Fréttablaðið - 27.02.2009, Blaðsíða 39
26 27. febrúar 2009 FÖSTUDAGUR
folk@frettabladid.is
Þýskt útgáfufyrirtæki hefur sýnt
áhuga á að gefa út 12 tommu með
hljómsveitinni Retro Stefson í vor.
Á 12 tommunni verður lagið Sen-
seni af plötunni Montana í hefð-
bundinni og í endurhljóðblandaðri
útgáfu.
Retro Stefson er nýkomin frá By:
Larm-tónlistarátíðinni í Noregi þar
sem allt gekk að óskum. „Það var
troðfullt á tvenna tónleika og það
þurfti að vísa fólki frá því það var
svo pakkað,“ segir umboðsmaður-
inn Pétur Eggertsson. Hann segir
að töluverður áhugi sé fyrir hljóm-
sveitinni erlendis en ekkert sé þó
ákveðið varðandi tónleikahald eða
annað slíkt. Hugmyndir eru einnig
uppi um að gefa Montana út í Evr-
ópu með aðstoð Kimi Records. - fb
Útgáfa í Þýskalandi
RETRO STEFSON 12 tomma með
hljómsveitinni kemur hugsanlega út í
Þýskalandi í vor.
Oasis var kjörin besta breska sveit-
in á NME-verðlaunahátíðinni sem
var haldin í London. Muse fékk
verðlaun sem besta tónleikasveit-
in og MGMT var kjörin besti nýlið-
inn og fékk verðlaun fyrir lag árs-
ins, Time to Pretend.
The Killers frá Las Vegas var
valin besta erlenda sveitin og land-
ar þeirra Kings of Leon áttu bestu
plötuna, Only By the Night. Þá var
Pete Doherty kjörinn besti sólótón-
listarmaðurinn og The Cure fékk
heiðursverðlaun. Damon Albarn og
Graham Coxon úr Blur stigu síðan
óvænt á svið í fyrsta sinn í lang-
an tíma og sungu This is a Low af
plötunni Parklife.
Oasis besta sveitin
OASIS Oasis var kjörin besta breska
sveitin á NME-verðlaununum í London.
> ÞÆTTIR UM HJÓNABANDIÐ
Grínistinn Jerry Seinfeld hyggur á endurkomu
í sjónvarpið, ellefu árum eftir að hann
hætti með þætti sína Seinfeld. Hann
er höfundur og framleiðandi nýrra
þátta, The Marriage Ref, sem fjalla
um vandamál tengd hjónaband-
inu. Þættirnir eru byggðir á raunveru-
legum hjónabandsvandamálum þar
sem þekkt fólk kemur við sögu og gefur
hjónum ráð til að komast í gegnum
sígildar hjónadeilur. „Þetta er ekki
meðferðarþáttur, þetta er grín-
þáttur,“ sagði Seinfeld.
„Jú, við erum auðvitað allar með mikla reynslu og
skoðanir á snyrtivörum sem stöndum að baki þess-
ari síðu og höfum úr endalausum viskubrunnum að
ausa,“ segir Margrét Hugrún Gústavsdóttir blaða-
maður en hún ásamt Ágústu Evu Erlendsdóttur
leikkonu, Hafdísi Ingu Hinriksdóttur, atvinnukonu
í handbolta og förðunarfræðingi, og Sóleyju „make-
up-artist“ hefur nú hafist handa við að blogga á
slóðinni pjattrofur.blogspot.com um þann frumskóg
sem konur þurfa að vaða til að finna út hvaða snyrti-
vörur eru brúkhæfar.
„Konur þekkja vel þau vandræði sem geta skapast
við að finna rétta litinn á meikið, góða en jafnframt
ódýra maskara og þarna ætlum við að vera pjattróf-
um Íslands innan handar með það og fleira,“ segir
Margrét en síða þessi verður jafnframt hluti af eyj-
unni.is.
Víst er að margt áhugvert verði hægt að læra á
síðunni en Ágústa Eva málaði sig einmitt alltaf sjálf
sem Sylvía Nótt. Sóley er svo landsþekkt fyrir förð-
un sína og Margrét Hugrún ritstýrir þessa dag-
ana afmælisriti Félags íslenskra snyrtifræðinga og
hefur starfað sem lífsstílsblaðamaður til margra
ára. „Við uppgötvuðum eiginlega í apótekinu Lyfju
hvað væri mikil þörf fyrir svona þegar við vorum
staddar þar eitt kvöldið að prófa hitt og þetta. Þetta
er ekki kreppa og þetta eru ekki leiðindi. Okkur
finnst þetta bara skemmtilegt og gerum fastlega ráð
fyrir því að það séu fleiri sem hafa gaman af þessu
líka, “ segir Margrét Hugrún. - jma
Ágústa Eva gefur snyrtivöruráð
RÁÐ UNDIR
RIFI SYLVÍU
NÆTUR Förðun
Sylvíu Nætur á
sínum tíma þótti
stórkostleg og nú
má lesa snyrtiráð
hennar og fleiri
góðra kvenna á
síðunni pjattrofur.
blogspot.com.
Ungfrú Reykjavík 2009 verður krýnd á
Broadway í kvöld. Að þessu sinni keppa
23 stúlkur um titilinn. Á heimasíðu
keppninnar má fá nánari upplýsingar
um þær. Bækur Arnaldar Indriðason-
ar eru í miklu uppáhaldi hjá mörgum
þeirra. Fjórar bækur eftir hann eru
nefndar sem „síðasta bókin sem ég las“,
Synir duftsins, Dauðarósir, Grafarþögn
og Myrká. Flugdrekahlauparinn og
Viltu vinna milljarð eru líka bækur
sem má finna á náttborðum fegurð-
ardísa þessa dagana.
Stúlkurnar hafa fjölbreytt-
an smekk á tónlist. Í heildina má
þó segja að Sálin, The Killers og
Kings of Leon séu í mestu uppá-
haldi. Hin hefðbundna spurning
um áhugamál er á sínum stað.
Stúlkurnar bregðast ekki hefð-
inni og nefna oftast hestamennsku, lík-
amsrækt, íþróttaiðkun ýmiss konar og
ferðalög. Að lokum eru stelpurnar spurð-
ar hvern þær myndu helst vilja hitta.
Ýmis valinkunn nöfn eru nefnd en oft-
ast vilja stelpurnar hitta hina ýmsu látnu
ættingja, afa og ömmur, langafa og lang-
ömmur. Frægðarmenni látin eru einn-
ig nefnd, meðal annars Díana prinsessa,
John Lennon, Winston Churchill og Bríet
Bjarnhéðinsdóttir. Ein fegurðardísin
kemur svo með hið jarðbundna svar að
hún vilji helst hitta „Brad Pitt, Johnny
Deep og fleiri sæta fræga!“
Kynnir keppninnar er Unnur Birna
Vilhjálmsdóttir, Ungfrú Ísland og Ung-
frú Heimur árið 2005. Keppnin er sýnd
í beinni á Skjá einum frá kl. 22. Aðal-
keppni ársins, Ungfrú Ísland, fer svo að
öllum líkindum fram 24. apríl. - drg
Fegurðardísir elska Arnald Indriðason
KYNNIR KVÖLDSINS Unnur Birna kynnir Ungfrú
Reykjavík í kvöld.
Breti ósáttur við Hr. Örlyg
DEILT UM LAUN
Breski blaðamaðurinn Ben Murray,
að ofan til hægri, segir að Hr. Örlygur
skuldi sér laun. Eldar Ástþórsson, hér
til vinstri, kveðst ekki hafa fengið greidd
laun sem dómssátt náðist um að hann
fengi greidd fyrir skemmstu. Þorsteinn
Stephensen, fyrir ofan til vinstri, gat
ekki tjáð sig um málið í gær.
Breski blaðamaðurinn Ben
Murray, sem hefur starfað
fyrir Hr. Örlyg að skipu-
lagningu Airwaves-hátíð-
arinnar, hefur sent frá sér
yfirlýsingu þar sem segir
að hann og landar hans
íhugi málshöfðun vegna
vangoldinna launa.
Ben Murray segir að Hr. Örlygur
skuldi sér laun fyrir vinnu hans
fyrir Airwaves-hátíðina. Hann
segist hafa gögn í höndunum um
að önnur fyrirtæki og einstakl-
ingar í Bretlandi hafi lent í sömu
vandræðum og hann. Allir íhugi
þeir að höfða mál gegn Hr. Örlygi
til að fá launin sín greidd. „Að fá
ekki greitt þegar maður hefur
unnið jafnmikið fyrir einhvern
svona lengi er mjög leiðinlegt,“
segir Murray, sem kveðst hafa
staðið í stappi við Hr. Örlyg síðan
í september.
Hann segir að orðspor Hr.
Örlygs hafi beðið mikla hnekki að
undanförnu vegna vangreiddra
launa og telur að erfitt verði að
bæta fyrir skaðann. Hann er engu
að síður mikill Íslandsvinur og
aðdáandi Airwaves og vill veg
hátíðarinnar sem mestan. „Aðal-
markmið mitt er að þessi frábæra
hefð haldi áfram um ókomin ár.
Mig langar að fara til Reykjavík-
ur á hverju ári með vinum mínum,
horfa á hljómsveitir og njóta hátíð-
arinnar en eins og málin standa
núna efast ég stórlega um að það
muni gerast. Ég og margir aðrir
óttast mjög um framtíð Iceland
Airwaves,“ segir hann.
Murray segist hafa fengið mis-
munandi svör frá Hr. Örlygi, sem
hefur bent á bankahrunið og gjald-
eyrisskort sem ástæður fyrir vand-
ræðunum. Í viðtali við Fréttablað-
ið fyrir skömmu sagði Þorsteinn
Stephensen hjá Hr. Örlygi að fyr-
irtækið ætti aðeins eftir að borga
þremur til fjórum aðilum frá því í
haust og upphæðin nemi 3-400 þús-
und krónum. Yfirlýsing Murrays
stangast á við þau orð Þorsteins.
„Það urðu tafir á greiðslum út af
þessu bankahruni og það voru
einn eða tveir sem tóku því eins
og það væri verið að svíkja þá. En
þetta eru bara sömu afleiðingar og
önnur íslensk fyrir tæki hafa þurft
að ganga í gegnum,“ sagði Þor-
steinn og hélt því fram að hátíðin
yrði haldin í ár. Fréttablaðið leit-
aði viðbragða Þorsteins í gær en
hann sá sér ekki fært að svara að
svo stöddu.
Enn fleiri spjót standa á Hr.
Örlygi því Eldar Ástþórsson, fyrr-
verandi starfsmaður fyrirtækis-
ins, hefur enn ekki fengið greidd
þaðan laun, þrátt fyrir að dóms-
sátt hafi náðst í lok janúar í máli
sem hann höfðaði gegn fyrirtæk-
inu. Hafði Hr. Örlygur frest til að
borga honum til 5. febrúar en ekk-
ert bólar enn á greiðslunni, sem
nemur um 600 þúsund krónum.
„Mér þykir mjög leiðinlegt að
þurfa standa í svona máli við að
ná í vangoldin laun. Maður hélt
að þetta væri loksins að komast í
höfn en þeir hafa ekki getað stað-
ið við þetta,“ segir Eldar. „Ég bók-
aði mikið af þessum böndum sem
spiluðu á hátíðinni í fyrra áður en
ég hætti en nokkur af þeim hafa
átt í erfiðleikum með að fá greiðsl-
ur. Ég veit að maður er ekki sá eini
sem þetta félag skuldar og maður
er kannski ekkert alltof vongóður
um að þetta skili sér,“ segir hann
og bætir við að lögmaður sinn ætli
að setja málið í kröfu.
Eldar segir að sér þyki leitt að
heyra um vandræði Iceland Air-
waves-hátíðarinnar. „Mér þykir
mjög leiðinlegt að heyra að það sé
komið svona fyrir hátíðinni. Það
er mjög mikilvægt að þessi hátíð
fái að lifa fyrir íslenska tónlist svo
ekki sé talað um ferðaþjónustuna
og landkynninguna,“ segir hann.
freyr@frettabladid.is