Tíminn - 06.02.1992, Síða 2
2 Tíminn
Fimmtudagur 6 febrúar 1992
Reglugerð forsætisráðherra um Byggðastofnun er ekki eins beitt og hann hafði boðað:
Byggðastofnun bannað
að kaupa hlutabréf
Forsætisráðherra hefur gefið út nýja reglugerð um Byggðastofnun.
í reglugerðinni er stofnuninni bannað að gerast hluthafi f fyrirtækj-
um og sett eru viss skilyrði fyrir Iánveitingum stofnunarinnar. í
reglugerðinni er ekki gengið jafnlangt í því að skerða verksvið
Byggðastofnunar og forsætisráðherra hafði áður boðað. Matthías
Bjarnason, stjórnarformaður Byggðastofnunar, segir að tillit hafi
verið tekið til ábendinga stjórnar stofnunarinnar.
þessu húsi í Grafarvogi verður nýja heilsugæslustöðin.
Tfmamynd Áml Bjama
Gleðitíðindi fýrir Grafarvogsbúa:
Ný heilsugæslustöö
Bygginganefnd heilsugæslustöðva í Reykjavík vinnur nú að undirbúningi á opn-
un tveggja heilsugæslustöðva í Reykjavík, í Grafarvogi og í Mjódd. Er gert ráð fyr-
ir að heilsugæslustöðin í Grafarvogi verði opnuð 1. maí og að í ágúst verði flutt
inn í Mjóddinni. Ekki er enn vitað til um hver kostnaður af verkinu verður, en að
sögn Ingibjargar R. Magnúsdóttur, formanns byggingaraefndar, er gert ráð fyrir
um 50 mil|jónum á árinu til bygginga heilsugæslustöðva í Reykjavík.
Skömmu eftir að Davíð Oddsson
settist í stól forsætisráðherra sagði
hann að stjórn Byggðastofnunar
hefði farið út fyrir verksvið sitt og
réttast væri að svipta stofnunina
fjárráðum. Hún ætti eingöngu að
sinna áætlanagerð og upplýsinga-
söfnun um byggðamál. Hann ítrek-
aði þessa skoðun sína í umræðum
um byggðamál sem fram fóru síðast-
liðið haust.
í reglugerðinni sem Davíð gaf út í
gær er ekki gengið eins langt og
hann hafði boðað. Fallið er frá hug-
myndum um að svipta Byggðastofn-
un fjárráðum. Matthías Bjarnason
sagði að tekið hafi verið tillit til
ábendinga stjórnar stofnunarinnar.
Reglugerðardrögum hafi verið
breytt.
í reglugerðinni segir að Byggða-
stofnun skuli gera stefnumótandi
áætlanir í byggðamálum, er komi til
samþykktar Alþingis í formi þings-
ályktunartillögu og endurskoðist á
tveggja ára fresti. Byggðastofnun á
jafnframt að gera svæðisbundnar
áætlanir í samráði við ráðuneyti,
sveitarfélög, atvinnuþróunarfélög
og aðra aðila sem málið varðar. Þetta
er mjög í samræmi við lög um
Byggðastofnun sem Steingrímur
Hermannsson, fyrrverandi forsætis-
ráðherra, fékk samþykkt í fyrra.
Lán eða annar fjárhagslegur stuðn-
ingur sem Byggðastofnun veitir eiga
vera í samræmi við byggðaáætlan-
imar. Við afgreiðslu lána, ábyrgða,
óafturkræfra framlaga og annarra
ákvarðana á stjórn Byggðastofnunar
að gæta jafnræðis milli aðila sem
eru í sömu eða sambærilegri stöðu.
Þess á sérstaklega að gæta að fyrir-
greiðsla stofnunarinnar til fyrir-
tækja raski ekki samkeppnisstöðu
annarra fyrirtækja á landsbyggð-
inni. Þá á fjárhagsleg aðstoð
Byggðastofnunar að miðast við að
stofnunin sé ekki sjálf beinn þátttak-
andi í atvinnurekstri, en stjórn
hennar er heimilt að ákveða að taka
þátt í fjárfestingar- eða þróunarfé-
lögum, þ.m.t. atvinnuþróunarfélög-
um.
í 23. grein reglugerðarinnar segir
að Byggðastofnun skuli varðveita
raungildi eigin fjár síns. Eignir og
tekjur Byggðastofnunar skulu
hverju sinni hrökkva til að greiða
fjárskuldbindingar hennar. Útgjöld,
að meðtöldum framlögum á afskrift-
arreikning vegna áhættu í lánveit-
ingum, ábyrgðum og hlutafjárþátt-
töku, skulu takmarkast við þau
framlög sem hún fær í fjárlögum
hverju sinni að viðbættri þeirri
ávöxtun sem hún hefur af fjármun-
um sínum og öðmm tekjum ef ein-
hverjar em.
Matthías sagði að Byggðastofnun
hafi hingað til reynt að forðast að
leggja hlutafé í fyrirtæki. Það væri
umdeilanlegt hvort stofnun eins og
Byggðastofnun ætti að gera slíkt.
Stofnunin reyndi ætíð að losna sem
fyrst við þau hlutabréf sem hún
eignaðist. Öll hlutabréf sem stofn-
unin ætti í dag væm til sölu. Stofn-
unin myndi hins vegar ekki selja þau
nema viðunandi verð fengist. Matt-
hías sagði að hlutabréf Hlutafjár-
sjóðs væm sérmál, en sjóðurinn
hefði verið stofnaður með pólitískri
aðgerð, en ekki að frumkvæði
Byggðastofnunar. Sjóðurinn er hins
vegar nú í umsjón Byggðastofnunar.
Matthías sagði að hlutabréf sjóðsins
væru til sölu, en tíma tæki að selja
þau. -EÓ
Býsna brýnt hefur verið að opna
heilsugæslustöð í Grafarvogi þar
sem vemlega er farið að þrengja að
heilsugæslustöðinni í Árbæ, en hún
hefur sinnt heilsugæslu fyrir Grafar-
vog. Heilsugæslustöðin í Grafarvogi
verður að Hverafold 1-3, þar sem er
til húsa verslunarmiðstöð. Það hús-
næði er reyndar leiguhúsnæði sem
er til bráðabirgða, en innan margra
ára er gert ráð fyrir byggingu heilsu-
gæslustöðvar þar skammt frá og er
gert ráð fyrir í skipulagi. Stöðin sem
380 fermetrar að stærð verður tekin
í notkun l.maí næstkomandi.
Þessa dagana er unnið að útboði á
innréttingum heilsugæslustöðvar í
Mjódd, nánar tiltekið á 3.hæð
Þönglabakka 6, en þar keypti Ríkis-
sjóður 850 fermetra húsnæði. Síð-
ustu tvö árin hefur heilsugæslustöð-
in verið í bráðabirgðahúsnæði að
Álfabakka 12 og er vonast til þess að
stöðin geti flutt í hið nýja húsnæði í
ágúst á þessu ári. Ingibjörg R.
Magnúsdóttir segir að verulega sé
farið að þrengja að starfsemi margra
heilsugæslustöðva á Reykjavíkur-
svæðinu og má þar um kenna að
mikil fólksfjölgun hefur átt sér stað
á undanförnum árum og þá hefur
heimahjúkrun aukist vemlega og
ekki batni ástandið þegar deildum
verður lokað á sjúkrastofnunum í
kjölfar sparnaðar í heilbrigðiskerf-
inu
Heilbrigðis- og tryggingamálaráð-
herra hefur skipað bygginganefnd
heilsugæslustöðva í Reykjavík. For-
maður nefndarinnar er Ingibjörg R.
Magnúsdóttir, skrifstofustjóri í heil-
brigðisráðuneytinu, og með henni í
nefndinni eru Ingimar Sigurðsson,
forstjóri heilsugæslustöðva í
Reykjavík, og Katrín Fjeldsted Iækn-
ir sem er fulltrúi Reykjavíkurborgar.
-PS
Sjúkrahúsí Suðuriands á Selfossi gert að skera niður útgjöid um 12,5 milljónir:
10 sjúkrarúmum lokað
Sjúkrahúsl Suðurlands á Selfossi er gert að skera rekstrarkostn- stendur til að segja fastráðnu
að nlður um 12,5 milljónir króna, 11,6 milljónir í iaunum og 900 starfsfólki upp störfum. 900
þúsund í öðrum rekstri, að sögn Hafsteins Þorvaldssonar, fram- þúsund króna spamaði í ððrum
kvæmdastjóra sjúkrahússins. „Þessi flati niðurskurður kemur sér rekstri á að ná fram með hagræð-
iila fyrir okkur Sunnlendinga því sjúkrarúm á hverja 1000 fbúa ingu í lyfja- og matarinnkaupum.
eru hér færri en gerist í mörgum öðrum landshlutum," sagðl Haf- Hafsteinn Þorvaldsson sagði að
steinn. þessi niðurskurður legðist illa í
sig. Hann sagðist engu að síður
Heilbrigðisráðuneytið hefur nú ráða ekkert sumarafleysingafólk. binda vonir við að eitthvað af
fengið í hendur tiUögur frá for- Ennfremur að vinna aðeins einn endurgreiðsiu ráðuneytisins
svarsmönnum sjúkrahússins um dag í viku á skurðstofu í stað kæmi í hlut sjúrahússins og
með hvað hætti þeir hyggjast ná tveggja eins og tíðkast hefur til þannig yrði hægt að milda mesta
sparnaðinum fram. Það er að þessa. Með þessu á að spara 11,6 höggið.
loka 10 sjúkrarúmum í sumar og milijónir f launakostnaði. Ekld SBS -Selfossi
Minnihlutinn í borgarstjórn Reykjavíkur mun ekki leggja fram breytingartillögur við
fjárhagsáaetlun meirihlutans, en koma sjónarmiðum sínum á framfaeri í bókunum:
Fjárhagsáætlunin tekur ekki
tillit til samdráttarins
Að þessu sinni verða minnihlutaflokkamir í borgarstjóm Reykja-
víkur ekki með beinar tiliögur um breytingar á fjárhagsáætlun
borgarinnar, heldur munu þeir koma sjónarmiðum sínum á fram-
færi í bókunum og ræðum. Minnihlutaflokkarair munu að vísu
sameiginlega flytja tillögur um að hækka styrki til menningar-, fé-
lags- og íþróttamála.
Minnihlutaflokkarnir telja að í
fjárhagsáætluninni sé of lítið tillit
tekið til samdráttarins í þjóðféiag-
inu og áhrifa aðgerða ríkisstjórnar-
innar í velferðarmálum. Seinni
umræða um fjárhagsáætlunina fer
fram í dag.
Sigrún Magnúsdóttir, borgarfull-
trúi Framsóknarflokksins, segir að
megineinkennið á þessari fjárhags-
áætlun sé að tekjur séu stórlega of-
áætlaðar. „í mínum huga er það al-
veg augljóst að taka þarf upp fjár-
hagsáætlunina. Það væri því harla
gagnslaust að flytja og útfæra tölu-
legar breytingartillögur við eitt-
hvað sem ekkert hald er í,“ sagði
Sigrún. ,Auk þessa er ekkert tekið
á þeim vanda sem sýnilegur er nú
þegar í þjóðfélaginu s.s. minni
tekna vegna atvinnuleysis, aukinna
útgjalda vegna skólaaksturs og ým-
islegt annað mætti nefna,“ sagði
Sigrún ennfremur. Hún benti á að
þessi fjárhagsáætlun markaðist
nokkuð af þeim skorðum sem for-
tíðarvandi borgarinnar frá árum
Davíðs Oddssonar hafí reist borgar-
sjóði.
„Það sem einkennir fjárhagsáætl-
unina er að það er þrengt mjög að
rekstri borgarinnar. Ég tel að í
henni sé ekki horfst nægilega mik-
ið í augu við afleiðingar af harka-
legum aðgerðum ríkisstjórnar Dav-
íðs Oddssonar borgarfulltrúa og því
tel ég að fjárhagsáætlunin sé
óraunhæf," sagði Kristín Ólafsdótt-
ir, borgarfulltrúi Nýs vettvangs.
Kristín sagðist telja að útgjöld
borgarinnar komi til með að
hækka mun meira vegna aðgerða
ríkisstjórnarinnar en gert er ráð
fyrir í fjárhagsáætluninni. Hún
benti á að sú upphæð sem áætluð
er í fjárhagsstuðning Félagsmála-
stofnunar sé lægri en fór til þessa
málaflokks árið 1990. Hún sagði að
í Ijósi aðgerða ríkisstjórnarinnar og
kjararýrnunar væri þetta óraunhæf
tala. Hún sagðist sömuleiðis telja
að útgjöld vegna heimilishjálpar
væru vanáætluð. Niðurskurður á
sjúkrahúsunum hljóti að auka
þörfina á heimahjúkrun.
„Nú þegar tekjur borgarinnar
hækka mun minna en þær hafa
gert síðustu ár verður fortíðarvandi
Reykvíkinga mjög augljós. Skuldir
borgarsjóðs frá ársbyrjun 1983 til
ársbyrjunar 1991 tvöfölduðust.
Þetta gerðist í mestu gósentíð sem
borgarsjóður hefur upplifað. Við
höfum farið illa með fjármuni í
miklu góðæri. Nú erum við í vörn,“
sagði Kristín.
Hún sagði að mörg brýn verkefni
hefðu orðið að bíða vegna rangra
ákvarðana um fjárfestingar. í því
sambandi nefndi hún hjúkrunar-
heimili fyrir aldraða, skólabygging-
ar í Grafarvogi, dagvistarheimili og
uppbygging félagslegs húsnæðis.
Elín G. Ólafsdóttir, borgarfulltrúi
Kvennalistans, sagði að við fyrri
umræðu hefði hún Iýst yfir ánægju
með að í fjárhagsáætlun fyrir þetta
ár væru áherslur nær því sem
Kvennalistinn hefði talað fyrir en í
fyrri fjárhagsáætlunum. Auknu fé
væri veitt til skóla- og dagvistar-
mála og annarra félagslegra mála.
Milli umræðna væri búið að skera
niður framlag til dagvistunarmála
og lítillega til skólamála. Ekki væri
hins vegar hreyft við framlagi til
byggingar ráðhúss.
Elín sagði að skattheimta ríkis-
valdsins á sveitarfélögin kæmi við
Reykjavíkurborg eins og önnur
sveitarfélög. Hún sagðist telja að
borgin þurfi að marka stefnu í at-
vinnumálum nú þegar uppsagnir
eru hjá ríkisvaldinu og fyrirsjáan-
Iegt sé að atvinnuleysi muni aukast
í borginni. Hún sagði Ijóst að aukið
atvinnuleysi komi til með að hafa
áhrif á tekjur og útgjöld borgar-
sjóðs.
í bókunum sem Sigurjón Péturs-
son, borgarfulltrúi Alþýðubanda-
lagsins, hefur lagt fram segir að
fjárhagsáætlunin sýni að fjárhagur
borgarinnar sé nú þrengri en hann
hefur verið síðasta áratug. Loka
verði áætluninni með 300 milljón
króna lánveitingu. Sigurjón telur
ýmislegt benda til að útkoman í
árslok verði önnur og verri en gert
er ráð fyrir í áætluninni. Ekki sé
gert ráð fyrir neinum launabreyt-
ingum á árinu. Ekki sé gert ráð fyr-
ir neinum samdrætti í atvinnutekj-
um eða í veltu fyrirtækja, þrátt fyr-
ir stórfelldar uppsagnir starfsfólks
og fjölda gjaldþrota fyrirtækja, sem
rekja megi beint til aðgerða ríkis-
valdsins. Þá sé ekki gert ráð fyrir að
aðstoð Félagsmálastofnunar aukist
þrátt fyrir fyrirsjáanlegan atvinnu-
samdrátt og mikinn niðurskurð í
velferðarkerfmu.
Sigurjón bendir á að Reykjavíkur-
borg eigi mikið af ónýttum tekju-
stofnum. Með því að nýta þá að
hálfu leyti væri hægt að auka tekj-
ur borgarinnar um milljarð. Einn-
ig komi til greina að taka lán til að
tryggja atvinnuuppbyggingu í
borginni og treysta samfélagsgerð-
ina. -EÓ