Tíminn - 23.04.1996, Blaðsíða 7
Þri&judagur 23. apríl 1996
7
UTLÖND
UTLOND
UTLÖND
UTLOND
UTLÖND
UTLÖND
UTLÖND
UTLÖND
Kosningarnar á Ítalíu:
Tímamótasigur
vinstrimanna
Sigur vinstrisinna I kosningunum
á Italíu um helgina marka tíma-
mót þar í landi þar sem óttinn viö
„rauðu hættuna" hefur komið í
veg fyrir það í um hálfa öld að
vinstri flokkar kæmust til valda.
Þegar sigurvíman rennur af
mönnum má þó búast við því að
sigurvegurunum muni reynast álíka
erfitt að stjórna landinu eins og
þeim hefur reynst að ná völdum
hingað til.
Olíuviðarhreyfingin, sem er
bandalag mið- og vinstriflokka,
hlaut 284 þingsæti í fulltrúadeild-
inni, Frelsisbandalag mið- og
hægriflokka hlaut 246 sæti, Norður-
bandalagið (sambandssinnar) hlaut
59 þingsæti og Kommúnistar 35
þingsæti. Aðrir flokkar fengu sam-
tals 6 sæti.
284 sæti Olíuviðarhreyfingarinn-
ar eru ekki nóg til þess að mynda
meirihluta í deildinni, þar sem
þingsætin em 630 alls, en með
stuðningi Kommúnista er meiri-
hlutinn kominn.
Olíuviðarhreyfingin hlaut enn-
fremur 157 sæti í öldungadeildinni
(eða 41,2%), Frelsisbandalagið 116
sæti (37,3%), Norðurbandalagið 27
þingsæti (10,4%), Kommúnistar 10
sæti (2,9%) og aðrir flokkar 5 sæti.
En alls eru 315 þingsæti í efri
deildinni, þannig að þar þarf einnig
að koma til samvinna við Komm-
únista.
Romano Prodi, leiðtogi Olíuvið-
arhreyfingarinnar, verður þar með
að öllum líkindum forsætisráðherra
á Ítalíu. Prodi er 56 ára hagfræði-
prófessor, yfirleitt kallaður bara
„prófessorinn", einkum þó af and-
stæðingum hans í Frelsisbandalag-
inu sem vilja með því gefa í skyn að
hann sé of litlaus og skorti þá
ákveðni sem þarf til að leiða ríkis-
stjórn á Ítalíu þar sem stjórnmál eru
vægast sagt stormasöm.
Það voru einkum tvær ástæður til
þess að Prodi vár valinn í leiðtoga-
starf Olíuviðarhreyfingarinnar.
Önnur var sú að hann er trúaður
maður með náin tengsl við fyrrver-
andi flokk Kristilegra demókrata, og
hefur þannig dregið til sín slatta af
kaþólskum kjósendum. Hin ástæð-
an er sú hversu mikils metinn hann
er í fjármálaheiminum þar sem
hann er einn virtasti hagfræðingur
landsins og að auki fyrrverandi
stjórnarformaður í stórfyrirtækinu
IRI.
Kommúnistar í
lykilstöðu
Úrslit kosninganna gera það að
verkum að flokkur ítalskra marx-
ista, Kommúnísk endurreisn, verð-
ur í lykilaðstöðu við stjórnarmynd-
un. Leiðtogar flokksins voru enda
ekki lengi að birta kröfur sínar um
verkefni nýja þingsins fyrstu 100
dagana.
Fausto Bertinotti, leiðtogi flokks-
ins, sagði að Olíuviðarhreyfingunni
hefði aldrei tekist að vinna þennan
sigur án aðstoðar kommúnista.
„Við gerum þá kröfu að fyrstu 100
dagar nýja löggjafarþingsins verði
einnig til marks um þessi tímamót
— aftur verði tekin upp vísitölu-
tengd laun og lífeyrisgreiðslur, ráð-
ist verði af öllu afli gegn atvinnu-
leysinu með styttingu vinnutímans
og umbótum í fjármálum," sagði
hann.
Flokkurinn var stofnaður árið
1991 af nokkrum harðlínumönn-
um þegar gamli Kommúnistaflokk-
urinn skipti um ímynd og varð
jafnaðarmannaflokkur. Á meðan
Olíuviðarhreyfingin hélt því fram í
kosningabaráttunni að ekki væri
skynsamlegt að lækka skatta svo
nefnu nemi þá lofuðu Kommúnist-
ar skattalækkunum, en að jafnframt
yrði skattbyrðinni dreift jafnar á
fólk. Kommúnistar hafa einnig bar-
ist fyrir öðrum breytingum á stjóm-
skipun landsins en Olíuviðarbanda-
lagið hefur bobað, róttækum laga-
breytingum sem m.a. fela í sér af-
nám lífstíðarfangelsis. -CB/Reuter
Romano Prodi, hagfrœöiprófessor-
inn sem vcentanlega veröur nœsti
forsœtisrábherra Ítalíu.
ERT ÞU AÐ TAPA
RÉTTINDUM?
Eftirtaldir lífeyrissjóðir Kafa sent sjóðfélögum
yfirlit um iðgjaldagreiðslu á árinu 1995:
Lífeyrissjóður Austurlands
L ífeyrissjóður framreiðslumanna
Lífeyrissjóðurinn Hlíf
Lífeyrissjóður Norðurlands
Lífeyrissjóður sjómanna
Lífeyrissj. verkafólks í Grindavík
Lífeyrissjóður Vestfirðinga
Lífeyrissjóður Vesturlands
Lífeyrissjóður Bolungarvíkur
Lífeyrissjóðurinn Framsýn
L ífeyrissjóður ma treiðslumanna
Lífeyrissjóður rafiðnaðarmanna
Lífeyrissjóður Suðurnesja
Lsj. verkalýðsfélaga á Suðurlandi
Lífeyrissjóður Vestmannaeyinga
Sameinaði lífeyrissjóðurinn
FAIR ÞU EKKI YFIRLIT
en dregið hefur verið af launum þínum í einn eða fleiri af ofangreindum lífeyris-
sjóðum, eða ef launaseðlum ber ekki sarrtan við yfirlitið, skalt þú hafa samband
við viðkomandi iífeyrissjóð hið allra fyrsta og eigi síðar en 1. maí nk.
Við vanskil á greiðslum iðgjalda í lífeyrissjóð
er hætta á að dýrmæt réttindi tapist.
Þar á meðal má nefna:
ELLILÍFEYRI MAKALÍFEYRI BARNALÍFEYRI ÖRORKULÍFEYRI
GÆTTU RETTAR ÞÍNS
í LÖGUM UM ÁBYRGÐASJÓÐ LAUNA SEGIR MEÐAL ANNARS:
Til þess að iðgjöld launþega njóti ábyrgðar ábyrgðasjóðs launa
vegna gjaldþrota, skulu launþegar innan 60 daga frá dagsetningu
yfirlits ganga úr skugga um skil vinnuveitenda til viðkomandi
lífeyrissjóðs. Séu vanskil á iðgjöldum skal launþegi innan sömu tíma-
marka leggja lífeyrissjóði til afrit launaseðla fyrir það tímabil, sem er
í vanskilum. Komi athugasemd ekki fram frá launþega er viðkomandi
lífeyrissjóður einungis ábyrgur fyrir réttindum á grundvelli iðgjalda
þessara að því marki sem þau fást greidd, enda hafi lífeyrissjóðnum
ekki verið kunnugt um iðgjaldakröfuna.