Tíminn - 06.06.1996, Blaðsíða 3

Fimmtudagur 6. júní 1996
3
Áhersla á styttri vinnutíma og fullvinnslu á sem flestum svibum, til ab bœta lífskjör. ASÍ:
Varar við vinnuþrælkun
og auknu álagi á fólk
Grétar Þorsteinsson, forseti
ASÍ, leggur áherslu á styttingu
vinnutíma þar sem því verður
við komið og fullvinnslu sjáv-
arafurða og raunar á sem flest-
um sviðum, til að bæta lífs-
kjör launafólks til samræmis
við það sem tíðkast meðal
launafólks á öðrum Norður-
löndum.
Hann varar hinsvegar við
vinnuþrælkun og óeðlilegu
álagi á launafólk til að auka
framleiðni í atvinnulífinu. Þar
fyrir utan sé það ekki ásættanleg
þróun, sem átt hefur sér stað á
sumum vinnustöðum, þar sem
launafólk hefur orðið fyrir
tekjutapi vegna styttri vinnu-
viku, þrátt fyrir ab afköstin hafi
allt að því verib hin sömu. í
þeim efnum hlýtur launáfólk að
fá í sinn hlut það „sem eðlilegt
er í þessu samhengi".
Forseti ASÍ sagbi í gær að þótt
ekki hefði gefist tækifæri til að
fara ofan í saumana á skýrslu
Þjóöhagsstofnunar um saman-
burð lífskjara hérlendis og í
Danmörku, þá sýnist honum að
niðurstaða Þjóðhagsstofnunar
sé í aðalatriðum í takt við það
sem fram hefur komið í þeim at-
hugunum, sem flest landssam-
bönd innan ASÍ hafa ábur gert í
þessum samanburbi við Dani.
„Það er fyrst og fremst vinnu-
tíminn sem skilur þama á
milli," segir Grétar og bendir á
að íslenskt launafólk þarf að
vinna dagvinnu í 15 mánuði til
að bera hliðstætt úr býtum og
Danir fá á 12 mánuðum. Af
þeim sökum sé það eitt brýnasta
verkefnið að reyna að stytta
vinnutíma íslensks launafólks
þar sem því verður við komið,
auka fullvinnslu sjávarafurða og
raunar á sem flestum sviðum.
Hann segir að helsta ástæðan
fyrir því hvernig lífskjömm er
háttað hérlendis í samanburði
t.d. við Dani, sé m.a. vegna
frumframleiöslu sjávarafurða í
stað fullvinnslu. Hinsvegar séu
mörg teikn á lofti um það á síð-
ustu misserum aö það eigi sér
stað einhver breyting í þessum
efnum til meiri fullvinnslu og
verðmætari afurða en verið hef-
ur.
í sambandi við framleiðnina,
sem sögð er lítil í samanburði
við það sem gengur og gerist t.d.
í Danmörku, bendir forseti ASÍ
m.a. á þá staðreynd að íslenskt
launafólk er vel samkeppnis-
hæft við launafólk í nágranna-
löndunum og þar á meðal í
Danmörku. Þarlendis sé t.d. ís-
lenskt launafólk eftirsóttur
starfskraftur, eins og dæmin
hafa sannað, og því sé ekki við
það að sakast eitt og sér, þótt
framleiðnin sé ekki meiri í at-
vinnulífinu. -grh
Borgarráb:
Styrkir Hjálp-
arsveit skáta
Borgarráö hefur samþykkt að
styrkja Hjálparsveit skáta í
Reykjavík um 12 milljónir
króna á fjórum árum vegna
byggingar á húsnæbi vib Mal-
arhöfba 6.
Fyrsti hluti styrksins, kr. þrjár
milljónir, verður greiddur á
þessu ári og síðan þrjár milljón-
ir á ári næstu þrjú árin.
-GBK
Einstefna á
Laufásvegi
Borgarráð hefur samþykkt að
komið verði á einstefnu til suð-
urs á Laufásvegi á milli Skál-
holtsstígs og Skothúsvegar.
Breytingin er gerð vegna óska
íbúa í hverfinu, sem lögðu fram
undirskriftalista þar sem farið er
fram á einstefnu á þessum veg-
arkafla.
-GBK
íslenska kvennahlaupib á íslandi, Kos, Norburlönd-
um, í Bandaríkjunum og í Namibíu:
Hlaupa, skokka
eða ganga saman
Þann 16. júní mun líklega
fjöldi kvenna um allt land
koma saman og hlaupa,
skokka, eba ganga í hópum í
tilefni af sjöunda Kvenna-
hlaupi ÍSÍ. Hlaupib verbur í
Garðabæ og á 82 stöðum víðs
vegar um landiö. Að sögn
Helgu Guðmundsdóttur,
framkvæmdastjóra Kvenna-
hlaupsins, verður einnig
hlaupib víða erlendis, t.d. eru
fjórar konur búnar ab skrá sig
til hlaups á grísku eyjunni
Kos, 80 konur í Namibíu, bæði
íslenskar og innfæddar, einn-
ig á Norðurlöndunum, Maj-
orca og Bandaríkjunum.
Aðspurð um hví þetta hlaup
er svo vinsælt hjá konum, en
15.015 konur hlupu í fyrra,
kvab Helga erfitt að skýra það,
„en það verður einhver sérstök
upplifun hjá konum þegar þær
koma svona margar saman.
Þetta er eitthvaö sem þær eiga.
Það myndast svo sterk sam-
kennd."
Stefnt er að því að 18.000
konur taki þátt að þessu sinni
og því hefur auglýsingaherferð
verið hrundib af stað í sjón-
varpi, útvarpi, plakötum, blöb-
um og á veltiskiltum. Sjóvá-Al-
mennar eru aðalstyrktaraðili
Kvennahlaupsins auk Mjólkur-
samsölunnar.
Forskráning í hlaupið hefst
föstudaginn 7. júní á nokkrum
stöðum á Stór-Reykjavíkursvæð-
inu og á 82 stöðum um landið.
Hægt er að skrá sig til þátttöku
þar til hlaupið hefst þann 16. og
fá allir þátttakendur bol og
verðlaunapening gegn 550 kr.
þátttökugjaldi. A baki bolanna
er mynd af valkyrju á hlaupum
yfir landið, en bolirnir eru
dökkbláir á lit meb ljósgulum
stöfum. LÓA
Flugmálastjórn vibrar hagstœba framþróun greinar-
innar á árinu 7 995:
Flugið a
Nánast allar tölur um flug og
flugstarfsemi á íslandi fljúga
hratt upp á við, samkvæmt
upplýsingum frá Flugmála-
stjóm. Vöxtur flugsins virðist
jafn og góður.
Dæmi um þetta er að í fyrra
fjölgaði millilandafarþegum á
íslenskum áætlunarflugvöllum
um 10% og vantaði abeins 164
farþega til að þeir næbu
700.000. Af þessum fjölda var
rétt rúmlega fjórðungurinn án-
ingarfarþegar á Keflavíkurflug-
velli.
Þróunin er hröð í farþega-
flutningum. Sem dæmi um það
má nefna að síðastliðin fimm ár
hefur farþegum í millilandaflugi
á Keflavíkurflugvelli fjölgað um
7% að mebaltali. Verði svo
áfram, mun farþegatalan tvö-
faldast eftir 14 ár og Leifsstöð þá
væntanlega endanlega spmngin
uppleið
undan farþegastraumnum.
Sama sagan er af vöm- og
póstflutningum milli landa. Þeir
jukust í fyrra um 13%, námu alls
rétt um 20 þúsund tonnum.
Farþegar í innanlandsflugi
vom í fyrra 377 þúsund talsins,
4% fleiri en árið á undan. Á
þessu sviði keppir flugiö við
stórbættar samgöngur á landi,
betri vegi og fleiri ökutæki. Far-
þegum fjölgaði engu að síður á
öllum helstu áætlunarflugvöll-
um landsins nema einum, Vest-
mannaeyjum, þar sem Herjólfur
er keppinautur flugsins.
En einnig varð vart við fækk-
un. Það var umferðin um ís-
lenska úthafsflugstjórnarsvæð-
ib. Þar fóm um 66.292 flugvélar,
herflug var um 10% af þeirri
umferð. Fækkun vélanna var um
3% miðað við árið áður.
-JBP
Dilkakjöt er nú orbib illfáanleg afurb, a.m.k. sé þvíslátrab í réttum sláturhúsum.
Kúafárib í Bretlandi hefur þau áhrif ab fyrirspurnir berast til íslands
um útflutning á lambakjöti:
Ekkert kjöt til í landinu
sem uppfyllir skilyröin
Matvælafyrirtækiö Meistar-
inn hefur fengiö fyrirspurnir
erlendis frá þar sem óskað er
eftir 30-60 tonnum af óunn-
um lambaskrokkum. Þessi
markaður virðist opnast í
kjölfar kúafársins í Bret-
landi, en almenningur þar
hefur stórminnkað neyslu á
nautakjöti eftir að getgátur
komu upp um að ákveðin
tengsl gætu reynst milli kú-
ariðu og Creutzfeld-Jakob
sjúkdómsins. Erindinu verð-
ur sennilega ekki hægt að
sinna, þar sem ekkert kjöt
virbist til í landinu sem upp-
fyllir staðla Evrópumarkað-
ar.
Meistarinn hefur auglýst eft-
ir 30-60 tonnum af lambakjöti
án þess að nokkur viðbrögð
hafi fengist. Kjötið verður að
koma frá sláturhúsum sem
hafa vottun fyrir Evrópumark-
ab, en aðeins þrjú hús upp-
fylla þá staðla: sláturhús KASK,
KÞ Húsavík og sláturhúsið á
Hvammstanga. Kjötumboðið
kaupir allt kjöt af þeim, en þar
á bæ er ekkert kjöt til, að sögn
Atla Sigurðssonar, markaðs-
stjóra Meistarans. „Við aug-
lýstum aðallega til að kanna
hvort einhverjir aðilar hefðu
keypt af umboðinu vottað
kjöt, en það hafa engin við-
brögð borist. Sennilega er ekk-
ert kjöt til."
Kjötumbobið er eini aðilinn
sem hefur selt vottað lamba-
kjöt á Evrópumarkað til þessa.
Atli segir að það skjóti skökku
við, ef ekki sé hægt ab flytja út
kjöt til Bretlands á meðan of-
framleiðsla sé á lambakjöti.
„Það verður eitthvab að gera.
Annað hvort þarf að slátra
meira í þeim húsum, sem þeg-
ar hafa vottun, eba fjölga þess-
um húsum. Hib síöarnefnda
væri náttúrlega það besta."
Atli segir hryggilegt ef ekki
verður hægt að nýta þetta
tækifæri. Þeir hafi ætlað að
senda mann utan til ab sýna
skuröinn á kjötinu og kenna
útlendingunum úrbeiningu.
Tryggt hafi verið að stabib yrði
við greibslur og verðið verið
mjög viðunandi, hærra en það
sem hefur fengist fyrir kjöt á
Evrópumarkaði til þessa.
„Maður hélt að hér væri til
nóg af kjöti, en það er greini-
lega eitthvað að í skipulaginu.
Við verðum að taka til hjá
okkur og endurskoða kerfið.
Af hverju ættum við ekki ab
geta flutt út kjöt eins og fisk,
jafn bragðgott og lambakjötið
þykir?
Mun betra en nýsjálenska
lambakjötið sem veður yfir
allt," sagði Atli Sigurðsson,
markabsstjóri Meistarans, í
samtali við Tímann í gær.
-BÞ