Tíminn - 27.07.1996, Blaðsíða 1

Tíminn - 27.07.1996, Blaðsíða 1
Ekki er nákvcemlega vitab hvenœrþessi mynd var tekin, en trúlega á sjötta áratugnum þegar síldarœvintýrib stób sem hœst á Siglufirbi. Á myndinni eru konur („stúlkur") vib söltun, en marg- ar minningar eru tengdar þessu gullaldartímabili ííslenskri atvinnusögu. Nú hafa Siglfirbingar tekib söguna íþjónustu ferbamála og gert Siglufjörb ab sérstókum ferbamannabœ. Síldarœvintýrib á Siglufiröi: Gullaldarstemmning ryrri ára Siglufjörður og síld tengjast í hugum margra — einkum fólks sem komiö er á mibjan aldur og man þá tíö þegar Siglufjörb- ur var einn abal síldarbær landsins og þungamibjan í því atvinnulífi sem byggbist á silfri hafsins. Seint á sjöunda ára- tugnum hætti síld úr norsk-ís- lenska stofninum ab veibast og lagbist þessi atvinnuvegur þá af ab mestu. Þetta þýddi mikla blóötöku fyr- ir Siglufjörö, eins og aðra bæi sem byggt höfðu afkomu sína að miklu leyti á þessum veiðum. Langan tíma tók að koma at- vinnulífi bæjarins í viðunandi horf að nýju. Þótt á Siglufirði sé nú nokkuð blómleg atvinnustarf- semi, er það með öðrum hætti en þegar síldin flæddi þar um bryggjur og plön. Siglfirðingar minnast þó þessa tíma með virðingu og fyrir nokkrum árum var ákveðið að endurvekja ímynd þeirra sem lið í vaxandi ferðaþjónustu í bæn- um. Er það vel til fundið, þar sem Siglufjörður er ákveðin endastöð í þjóðvegakerflnu, þannig að fólk fer ekki í gegnum bæinn á lengri leið og verður því að eiga nokk- urt erindi til þess að leggja leið sína þangað. Þannig varð síldar- ævintýrið á Siglufirði til, sem nú verður haldið í sjötta sinn. Að þessu sinni ætla Siglfirðingar að vera með söltun í gangi allan daginn á laugardag og sunnudag um verslunarmannahelgina, en hingað til hefur aðeins verið efnt til söltunar á ákveðnum tímum. Að undanförnu hefur verið unn- ið að uppbyggingu sérstaks síld- arminjasafns á Siglufirði og á svæði safnsins er góð aðstaða til söltunar. Theodór Júlíusson leik- ari er einn af upphafsmönnum síldarævintýrisins, en hann er Siglfirðingur að ætt og uppruna. Hann hefur einnig haft umsjón með framkvæmd þess, sem bygg- ist ab mestu á heimafólki sem bregður sér í gervi fimmta og sjötta áratugarins yfir þessa helgi. Mikið er lagt upp úr því að bær- inn breyti um svip þessa daga og taki á sig mynd þess síldarbæjar sem margir eiga í minningum sínum. En það er ekki eingöngu síldar- söltun sem ferðamönnum er boðið að sækja til Sigluf jarðar um verslunarmannahelgina. Einnig verður efnt til margvíslegra skemmtiatriða, auk þess sem dansað verður á stóru sviði sem komið verður upp á Ráðhústorgi bæjarins. Tónlistin verður í takt við síldarárin og þá stemmningu sem þá ríkti, því um 20 manna sveit harmonikuleikara, sem flestir eiga heima á Siglufirði, mun sjá um tónlistarflutning. Margt annað verður til skemmtunar á Siglufirði um þessa verslunarmannahelgi og má þar meðal annars nefna tí- volí, Fílapenslana og Spaugstof- una, sem koma munu þangað til þess að skemmta gesrum. Einnig verður boðið upp á ýmiskonar útiveru og má nefna dorgveiði, gönguferðir með leiðsögn um nesið, bátsferðir, hestaleigu og sjósleðaleigu (jet-sky) í því sam- bandi. Menning og listir gleymast heldur ekki á Siglufirbi um kom- andi verslunarmannahelgi, því Birgir Schiöth myndlistarmaður mun opna myndlistarsýningu, Leikfélag Siglufjarðar skemmta gestum, Kvennakór Siglufjarðar halda tónleika og fjöllistarflokkur Engin vímuefni á Galtalæk og Hellnum Ymis hefbbundin mót verba haldin um verslunarmanna- helgina. Þar á mebal rhá nefna Bindindismótib í Galtalækjar- skógi og einnig Snæfellsásmótib ab Hellnum á Snæfellsnesi. Þessi mót eru sitt meb hvorum hætti, en byggja engu ab síbur bæbi á mannrækt sem ákvebnu gildi. Þótt mótin séu ólík ab allri gerb og innihaldi, eiga þau þó eitt sameiginlegt, en þab er ab mót- iiiuim er ætlab ab vera án alla vímuefna. A Bindindismótinu í Galta- lækjarskógi hefur ávallt verið lögð áhersla á fjölskyldulíf án vímugjafa. Til mótsins var stofnað á sínum tíma meðal annars til þess að fá þangað fólk og halda því frá áfengi, sem ver- ið hefur áberandi á ýmsum úti- hátíðum í gegnum tíðina. í Galtalæk verða hefðbundin há- tíðarhöld að þessu sinni. Til ný- breytni má þó telja að nýlega kjörinn forseti íslands, Ólafur Ragnar Grímsson, og Guðrún K. Þorbergsdóttir, kona hans, munu heiðra mótið með komu sinni, en Ólafur hefur þá tekið við embættinu og mun þetta verða fyrsta heimsókn hans sem forseta íslands. Snæfellsásmótið byggist á hugsuninni um vináttu, gleði og frið og verður aðalmarkmið þess að þessu sinni að kynna folki leiðir til eigin sjálfsræktar og persónulegrar leitar að aukn- um þroska. Boðið verður upp á margvís- lega viðburði að Hellnum þessa daga og stendur dagskrá móts- ins frá því á morgnana og langt fram á kvöld. Meðal þess, sem fram fer, má nefna námskeið í umbreytingar- dansi, grasaferðir, heilunarvígsl- ur, svitahof, skyggnilýsingar, umfjöllun um áruliti og einnig verður fjallað um geimverur og nýja heimsmynd mannsins. Þá verða í bobi ævintýraferðir fyrir börn. -M mun skemmta með margvísleg- um brögbum fjöllistarinnar. Dansleikir verða á sínum stað á Siglufirði og kallast þeir síldar- og landleguböll, eins og tíðkaðist á síldarárunum, og verður dansað á Ráðhústorgi, Hótel Læk og í Bíó- salnum. Auk harmonikusveitar heimamanna munu Gautar, sem lengi voru ein af þekktustu dans- hljómsveitum á Norðurlandi, og Miðaldamenn sjá um fjörið. Venja hefur verið að efna til sérstakrar gubsþjónustu í Hvann- eyrarskál fyrir ofan Siglufjörð á sunnudagsmorgni og verður hún á sínum venjulega stað og tíma. Munu hestamenn ríða í skálina í broddi fylkingar, eins og á und- anförnum árum. Messan hefur þótt sérstök og margir heima- og ferðamenn komib í skálina til þess ab hlýða á guðsþjónustu við þessar aðstæður. Allt að 900 manns munu hafa komið í Hvanneyrarskál, sem áður var sungið um sem stað fyrir ástir og ævintýr, til þessa guðsþjónustu- halds á síðasta ári. Á þeim sex árum, sem síldar- ævintýrið á Siglufirði hefur verið haldið um verslunarmannahelg- ina, hefur það náð að skipa sér á bekk með stórum útihátíðum hér á landi, í krafti sérstöðu sinnar. Síldarævintýrið virðist því komið til með að vera fastur liður í lífi Siglfirðinga og halda uppi minn- ingu mikillar „gullaldarstemmn- ingar" hér á landi fyrr á árum. -ÞI

x

Tíminn

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Tíminn
https://timarit.is/publication/50

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.