Tíminn - 08.06.1996, Blaðsíða 5

Laugardagur 8. júní 1996
5
Magnús Stefánsson:
Góöur árangur hjá stjómarflokkunum
í liðinni viku lauk 120. löggjafarþing
störfum á Alþingi og hefur því verið frest-
að til hausts. Forseti íslands, frú Vigdís
Finnbogadóttir, frestaði þinginu og vann
hún þar með sitt síðasta embættisverk
sem forseti. Ég vil taka undir þakkir, sem
forseti Alþingis færði frú Vigdísi Finn-
bogadóttur við þetta tækifæri, fyrir sam-
starf við hana og fyrir hennar störf í þágu
lands og þjóðar og farsælan feril í emb-
ætti forseta íslands.
Svikin loforb?
Við þessi tímamót, þegar þingstörfum
er lokið að sinni, er ekki úr vegi að líta
um öxl og fara yfir nokkur mál sem tengj-
ast þinghaldi vetrarins. Eins og lesendur
muna eflaust, lagði Framsóknarflokkur-
inn fram skýr og skilgreind stefnumið
fyrir síðustu alþingiskosningar. Þessi
stefnumið féllu í góðan jarðveg hjá kjós-
endum og náði flokkurinn mjög góðum
árangri í kosningunum og í kjölfarið
fylgdi aö Framsóknarflokkur gerðist aðili
að ríkisstjórn. Stefnumiðin komust vel til
skila í stefnuyfirlýsingu ríkisstjórnarinn-
ar og við teljum að „fingraför" framsókn-
armanna séu mjög skýr í þeirri stefnu rík-
isstjórnarinnar sem þar kemur fram.
Stjórnarandstaðan hefur hvab eftir
annað á liðnu ári haldið uppi þeim mál-
flutningi að Framsóknarflokkurinn sé
markvisst að svíkja sín kosningaloforð og
þar meb að svíkja sína kjósendur. Það hef-
ur verið ákveðin lífsreynsla að sitja undir
þessum áróðri, sérstaklega vegna þess aö
framsóknarmenn eru staðráðnir í að
vinna að því ab fylgja stefnumiöunum
eftir og uppfylla þau. Þessi málflutningur
hefur komið fram í umræðum um hin
ýmsu mál, sem mörg hver miba þrátt fyr-
ir allt að því ab uppfylla þau stefnumið
sem flokkurinn hefur haldib á lofti.
Reynslan eftir þingstörfin í vetur og
góðan árangur stjórnarflokkanna í þing-
inu sýnir glöggt að þessi málflutningur
stjórnarandstöðunnar er algerlega innan-
tómur og á ekki við rök að styðjast.
Reyndar er það svo að mér þykir stjórnar-
andstaðan harla aumkunarverð vegna
þessa málflutnings, þegar litið er til baka
og mat á þab lagt hvað stjórnarflokkarnir
hafa afkastað miklu á því ári sem liðiö er
frá kosningum.
Framsækln ríkisstjórn
Það er einnig rétt að rifja það upp að
stjórnarandstæðingar héldu því mjög á
lofti á síðasta ári að þessi ríkisstjórn væri
til þess stofnuð ab halda kyrrstöbu á öll-
um sviðum, hamla gegn framförum og
gera þjóðinni óbærilegt að lifa og starfa í
okkar ágæta landi. Þegar litið er til baka
og rifjað upp hvað Alþingi hefur afgreitt
mörg mál, sem miða að framförum og
breytingum á hinum ýmsu sviðum í
þjóðfélaginu, þá fer ekki hjá því að þessi
málflutningur virki broslegur og ég spyr
sjálfan mig að því, hvers konar hugar-
ástandi skyldu þessir menn hafa verið í
þegar þessar yfirlýsingar komu fram.
Sem svar við því tel ég að Alþýðuflokk-
urinn hafi þjáðst af fráhvarfseinkennum
eftir að hafa verið í ríkisstjórnum allt of
lengi og staðib í þeirri trú að að engir aðr-
ir geti gert gagn í þjóðfélaginu en þeir;
reyndar tel ég að kratar þjáist enn af
þessu hugarástandi. Hinir stjórnarand-
stöðuflokkarnir hafa þjáðst af því að
þurfa enn einu sinni ab sitja í stjórnar-
andstöðu og því verið argir og fúlir yfir
hlutskipti sínu.
Ég er sannfærður um að þegar kjósend-
ur munu næst ganga að
kjörborðinu og dæma
núverandi ríkisstjórnar-
flokka af verkum sín-
um, þá munu þeir kom-
ast ab raun um að
stefnumið Framsóknar-
flokksins hafi þrátt fyrir
allt verið rauiihæf og
þau hafi í flestum þátt-
um gengið eftir.
Úrelt leikaðferð stjórnar-
andstöðunnar
Þinghaldið í vetur hefur mótast mjög af
því að stjórnarflokkarnir hafa verið að
vinna mörgum en erfiðum málum braut-
argengi, m.a. til aö uppfylla markmið
sem komu fram í stefnuyfirlýsingu ríkis-
stjórnarinnar. Mörg þessara mála hafa
mætt gagnrýni og athugasemdum jafnt
innan þings sem úti í þjóðfélaginu. Það
hefur vakið athygli mína hvernig stjórn-
arandstaðan hefur beitt sér í þessum mál-
um í þinginu. Að mínu mati hefur hún
beitt leikaðferðum sem eru úreltar og
ekki til þess fallnar að ná árangri, hvorki
gegn stjórnarflokkunum né gagnvart
fólkinu í landinu.
Ég styrktist mjög í þessari trú minni
þegar Kristinn H. Gunnarsson, þingmað-
ur Alþýðubandalagsins, kom fram á sjón-
arsviðið fyrir stuttu og gagnrýndi stjórn-
arandstöðuna fyrir sín vinnubrögð í
þinginu. Ég held að það heyri sögunni til
að stjórnarandstaðan nái árangri með því
til dæmis að beita málþófi, eins og gert
var í umræðum um nokkur mál í vor. Þá
röðuðu þingmenn stjórnarandstöðu-
flokkanna sér á mælendaskrá og höfðu
þau fyrirmæli að tala sem allra lengst til
ab freista þess að koma í veg fyrir af-
greiðslu mála.
Ég tel að eftir að Sjónvarpið hóf beinar
útsendingar frá þingfundum, þá virki
þessi leikaðferð neikvætt gagnvart þjóð-
inni. Einnig kemur þetta í veg fyrir eðli-
leg og nauðsynleg skoðanaskipti þing-
manna um viðkomandi mál, áheyrendur
missa þráðinn í umræðunni, þingmenn
fara út um víðan vöil í ræbum sínum og
ræða fjölmargt sem ekkert kemur við-
komandi máli við. Þar að auki halda
stjórnarþingmenn að sér höndum til þess
að taka ekki þátt í að lengja umræðutíma
meira en nauðsynlegt er.
Á síðasta degi þinghaldsins gaf Hjör-
leifur Guttormsson þjóbinni sýnishorn af
þeirri aðferðafræði, sem Alþýðubandalag-
ib hefur haldiö á lofti, með ógnarlöngum
málflutningi um mál sem lengi hefur ver-
ið í meðförum Alþingis, og þab skilaði
ekki öðrum árangri en
að tefja störf þingsins.
Síðustu skoðanakann-
anir um fylgi flokkanna
styrkja þessa skoðun
mína, þar sem athygli
vekur að stjórnarand-
stöðuflokkarnir hafa
ekki aukið fylgi sitt með
þeirri aðferðafræði sem
þeir hafa beitt. Þvert á
móti virðist þjóðin sammála þeim að-
gerðum sem stjórnarflokkarnir standa
fyrir og miða að breytingum og framþró-
un á hinum ýmsu sviðum.
Stóryrtir andstæðingar
Það hefur löngum fylgt stjórnmálum
að menn hafi uppi stór orð um andstæð-
inga sína og noti hvert tækifæri til þess
að berja á þeim. Þetta hefur verið raunin
á liðnu ári og við framsóknarmenn höf-
um ekki farið varhluta af því. Hvað þetta
varðar er mér efst í huga hvernig stjórnar-
andstaban og einstaka forystumenn úr
verkalýðshreyfingunni hafa komið fram í
tengslum við endurskoðun á lögum frá
árinu 1938 um stéttarfélög og vinnudeil-
ur, hina svonefndu vinnulöggjöf. Sá mál-
flutningur hefur öðru fremur einkennst
af sleggjudómum og fúkyrðum, en nauð-
synleg málefnaleg umræða um málið
hefur því miður fallið í skuggann.
Það var eitt af stefnumiðum Framsókn-
arflokksins fyrir síðustu kosningar að
þessi löggjöf skyldi tekin til endurskoð-
unar. Nú er því verkefni lokiö, en mikil |
andstaða kom fram gegn málinu og voru 1
höfð um þaö mörg stór orb. Þessi um-
ræða er að mestu gengin yfir nú, en það
vakti sérstaka athygli mína að umræðan
fór óvænt inn á nýjan vettvang um síð-
ustu helgi, þegar formaöur Farmanna- og
fiskimannasambandsins misnotaði að-
stöðu sína á grófan hátt ab mínu mati, og
réðst ómaklega og á ómerkilegan hátt á
félagsmálaráðherra og Framsóknarflokk-
inn í hátíðarræðu á sjómannadaginn við
höfnina í Reykjavík. Slík vinnubrögð og
framkoma þessa forystumanns sjó-
mannastéttar á hátíðardegi sjómanna eru
að mínu mati ódrengileg og ekki til þess
fallin að auka hans virðingu.
✓
Arangursríkt stjórnar
samstarf
Meginniðurstaða min eftlr þinghaldib
á liðnu ári er sú, ab við séum að gera
marga góða hluti, verulegur árangur er að
nást á ýmsum sviöum og þab kemur
þjóðinni allri til góba þegar fram í sækir.
Samstarf stjórnarflokkanna hefur gengið
vel, það einkennist af því að foyrstumenn
flokkanna vinna saman með trúnaði og
gagnkvæmu trausti, án þess að halda
flugeidasýningar með fjölmiðlafári út af
hverju máli, eins og einkenndi störf síð-
ustu ríkisstjórnar. Ef menn bera gæfu til
þess að vinna þannig áfram og án þess að
sýna hver öbrum yfirgang og undirferli,
þá er víst að þessi ríkisstjórn mun ná
verulegum árangri og hennar verður síð-
ar meir minnst fyrir það að hafa staðiö að
nauösynlegum breytingum og framþró-
un á hinum ýmsu sviðum.
Það mun einnig undirstrika það að
stjórnarandstaöan skaut sig illilega í fót-
inn á sl. ári meb yfirlýsingum um þab
hve vond ríkisstjórn væri við völd og aö
til hennar hefði verið stofnað til þess að
halda kyrrstöðu og til að stöðva framþró-
un þjóðarinnar.
Eitt allra mikilvægasta verkefni ríkis-
stjórnarflokkanna á næstu misserum og
árum verður að stöbva hallarekstur ríkis-
sjóðs og leggja þannig grunn að efna-
hagslegri hagsæld þjóðarinnar. Þetta er
erfitt verkefni, sem mun reyna mjög á
stjórnarflokkana, en ég er sannfærður um
að við munum standast þær raunir. Einn-
ig verður að halda áfram markvissum að-
gerðum til þess ab efla atvinnulífið og
fjölga störfum. Þjóbhagsspár sýna að ef
stjórnarflokkunum tekst að ná þeim
markinibum, sem sett hafa verið, þá
munu verða verulegar framfarir í efna-
hags- og atvinnulífi þjóðarinnar. Þar með
mun Framsóknarflokkurinn með abild ab
ríkisstjórninni standa viö þau stefnumið
sem flokkurinn setti fram fyrir síðustu
kosningar.
Höfundur er alþingisma&ur.
ÆUk Menn
1 málefni