Réttur - 01.10.1929, Blaðsíða 108
316 NÝ ÓFRIÐARBLIKA [Rjettur
tíska þýðingu. Stórveldin, einkum Bandaríkin, skildu
þetta ofurvel og fundu, að hér var mikill ljóður á
þeirra ráði. Því var það, að þau réru að því öllum ár-
um að koma af stað deilunni milli Kína og Ráðstjórn-
ar-Rússlands, og þegar deilan hafði tekið á sig ískyggi-
lega mynd, koma Bandaríkin full hræsni og þykjast
ætla að »sætta« þá, sem hlut eiga að máli. Allir munu
skilja, hvernig sú »sætt« yrði, er gerðardómur auð-
valdsins gerði. Ráðstjórnin sá, hvar fiskur lá undir
steini og hafnaði algerlega »sáttatilboði« auðvaldsins.
En Nankingstjórnin er auðvitað fús til að leggja deil-
una í gerð auðvaldsins. Hún veit fyrirfram, hvernig
sú gerð yrði: að austur-kínverska járnbrautin, sem er
eina járnbrautin, sem erlent auðvald hefir enn ekki
getað klófest í Kína, myndi ganga í greipar þess.
En afskifti Bandaríkja-auðvaldsins hefir vakið tölu-
verðan kurr í Mandsjúríu, sem skilur fullvel, að með
því er »sjálfstæði« hennar gagnvart Nankingstjórninni
og húsbændum hennar úr sögunni. Og loks lítur Japan
aðgerðir Bandaríkjanna illu auga, því að forræði þess
í Mandsjúríu er með því hætta búin. Af þessu er ljóst,
að járnbrautardeila Kína og Ráðstjórnar-Rússlands
hefir dýpkað mótsetningar stórveldanna í Kína og
aukið enn meir pólitíska kreppu landsins. Deilur hers-
höfðingjanna hafa magnast mikið upp á síðkastið, ný
borgarastyrjöld er í aðsigi. Og á meðal lýðsins, verka-
manna og bænda, er hin mesta ólga. Fregnir frá Kína
herma, að í suðurhéruðum landsins sé 10000 manna
her, hungraðra bænda, sem eru undir forustu komm-
únistískra bændaforingja. Þeir eru lítt búnir að vopn-
um og klæðum, en hafa samt sem áður boðið byrgin
liðsveitum Nankingstjórnarinnar. Andi byltingarinnar
lifir ennþá meðal hins vinnandi lýðs í Kína, þrátt fyr-
ir þær dýrslegu ofsóknir, er hann hefir orðið fyrir.
Það þai'l'. því engum að koma á óvart, þótt þau tíðindi
yrðu í Kína, er koma auðvaldsheiminum á annan end-