Réttur - 01.10.1929, Blaðsíða 112
320
GASTONIA-MÁLIÐ
[Rjettui'
um sínum á hendur verkalýðnum. Auk sinna venju-
legu leiguþræla, verkfallsbrjóta og annars skríls, hef-
ir það einkalögreglu sína og ríkislögregluna og ríkis-
herinn á takteinum, ef á þarf að halda, en illræmdasta
verkfæri þess er þó glæpamannafjelagið »Ku Klux
Klan«.*
Nokkrum dögum síðar rjeðust vopnaðir leigusnat-
ar auðfjelaganna á hús A. V. S. Eyðilögðu þeir matar-
birgðir,. er ætlaðar voru verkamönnum, brutu alla inn-
anstokksmuni og sprengdu síðan húsið í loft upp. Er
lögreglan var beðin aðstoðar til að finna illræðismenn-
ina, lýsti hún því yfir, að ógerningur væri að finna þá,
enda þótt hvert mannsbarn í Gastonia vissi að árás
þessi hafði verið gerð að undirlagi auðhringsins Man-
ville Jenckes & Co. Þrátt fyrir allar þessar aðfarir,
lagði A. S. V. ekki árar í bát, heldur hófst handa á ný
til að útvega verkfallsmönnum og fjölskyldum þeirra
föt og fæði. En atvinnurekendur Ijetu heldur ekki við
svo búið sitja.
Hinn 7. júní síðastl. rjeðist svo lögreglusveit, undir
forustu lögreglustjórans Aderholts á tjaldbúðir verka-
manna. Reyndu verkamenn að verja íbúðir sínar og
fjölskyldur fyrir ofbeldi árásamianna. Urðu risking-
ar talsverðar og var skotið af beggja hálfu. í viður-
eign þessari særðist lögreglustjórinn af skoti og ljest
nokkrum dögum síðar af afleiðingum þess. Enn er ó-
upplýst hver skotið hafi á lögreglustjórann, og eins
miklar líkur til að það hafi verið óhappaskot frá einum
* Ku Klux Klan er leynifjelag, sem þykist berjast fyrir mót-
mælenda-trú, hreinum »amerikanisma« og atvinnufrelsi. Birt-
ist starfsemi þess aðallega í ofsóknum gegn negrum, katólsk-
um mönnum og útlendingum en þó sjerstaklega kommúnistum
og öllum þeim, er fylgja svo »ó-amerískum« hugmyndum sem
Darwinskenningu, Marxisma eða öðru slíku. Eru fanta-að-
ferðir fjelags þessa mjög í samræmi við vitsmunastig það, er
hugmyndir þess bera vott um að það stendur á.