Tíminn - 08.02.1992, Blaðsíða 1
Laugardagur
8. febrúar 1992
22. tbl. 76. árg.
VERÐ í LAUSASÖLU
KR. 110.-
Sálfræðingafélag íslands telur aðför ríkisstjórnarinnar að bama-
fólki auka á erfiðleika íslenskra bama sem séu nægirfyrir:
Vega að sálarheill
íslensks ungviðis
Sálfræðingafélag íslands telur sálarheill og velferð íslenskra barna
ógnað enn frekar en orðið er með þeim álögum sem rödsstjórnin
hefur lagt á barnafjölskyldur í landinu. í sérstakri ályktun, sem
stjórn Sálfræðingafélagsins hefur gert, kemur fram að félagsmenn
hafa í áraraðir unnið að málefnum barna og fjölskyldna og þekkja
því vel þær aðstæður sem leiða til erfiðleika í uppeldi og innan fjöl-
skyldna.
„Niðurskurður barnabóta, aukin
kostnaðarþátttaka í læknisaðstoð og
lyfjum, skólagjöld, niðurskurður á
kennslu, fjölgun barna í bekkjum,
allt þetta leiðir óhjákvæmilega til
versnandi aðbúnaðar barna,“ segir
orðrétt í ályktun stjórnar Sálfræð-
ingafélagsins.
Hugo Þórisson, formaður félagsins,
sagði í samtali við Tímann að þró-
unin á undanförnum árum hafí ver-
ið börnum mjög óhagstæð og sagði
aðspurður að ástandið varðandi að-
búnað íslenskra barna væri vissu-
lega þannig að ástæða væri til að
hafa af áhyggjur. „Sálfræðingar sem
vinna t.d. á dagvistarstofnunum, í
grunnskólum eða eins og ég hér á
unglingadeild Félagsmálastofnunar
eru daglega að fást við afleiðingar
þess að foreldrar sinna ekki og geta
ekki sinnt börnunum sínum sem
skyldi. Börn eru allt of mikið og allt
of ung ein heima hjá sér. Það er allt-
af að færast í vöxt að börn séu að ala
hvert annað upp, börn ala upp börn
og það eru sífellt færri fullorðnir í
kringum þau en þess í stað eru þau í
hópi með jafnöldrum sínum. Síðan
tala menn um að þjóðfélagsþróun sé
óháð því hvernig búið er að börnun-
um, aukning á afbrotum, ofbeldi,
vímuefni o.s.frv.," segir Húgo. Hann
segir að áberandi öryggisleysi sé fyr-
ir hendi meðal barna í dag, kvíði og
spenna sem öryggisleysinu fylgir
segir Hugo að geti brotist út með
margvíslegum hætti, börnin geti
lokað þetta inni í sér eða þá að þetta
brýst út með einhverju offorsi. „Um-
hverfi þeirra er svo afskaplega ein-
hæft, fátækt og snautt," segir Hugo.
„Þetta er mikil óheillaþróun og
maður er alltaf að vona að stjórn-
völd taki sig taki og segi að nú ætli
þau að leggja áherslu á fjölskylduna,
bömin, menntun og skóla og að-
stæður barna. En það sem gerist er
að það er höggvið í það sem við
megum síst við,“ segir Hugo enn-
fremur.
í ályktun stjórnar Sálfræðingafé-
lagsins segir að „síðustu aðgerðir
ríkisstjórnarinnar í málefnum
barnafjölskyldna séu ekki til neins
annars líklegar en að auka á erfið-
leika íslenskra barna. Það er augljóst
að foreldrar þurfa að vinna meira,
skólanum gert erfiðara fyrir að
sinna sínu hlutverki og að sjúkdóm-
ar í fjölskyldunni verða kvíðaefni.
Stjórn S.í. hvetur ríkisstjórnina til
að snúa við óheillaþróun sem verið
hefur í málefnum íslenskra bama og
fjölskyldna þeirra og að leita ann-
arra leiða til að leysa úr erfiðri Ijár-
hagsstöðu ríkisins."
Brunarústir Pöntunarhússins á Seyðisfiröi í gærmorgun.
Annar stórbruni á stuttum tíma varð á Seyðisfirði í gærmorgun:
Pönf unarhúsið brann
Milljóna, ef ekki tugmilljóna, tjón varð þegar svokaliað Pöntunarbús á Seyðis-
firði brann í gærmorgun til kaldra koia. Tilkynnt var um eldinn til slökkviliðs-
ins en það var Sigurjón Andri Cuðmundsson, aðstoðarvarðstjóri í lögreglunni á
Seyðisfirði, sem það gerði en hann var á ferð ásamt tveimur öðrum á leið út í
Sfldarverksmiðjur ríkisins sem eru skammt utan við „Pöntun".
„Þegar við komum að húsinu rauk
mikið úr húsinu öllu, en ofan frá þar
sem við komum að var enginn eldur
sjáanlegur. Ég hringdi strax í slökkvi-
lið, en hljóp síðan niður fyrir húsið og
þar sá ég að logaði út um glugga og
dyr, bæði á efri og neðri hæð. Eldur-
inn var þá strax í hálfu húsinu, áður
en slökkviliðið kom á vettvang og því
ekkert sem við gátum gert, nema að
bíða eftir slökkviliðinu," sagði Sigur-
jón Andri Guðmundsson aðalvarð-
stjóri í samtali við Tímann.
Slökkviliðið kom á staðinn um
klukkan 5,45 eða um 10 mínútum eft-
ir að tilkynnt var um eldinn, en þá
varð ekki við neitt ráðið og breiddist
eldurinn um allt hús. Það tók um
þrjár klukkustundir að ráða niðurlög-
um eldsins, sem gaus upp aftur og aft-
ur. Mikill vestanvindur var og bárust
logandi glóðir yfir sfidarverksmiðj-
urnar, en ekki steðjaði teljandi hætta
að þeim. Þá tókst slökkviliðinu að
verja olíutank sem stóð ofan við húsið.
í austurenda hússins var meðal ann-
ars þjónusta Skeljungs við smábátaút-
gerðina og var þar talsvert magn af ol-
íuvörum, en eftir að eldurinn komst í
þær var ekki við neitt ráðið. Olíutunn-
ur sem þar voru sprungu þegar eldur-
inn komst í þær. Tálið er að eldurinn
hafi komið upp í vesturenda hússins
og hafi sterkur vestanvindur hjálpað
til að bera hann yfir í austurendann,
þar sem olíugeymslan var.
Nánast allir trillukarlar á Seyðisfirði
höfðu aðstöðu í „Pöntun", en þar
höfðu þeir aðstöðu til beitninga. Mikið
magn var af veiðarfærum, netum og
línubjóðum, ásamt beitningavélum og
öðrum tækjum sem tilheyra útgerð.
Sem dæmi má nefna að í húsinu voru
veiðarfæri sem einn útgerðarmann-
anna var að fara með til Reykjavíkur
og nemur tjón þessa eina útgerðar-
manns milljónum króna.
„Menn eru ekki ánægðir með þetta,
en þetta er annar stórbruninn á
skömmum tíma. Menn eru eflaust
farnir að gera sér sínar hugmyndir um
upptök þessa bruna og hugsanlegt er
að brennuvargur gangi laus hér í bæ,
ef í ljós kemur að þetta var íkveikja.
Maður getur þó ekki sagt til um það á
þessari stundu,“ sagði Sigurjón Andri
Guðmundsson aðaivarðstjóri í samtali
við Tímann.
Húsið sem brann stendur við Hafnar-
götu, er reyndar vestasta húsið við þá
götu og var það byggt árið 1891. Það
var tvfiyft timburhús og jámklætt að
utan og að sögn Sigurjóns mjög langt
hús og stórt í fermetrum talið. Ekki er
langt síðan annar stórbruni varð, þeg-
ar Wathne-húsið brann til kaldra kola,
eftir að kveikt hafi verið í því, en í gær
játaði maður á sig þá íkveikju við yfir-
heyrslu. Hann tengist þó ekki brunan-
um í gær því hann sat inni. Það var
einnig Sigurjón Andri Guðmundsson
aðalvarðstjóri sem fyrstur kom að
Wathne-húss brunanum og tilkynnti
um eldinn. Málið er nú í rannsókn hjá
lögreglunni og hjá rafmaghséftirfits-
mönnum á Seyðisfirði. ' -PS
Hagststt vcrð d Storno (arsímum
ttoh*®
5 &8,®
Vfeiö er niiöað við
gengi 27. jan. 1992.
Vegna mikillar sölu á síðasta ári náðum við mjög
hagstæðum samningum við framleiðendur og getum
nú boðið Storno farsíma á hreint ótrúlega lágu verði.
Storno bílasími kr. 79.580 stgr. með vsk.
Storno burðarsími kr. 84.280 stgr. með vsk.
Burðarsíma fylgir 4 Ah rafhlaða.
PÓSTUR OG SÍMI
Söludeildir í Ármúla 27, Kirkjustræti, KringlunVii
og á póst- og símstöðvum um land allt