erik
Nerlöe.
Líka koma nú út nýjar skáldsög-
ur eftir Theresu Charles og Bar-
böm Cartland: Ævintýri í Mar-
okkó eftir Cartland og í skugga
fortíðar eftir Charles.
Snjóhjónin
syngjandi
eftir Guðjón
Sveinsson
Guðjón Sveinsson er löngu
þekktur fyrir bama- og unglinga-
bækur sínar. Nú kemur frá hon-
um ævintýri, sem pabbinn segir
fjómm dætmm sínum síðustu
dagana fyrir jól. Þetta er ævintýri
með söngvum eins og þau gerast
best.
Bókin skiptist í sjö kafla og hent-
ar því vel til að róa óþolinmóðar
sálir á jólaföstunni.
í bókinni em myndskreytingar
eftir Pétur Behrens, sem auka á
hugmyndaflugið.
Prentun og bókband: Prentverk
Odds Bjömssonar hf., sem líka er
útgefandi.
Sjálfstætt
framhald
metsölubókar
Fróði hf. hefur gefið út aðra
skáldsögu Þorgríms Þráinssonar,
unglingasöguna Tár, brospg
takkaskór, sem er sjálfstætt fram-
hald metsölubókar hans frá síð-
asta ári, Með fiðring í tánum.
Enn segir af ferðum Kidda og fé-
laga hans. Knattspyman er sem
fyrr aldrei langt undan, en
spennan nær yfirhöndinni þegar
Kiddi verður vitni að því er
slysavaldur stingur af frá slys-
stað. Kiddi veit að hann verður
að grípa til sinna ráða.
Draumalandið
og Stubbur
Bókaútgáfan Björk hefur nýlega
sent frá sér tvær bamabækur,
sem báðar em í hinum vinsæla
bókaflokki Skemmtilegu smá-
bamabækumar. Þær heita:
1. Draumalandið, sem er nr. 25 í
bókaflokknum. Hún kom fyrst út
£ Bandaríkjunum 1982. Tóta er
aðal sögupersónan. Þá koma við
sögu fjöldi dýra, sem eiga sér
ljúfa drauma. Bókin er prentuð í
4 litum og em fallegar myndir á
hverri síðu eftir Richard Brown.
Textann gerði Elisabeth Burro-
wes. Sigurður Gunnarsson, fýrrv.
skólastjóri, þýddi bókina úr
ensku.
2. Stubbur er nr. 4 í sama bóka-
flokki, en kemur nú út í 8. út-
gáfu. Hann kom fyrst út 1947 og
síðan hefur ekkert lát verið á vin-
sældum hans. Líklega hefur
Stubbur verið gefinn oftar út en
nokkur önnur bamabók á ís-
landi. Vilbergur Júlíusson skóla-
stjóri þýddi bókina úr dönsku.
Báðar þessar bækur em prentað-
ar í Prentverki Akraness hf.,
Akranesi.
ÁSGEIR JAKOBSSON
BÍLDUDALSKÓNGUW
4THAFNASAGA PÉTURS J. THORSTEINSSONAJ
Bíldudals-
kóngurinn
Bókaútgáfan Skuggsjá, Hafnar-
firði, hefur gefið út bókina Bíldu-
dalskóngurinn — Athafnasaga
Péturs J. Thorsteinssonar eftir
Ásgeir Jakobsson.
Bíldudalskóngurinn er athafna-
saga Péturs J. Thorsteinssonar,
sem ásamt Thor Jensen var mest-
ur athafnamaður í sjávarútvegi á
sínum tíma. Þetta er saga fmm-
herja í atvinnulífi þjóðarinnar á
síðustu áratugum nítjándu aldar
og fyrstu áratugum þeirrar tutt-
ugustu. Bíldudalskóngurinn er
saga manns, sem vann það ein-
stæða afrek að byggja upp frá
gmnni öflugt sjávarpláss. Hann
kom þangað ungur að ámm og
fjárvana að einu íbúðarhúsi á
staðnum og einni jagt í nausti, en
engum íbúa. Þegar hann fór frá
staðnum vom húsin orðin 50,
íbúamir 300 og skúturnar 20.
Saga Péturs J. Thorsteinssonar er
hetjusaga manns, sem þoldi mik-
il áföll og marga þunga raun á at-
hafnaferlinum og þó enn meiri í
einkalífinu.
Bíldudalskóngurinn er 446 bls.
að stærð auk myndaarka. Bókin
var sett og prentuð í Prisma,
Hafnarfirði, en bundin í Félags-
bókbandinu-Bókfell. Kápu hann-
aði og vann Prisma, Hafnarfirði.
Brauðstrit og
barátta II
— úr sögu byggðar og verka-
lýðshreyfingar á Siglufirði
Nú í desemberbyrjun kom út
annað bindi bókarinnar Brauð-
strit og barátta — úr sögu byggð-
ar og verkalýðshreyfingar á
Siglufirði, eftir Benedikt Sigurðs-
son kennara. Þessi bók er ívið
stærri en fyrra bindið og em þau
samtals tæpar 1000 blaðsíður og
prýddar fjölda mynda.
íslensk söguritun hefur öldum
saman aðallega snúist um áhrifa-
mikla einstaklinga, skoðanir
þeirra og sjónarmið, en alþýðu
manna tæpast verið getið öðm-
vísi en sem nafnlauss fjölda,
fylgdarliðs höfðingjans eða hluta
af eignum hans og búi. Hér er
farin gagnstæð leið, horft á sögu-
sviðið frá sjónarhóli verkafólks-
ins í sumarverstöðinni og síldar-
bænum Siglufirði, sagt frá hags-
munasamtökum þess, kjömm og
baráttu, menningarviðleitni,
stjómmálastarfi og félagslífi.
Jafnframt er gerð grein fyrir sér-
stöðu bæjarins á síldarámnum
og þeirri gerbreytingu atvinnu-
lífsins sem leiddi af hvcirfi síldar-
innar, en í baksýn er alltaf sam-
tímasaga héraðs og þjóðar.
Á fjórða hundrað myndir em í
þessu bindi, og að sjálfsögðu
nafnaskrá og atriðaorðaskrá eins
og í fyrra bindinu. Fyrra bindinu
var vel tekið, einkum af Siglfirð-
ingum. Það sýnir að lesendur
hafa talið að £ það mætti sækja
traustan fróðleik.
Höfundur bókarinnar, Benedikt
Sigurðsson kennari, hefur verið
búsettur á Siglufirði £ 45 ár, tekið
þátt í margvfslegu félagsmála-
starfi og haft meiri eða minni
persónuleg kynni af flestu þvi
fólki sem kemur við söguna.
Bókin er þvi i senn ávöxtur per-
sónulegrar þekkingar höfundar-
ins og margra ára vinnu við efn-
iskönnun og ritun hennar.
Bókin er gefin út í tilefni 70 ára
afmælis verkalýðssamtaka á
Siglufirði.
Útgefandi er Myllu Kobbi, forlag,
í samvinnu við Verkalýðsfélagið
Vöku á Siglufirði.