Réttur - 01.06.1943, Side 8

84
RÉTTUR
Áróður íslenzkra iasista íyrir að gera ísland að amerískri herstöð
En einmitt þegar líf eða dauði þjóðarinnar getur oltið á því að
þjóðareining um algerlega sjálfstæða utanríkispólitík geti skapazt,
og þegar frelsi hennar áreiðanlega er undir slíkri virkri einingu
komið, þá byrjar hér samtímis á tveim stöðum, í tveim flokkum
og í tveim blöðum hamslaus áróður fyrir raunverulegri innlimun Is-
lands í hernaðarkerfi Bandaríkjanna.
Meðan íslenzka þjóðin hefur í höndum sínum hátíðlega yfirlýs-
ingu Roosevelts forseta, — sem þjóðin treystir, um að allur herinn
fari héðan á brott að stríðinu loknu, — meðan þjóðin ennfremur
hefur sams konar opinbert fyrirheit frá Churchill, sem hún einnig
treystir, — þá veður Jónas Jónsson fram á ritvöllinn í „Degi“ og
býður, verandi formaður næststærsta stjórnmálaflokksins á Islandi,
Bandaríkjunum herstöðvar hér að stríðinu loknu, „móti hernaðar-
hættu frá meginlandi Evrópu.“
Og ekki tekur betra við, þegar litið er til eins dagblaðs stærsta
stjórnmálaflokksins á landinu, dagblaðsins Vísis, og ber alveg sér-
staklega að athuga undir hvaða kringumstæðum það blað gefur
yfirlýsingar sínar.
íslenzka þjóðin hefur nú veigameiri yfirlýsingar til þess að
byggja algert sjálfstæði sitt á en nokkurn tíma fyrr: 1) Atlantshafs-
yfirlýsingu Churchills og Roosevelts um sjálfsákvörðunarrétt þjóð-
anna, — 2) Viðurkenningu bæði Breta og Bandaríkjanna á ís-
landi sem frjálsu og fullvalda ríki, — 3) Ýtarlegri viðurkenningu
á frelsi hafanna eftir þessa styrjöld en áður hefur fengizt, — 4)
Sérstaka viðurkenningu Bandaríkjastjórnar á íslandi sem lýðveldi,
ef þjóðin komi því á eftir árið 1943.
Og þvert ofan í allar þessar yfirlýsingar og í algerri mótsögn við
ræðu Wallace varaforseta gegn heimsvaldastefnu ameríska aftur-
haldsins og kröfum þess um áhrifasvæði, — kemur svo dagblaðið
„Vísir“ — aðal fylgisblað núverandi stjórnar á íslandi, og segir:
„ísland liggur fyrst og fremst á áhrifasvæði liins enskumælandi heims“....
Þó „hér búi norræn þjóð, sem lotið hefur kúgunarvaldi frændþjóða sinna“
.... þá „réttlætir það á engan hátt að landið sé talið með Norðurlöndum*4