Tíminn - 20.08.1993, Blaðsíða 1
Frétta-Tíminn... Frétta-síminn..>68-76-48—Frétta-Tíminn...Frétta-síminn—68-76-48... Frétta-Tíminn.Frétta-síminn—68-76-48
Föstudagur
20. ágúst 1993
155. tbl. 77. árg.
VERÐf LAUSASÖLU
KR. 125.-
iT
Byggingarvísitalan hækkað þrefalt meira á 2 mánuð-
um en næstu 12 mánuðum á undan:
Byggingarvísi-
talan mælir
16% verðbólgu
Eftir að byggingarvísitalan hafði
nánast staðið í stað í heilt ár hefur
hún nú á tveim mánuðum hækkað
um 2,5%, sem umreiknað til heils
árs svarar til þess að 15—16%
verðbólga hafi nú rokið af stað í
byggingarkostnaði.
Nefna má sem dæmi, að íbúð sem
kostaði 8 milljónir að byggja í júní
hefur hækkað í 8,2 milljónir í ágúst.
Launavísitalan hækkaði á hinn bóg-
inn ekki neitt, sem heldur nokkuð
aftur af lánskjaravísitölunni. Sú vísi-
tala hækkaði um 0,7% milli mánaða.
Lánskjaravísitala 3330 gildir fyrir
september.
Frá júní í fyrra til júní á þessu ári
hækkaði byggingarvísitalan úr 188,6
stigum í 190,1 stig, eða um aðeins
0,8% á heilu ári, og það m.a.s. á
gengisfellingarári.
í júlí tók síðan byggingarkostnað-
urinn á rás, hækkaði þá um 1,3%
milli mánaða. Og núna í ágúst hefur
hann aftur hækkað um 1,2% milli
mánaða. Byggingarvísitalan er nú
komin í 194,8 stig og hefur því
hækkað um 2,5% síðan í júní. Um-
reiknað til árs (þ.e. héldi samsvar-
andi hækkun áfram næstu tíu mán-
uðina) samsvarar hækkun síðustu
mánaða um 15—16% hækkunum á
heilu ári.
- HEI
STEFANJASONARSON kom á Laugardalsvöllinn í gærkvöldi eftír aö hafa lagt
hringveginn fótgangandi aö velli. Á Laugardalsvellinum fór fram opnunarhátíö Gym i Norden og
þar hélt Stefán eilitla hvatningarræðu fyrir hátíðargesti. Myndin er tekin af Stefáni viö Elliðaám-
ar ásamt hópi fólks sem gekk með honum síðasta spölinn. Tfmamynd Ami Bjama
Steingrímur J. Sigfússon
ræðír um hugsanlegt for-
mannsframboð:
Yrði erfitt
fyrir flokkinn
og gæti kost-
að átök
„Ég hef verið beðinn um að
bjóða mig fram í formanns-
embættið. Ég hef enga ákvörð-
un tekið ennþá og satt að segja
iangar mig ekkert mikið til að
veröa formaður," segir Stein-
grímur 1. Sigfússon en spumir
hafa verið uppi um hvort hann
ætli að bjóða sig fram í for-
mannsembætti f Alþýðubanda-
laginu á móti Ólafi Ragnari
Grímssyni. Framboðsfrestur-
ínn rennur út 7. september.
JÞað hefði ýmsa erfiðleika í
för með sér fyrir flokkinn ef ég
byði mig fram og gæti kostað
mikil átök. Mér þaetti erfitt að
taka við embættinu við slíkar
kringumstæður," segir Stein-
gn'mur. „Ég Ift á formanns-
hlutverkið sem skuldbindingu
og verulega fórn. Ég hef tekið
svo til orða að hlyti ég kosn-
ingu þyrfti að kveðja 8 ára
gamlan son minn og hitta
hann næst í fermingunni. Ég
hef verið í stjómmálum í 10 ár
og meirihiuta þess tíma hef ég
verið þingflokksformaður,
varaformaður og ráðherra og
veit því hvaða bindíng felst í
slfkum embættum."
Steingrímur er nú á ferð um
kjördæmi sitt, Norðurlands-
kjördæmi eystra, og segist
meðal annars vera að kanna
hug heimamanna til for-
mannskjörsins.
„Ég lft á stjómmálastörf sem
samfélagslegt verkefhi en ekki
einkaframtak og tel ógeðfellt
að svona stórar ákvarðanir séu
teknar af einum manrú. Því
ráðfæri ég mig við sem flesta/1
segir Steingrímur.
-GKG.
Ögmundur Jónasson, formaður BSRB, segir að tillaga heilbrigðisráðherra um tryggingagjald
vegna sjúkrahússkostnaðar sé alveg fráleit:
Hrein og klár eyðilegg*
ing á veHerðarkerfinu
„Mér finnst þessi tillaga um tryggingagjald vegna sjúkrahúskostn-
aðar alveg fráleit og hrein og klár eyðilegging á velferðarkerfinu.
Það er góðra gjalda vert að hafa kaskótryggingu fyrir bíla en ekki
fyrir fólk. Það er nokkuð sem þjóðin hefur hafnað hingað til og
vonandi verður svo áfram. Með þessari tillögu er verið að fara inn
á mjög svo varhugaverða braut sem er I algjörrí andstöðu við
markmið og tilgang velferðarkerfisins sem er samtrygging allra
þegna landsins," segir Ögmundur Jónasson, formaöur Bandalags
starfsmanna ríkis og bæja.
Að frumkvæði Guðmundar Ama
Stefánssonar heilbrigðis- og trygg-
ingaráðherra mun vera rætt um það
fullum fetum innan ríkisstjómar að
leggja á sérstakt tryggingargjald
vegna kostnaðar af innlögnum á
sjúkrahús sem ætlunin er að inn-
heimta í tekjuskattskerfinu. Sam-
kvæmt tillögunni mun þó verða
hægt að fá undanþágu frá þessum
skatti en þá verður viðkomandi að
greiða sérstakt innritunargjald þeg-
ar hann þarf að leggjast inn á
sjúkrahús sem yrði þá töluvert
hærri upphæð en sem nemur trygg-
ingarskattinum. Með þessum að-
göngumiða að sjúkrahússtofnun-
um, sem tryggingargjaldið óneitan-
lega er ef það verður að veruleika,
telur heilbrigðis- og tryggingaráðu-
neytið sig geta sparað allt að hálfum
miharði króna á næsta ári.
„I stað samtryggingar allra þegna
landsins í velferðarkerfinu sýnist
mér að þarna sé verið að fera þetta
yfír á einstaklingsgrundvöll og
þannig geta menn hugsanlega
sloppið við að greiða sitt til sam-
neyslunnar. Ég held að hættan við
þetta val sé sú að þeir efnaminni
muni sækja um undanþágu frá
greiðslu tryggingagjaldsins sökum
þess að þeir hafa ekki tök á því. Jafn-
framt munu þeir hinir sömu hafa
enn síður efni á því að greiða sér-
stakt innritunargjald þegar þeir
veikjast og þurfa að leggjast inn á
sjúkrahús."
Formaður BSRB segir að hugsan-
Iega muni þeir efnameiri einnig
veigra sér við að greiða tryggingar-
gjaldið vegna þess að þeir telji sig
hafa efni á að greiða innritunar-
gjaldið þegar þeir þurfa að Ieggjast
inn. Jafnframt muni þetta opna leið
fyrir kröfur um aðgreinda þjónustu
á sjúkrastofhunum eftir greiðslu-
getu viðkomandi sjúklings.
„Ég held að menn þurfí að skoða
það hvað muni gerast ef allir velja
þann kost að hafna þessari kaskó-
tryggingu. Ef svo verður þá standa
menn uppi með innritunargjald á
sjúkrastofrianir. Það er nokkuð sem
á ekki að líðast og ég tel þetta einnig
mjög svo varhugavert."
ögmundur Jónasson segist þó von-
ast eftir því að þeir sem vilji kenna
sig við jöfnuð og jafnaðarmanna-
stefnu muni ekki láta þessar tillögur
ná fram að ganga, þótt þær hafi ver-
ið settar fram í Hvítbók ríkisstjóm-
arinnar á sínum tíma. -gA