Tíminn - 22.05.1996, Blaðsíða 10
10
tMmi
Mi&vikudagur 22. maí 1996
HEJTA-
MOT
KARI
ARNORS-
SON
Svœbib á Hellu er einstakt til stórmótahalds, en dagana 4.-7. júlí 1996 fer fram Fjórbungsmót sunnlenskra hestamanna á Gaddstabaflötum vib Hellu.
Mennirnir á myndinni eru t.v. Kristinn Gubnason, form. framkvæmdastjórnar, og t.h. Fannar jónasson, framkvœmdastjóri mótsins. TímamyndGTK
Styrkleikinn svipaö-
ur og á landsmóti
Fjórðungsmótið á Gaddstaðaflöt-
um nálgast óðum. Byrjað er að
dæma kynbótahross í Kjalarnes-
þingi og er sá dómur jafnframt
forskoöun fyrir mótið. Þá eru úr-
tökur vegna gæðinga að hefjast
og ríður Fákur þar á vaðið.
Tíðindamaður HESTAMÓTA
hitti ab máii Kristin Guðnason,
formann framkvæmdanefndar
fjórðungsmótsins, og Fannar Jón-
asson sem er framkvæmdastjóri
mótsins. Þessir menn voru í for-
svari fyrir landsmótið 1994 og búa
því yfir góðri reynslu.
— Hvernig hefur undirbúningur
gengið fyrir mótið?
Fannar: Undirbúningur hefur
gengið vel. Það em 16 félög frá Ló-
magnúpi að Hvalfjarðarbotni sem
standa að þessu móti og kusu fram-
kvæmdanefnd til að vinna að
þessu. í reynd má tala um tvenns-
konar mót, þ.e. útihátíð fólksins
þar sem líta þarf í mörg horn svo
sem tjaldaðstöðu, veitingar, snyrti-
aðstöðu, veítingar, læknisþjónustu
o.s.frv., en hins vegar svo allt sem
lítur að hrossunum svo sem vallar-
gerð, aðstaða fyrir knapa og gæð-
inga, aðstaða fyrir stóðhesta og
fleira í þeim dúr. Fyrirkomulagiö
verður með svipuðu sniði og und-
angengin stórmót á Gaddstaðaflöt-
um, þ.e. fjórðungsmótið 1991 og
landsmótið 1994. Fyrir landsmótið
var aðstaðan bætt mjög mikið og
við búum aö því núna. M.a. þá var
komið upp litlum hólfum fyrir
keppnishrossin, þannig að knapar
gátu verið sér með sín hross og
jafnframt tjaldað á því svæði. Einn-
ig var komið upp sérstöku tjaldi
fyrir knapana og þeirra aðstoðar-
fólk. Fleiri breytingar voru gerðar
sem höfðu verulegan kostnað í för
með sér. Auðvitað settu eigendur
mótssvæðisins sig í1 talsverðar
skuldir við þessa uppbyggingu, því
hún kostaði gífurlega fjármuni. Það
eru félögin sem standa að Rangár-
bökkum s.f., ásamt Hestamannafé-
laginu Geysi hér í Rangárvalla-
sýslu, sem eiga þetta svæði. Þau
tóku mikla áhættu þegar út í þetta
var farið. En nú hefur tekist aö
grynnka á skuldum og leigan hefur
verulega lækkað. Ef ekki tekst að
reka þetta mót svo ab þab standi
undir sér, þá mæta staðareigendur
því með verulegri lækkun á leig-
unni. Við horfum mjög bjartsýnir
til þessa móts og gerum okkur von-
ir um að svari vel væntingum
fólks.
Allur undirbúningur er viö það
miðaöur að vel sé séð fyrir þörfum
áhorfenda, keppenda og hrossa.
Sjálfboðavinnan minnnkar
— Hvemig hefur gengið með félags-
lega samstarfið við undirbúninginn?
Kristinn: Það hefur allt gengið
vel, en það er áfram sú þróun sem
verið hefur undanfarin mót að
sjálfboðavinnan við þetta móta-
hald er á undanhaldi. Á fjórðungs-
mótinu 1991 vorum við með 25
vaktir á hvert félag og á landsmót-
inu vorum við með 15 vaktir, en
núna verða 10 vaktir á hvert félag.
Þetta þýðir að við verðum að kaupa
meiri vinnu og höfum boðið hana
út. Eins má segja með ferðahrossin,
þeim fækkar með hverju móti.
Girðing, sem við vorum með á
landsmótinu norðan við veginn
inn á mótið, var þá mjög lítið not-
uð og við verðum ekki með það
svæði núna. Girðingarnar, sem ver-
ið hafa fyrir keppnishross, verða
líka nýttar fyrir ferðahross eftir því
sem með þarf. Keppnismenn nota
þessa aðstöðu lítið. Þeir nota litlu
hólfin, sem Fannar minntist á, og
svo eru þeir með hross sín annars
staðar. Með því að aðstaða fyrir
ferðahrossin sé komin inn á svæðið
þá fer allt, sem mótinu viðkemur
nema útreiðartúrinn, í Gunnars-
holt.
Sala inn á mótið verður þannig
að seldur verður pakki sem inni-
heldur alla mótsdaga og allt sem
fram fer, þar með taldir dansleikir.
Verðið er óbreytt frá því sem var
fyrir tveimur árum, kr. 5000 fyrir
allt mótið. Síðan fer miðaverðið
lækkandi eftir því sem líður á mót-
ið. Sé pantað fyrir stóra hópa, 25
manns eða fleiri, þá verður veittur
afsláttur. Varðandi fólk í hópferð-
um, sem er að skoða landið á veg-
um ferðaskrifstofa og vill sjá þenn-
an einstaka atburð, hestamót, þá
verður rútum hleypt inn á svæðiö
fyrir ákveðið gjald í ákveðinn tíma
og eftirlitsmaður fer með þeim inn
á svæðið. Ferðaskrifstofurnar verða
ábyrgar fyrir því að allir skili sér til
baka, því ef einhvern vantar þá
verður viðkomandi skrifstofa að
greiða fyrir hann fullt gjald. Slíka
þjónustu verður að panta með góð-
um fyrirvara.
Styrkleikinn á landsmótskvarba
— Svo við víkjum að hrossunum.
Hvað haldið þið um styrkleika þessa
móts?
Kristinn: Þetta verður mjög
sterkt mót og gefur landsmóti lítið
eftir hvað það snertir. Kynbótaþátt-
urinn veröur firnasterkur, það höf-
um vib þegar séb á þeim hrossum
sem komu fram á Stóðhestastöð-
inni og á sýningum í Reiðhöllinni.
Varðandi styrkleika gæðinganna þá
vitum vib að mikið af bestu geld-
ingunum frá fyrri mótum hafa ver-
ið seldir úr landi, en það hafa alltaf
komið nýir glæsihestar í skarðið.
Um þá veit maður minna og það er
spennandi að sjá þar nýjar stjörn-
ur. Metnaður knapanna er mikill
og við vitum af reynslunni að
leynivopnin eru víða. En svo
þekkjum við þá breytingu, sem
oröið hefur undanfarin ár, að stóð-
hestum fjölgar sífellt í gæðinga-
keppni. Það má búast við því að
þeir verði áberandi núna. Helst
hefði ég viljað sjá sérstakan flokk
fyrir stóðhesta í gæðingakeppni.
Það hefði sko orðið veisla í lagi.
Kannski verður þróunin sú. Kyn-
bótahross hafa á undangengnum
mótum unnið gæbingakeppni og
má þar nefna Dimmu á landsmót-
inu á Vindheimamelum og Orra á
síðasta landsmóti.
Þá koma fram sterk afkvæma-
hross, bæði hryssur og stóðhestar,
þar á meðal sá hestur sem hefur
hæst kynbótamat í dag, 136 stig.
Það er Orri frá Þúfu, sem nú keppir
til 1. verðlauna fyrir afkvæmi, að-
eins 10 vetra. Þá keppir Angi frá
Laugarvatni til heiðursverðlauna
fyrir afkvæmi, en hann hefur næst
flest kynbótastig, 134. Angi er 14
vetra.
Mikill áhugi virðist vera fyrir
ræktunarbússýningum og ætlunin
er að gefa bæði afkvæmahópum og
ræktunarbúshópum rýmri tíma en
verið hefur. Skráningu á ræktunar-
bússýningu þarf að tilkynna til
framkvæmdastjórnar fyrir 10. júní.
Skrá þarf fimm hross til sýningar
og tvö til vara.
Dæmt eftir nýju kerfi
Nú verður dæmt eftir nýju kerfi í
gæðingadómum þar sem verða
fimm hestar samtímis inni á vellin-
um í forkeppninni. Þetta sparar
mikinn tíma, auk þess sem mun
skemmtilegra er fyrir áhorfendur
að fylgjast með þessum þætti móts-
ins en verið hefur. Þetta kemur sér
vel, því nú bætist nýr flokkur við,
sem er ungmennaflokkur. Millirið-
illinn verður svo á laugardeginum
og fær rúman tíma. Föstudagurinn
er hins vegar fyrst og fremst ætlað-
ur kynbótasýningunum og út úr
honum geta menn fengið mjög
mikið. Þá fara yfirlitssýningarnar
fram og öll kynbótahrossin fá þar
sín tækifæri. Þá er opinn dómur,
en eftir þá sýningu verða einkunnir
ekki hreyfðar. Daginn eftir verður
því hægt að gefa út vandaða dóma-
skrá með endanlegum einkunnum.
Á laugardeginum koma aðeins
fram þau kynbótahross sem hljóta
verðlaun.
í kynbótadómi eru líka breytt
kerfi varðandi dóma, þar sem hver
dómari dæmir fyrir sig og meðaltal
ræður einkunn. Þetta er í fyrsta
sinn sem slíkt verður reynt á stór-
móti. Varðandi yfirlitssýninguna,
þá verða knapar aö sýna allar gang-
tegundir sem hrossið býr yfir, en
geta ekki leyft sér að ríða bara eina
gangtegund sem verið er að reyna
að hækka í einkunn. Fyrir þá sem
hafa áhuga fyrir ræktunarstarfinu,
og þeir eru gríðarmargir, þá er
þetta einstakur dagur.
Skemmtiefni heimafengið
— 5vo vikið sé að kvöídunum,
Fannar.
Fannar: Á föstudags- og laugar-
dagskvöld verðum við með dans-
leiki í tjaldi á svæðinu og fyrir
dansi leikur hljómsveit Geirmund-
ar. Á laugardagskvöldið verður dag-
skrá auk úrslita í töltkeppninni.
Um dagskrána sér einn þekktasti
skemmtikraftur á Suðurlandi, Her-
mann Árnason á Heiði. Efnið verð-
ur heimafengið. Töltkeppnin er
auðvitað opin fyrir alla og þátt-
tökuréttur miðast við 80 punkta.
Við vonumst eftir góðri þátttöku
utan af landi og vitum reyndar að
þegar er farið að þjálfa stíft fyrir
jressa keppni. 100 punkta markið
er þegar farib að falla, hvað þá þeg-
ar nálgast mót.
Til afþreyingar má líka nefna út-
reiðartúrinn á föstudagskvöldið
sem alltaf hefur verið vinsæll.
— Hefur eitthvað heyrst um komu
útlendinga á mótið?
Fannar: Það er kannski erfitt ab
gera sér fyllilega grein fyrir því, en
eftir þeim upplýsingum sem við
höfum, m.a. úr ferðabransanum,
þá virðist verulegur áhugi fyrir
þessu móti. Það sótti okkur heim
mikill fjöldi erlendra gesta á lands-
mótið, svo margt að þá var slegið
met í fjölda ferðamanna til íslands.
Það er enginn atburður á íslandi
sem dregur til sín jafnmargt fólk
eins og samkomur hestamanna.
Það er engin breyting á því á þessu
ári. Við sáum það í vor á Stóðhesta-
stöðinni og á þeim sýningum sem
verið hafa í Reiðhöllinni í vor.
Varðandi þjónustu við útlend-
ingana, þá verðum við með útvarp
á svæðinu á tveimur tungumálum
og það höfum vib auglýst erlendis.
Þetta gafst mjög vel á landsmótinu
og þeir kunnu að meta það. Einnig
vonumst við til þess að hestasíða
Tímans birti útdrætti á ensku og
þýsku eins og á landsmótinu, en
fyrir það var mótsstjórnin mjög
þakklát. Við erum í samstarfi við
Flugleiðir, sem auglýsa mótið fyrir
okkur, og þeir munu væntanlega
bjóða sína þekktu helgarpakka í
sambandi við mótið.
Samningar hafa verið gerðir við
Sælkerann á Selfossi um veitinga-
sölu. Þeir eru mjög góðir fagmenn
og hægt verður ab selja mat á hag-
stæðu verði. Það sýndu þeir á
landsmótinu. Rétt er að minna á
það að það er mjög stutt í alla
þjónustu á Hellu, bæði sundlaug
og verslanir, apótek og heilsugæsla,
svo það er eins hagstætt og getur
verið. Fjölskyldur eiga því að geta
dvalið á mótsstað og notið allrar al-
mennrar þjónustu.
Hvítasunnumót
Fáks 23.-27. maí 1996
Fimmtudagur 23. maí
Kl. 17.00 B-flokkur, forkeppni, 3 inná í einu í röð skv. skrá, Hvammsvöllur.
Kl. 19.00 A-flokkur, forkeppni, 3 inná í einu í röð skv. skrá, Hvammsvöllur.
Föstudagur 24. maí
Kl. 16.00 B-flokkur, 20 efstu úr forkeppni fulldæmdir, Hvammsvöllur.
KI. 17.00 Ungmenni fulldæmd, Hvammsvöllur.
Kl. 19.00 A-flokkur, 20 efstu úr forkeppni fulldæmdir, Hvammsvöllur.
Laugardagur 25. maí
Kl. 10.00 Barnaflokkur, fulldæmd, Hvammsvöllur.
Kl. 11.30 Unglingaflokkur, fulldæmd, Hvammsvöllur.
Kl. 13.00 Yfirlitssýning kynbótahrossa, abalvöllur.
Ki. 15.00 Kappreiðar, 150 m skeib, fyrri sprettur, aðalvöllur.
Kappreiðar, 300 m brokk, aðalvöllur.
Kappreiðar, 150 m skeiö, seinni sprettur.
Kl. 18.00 Tölt, 2 inná í einu skv. skrá, Asavöllur.
Eftir töltkeppni, úrslit 8-10, Asavöllur.
Mánudagur 27. maí — aðalvöllur
Kl. 11.50 Ávarp formanns.
Kl. 12.00 Ungmenni, úrslit 1-8.
Kl. 12.45 B-flokkur, úrslit 1-8.
Kl. 13.30 Unglingaflokkur, 1-8.
Kl. 14.15 A-flokkur, úrslit, 1-8.
Kl. 15.00 Börn, úrslit, 1-8.
Kl. 15.45 Tölt 1-5+1, úrslit.
Kl. 16.15 Verðlaunaafhending kynbótahrossa.
Kl. 17.15 Kappreiðar, 250 m skeið, fyrri sprettur.
Kappreiðar, 350 m stökk, fyrri sprettur.
Kappreiðar, 800 m kerrubrokk.
Kappreiðar, 250 m skeið, seinni sprettur.
Kappreiðar, 350 m stökk, seinni sprettur.