Réttur - 01.11.1965, Blaðsíða 103
RÉTTUR
311
og andlýðræði í skólum sínum!“ Hópur fasista var skipaður mönn-
um úr íhaldsfélögum stúdenta, nasistafélögunum og fyrrverandi
gestapómönnum — félagsmönnum úr hinum nýnasíska „Austur-
ríska frelsisflokki.“
Þetta var ekki fyrsta tilraun þeirra til hermdarverka. Haustið
1961 gerðu þeir vopnaða árás á þinghúsið. Yfirvöldin sýndu þá
mikla linkind og dæmdu glæpamennina aðeins í 10 mánaða fangelsi.
Þeir voru ekki fyrr sloppnir út en þeir hófu hermdarverk á ný.
31. maí í ár réðust þeir á hópgönguna vopnaðir stálrörum og öðr-
um bareflum og öskruðu: „Leng.i lifi Auschwitz!" Þá myrtu þeir
Ernst Kirchweger.
Ernst Kirchweger var fæddur í Vín 12. janúar 1898. Hann var
upprunninn í verkalýðsstéttinni og helgaði henni krafta sína. Innan
við tvítugt gekk hann í æskulýðssamtök sósíaldemókrata og síðar í
flokk þeirra. Herskyldutímann var hann í flotanum og hann var í
hópi þeirra byltingarsinnuðu sjóliða sem drógu rauða fánann að
hún 1916, og sendu út ávarpið: Hættum slátruninni! Frelsi og
bræðralag!
Er fyrri heimsstyrjöldinni lauk gerðist hann strax virkur i verka-
lýðshreyfingunni og varð félagsmaður í Schutzbund, varnarsam-
tökum verkalýðsstéttarinnar í Austurríki. Hann gekk í Kommúnista-
flokk Austurríkis á febrúardögunum þegar Dolfuss-stjórnin, með
fulltingi ítalskra fasista, hóf árásirnar gegn verkalýðshreyfingunni
og hægri sósíaldemókrataforingjarnir sviku. Hann var einn af þeim
fyrstu sem skipulagði neðanjarðarstarfsemi verkalýðshreyfingar-
innar við hinar nýju aðstæður, gaf út leyniblað og sá um safnanir
fyrir fjölskyldur þeirra sem höfðu orðið fórnarlömb febrúaratburð-
anna. Á hernámsárum nazista var íbúð Kirchwegers ein af mið-
stöðvum andspyrnuhreyfingarinnar. Eftir að sovétherinn frelsaði
Austurríki undan nasismanum 1945 lagði hann fram alla krafta
sína til að byggja upp nýtt og frjálst Austurríki.
Ernst Kirchweger var sjálfmenntaður maður og lét aldrei hjá líða
að auka menntun sína og miðla öðrum. Hann varð athafnasamur
forstjóri stórrar bókaútgáfu og þreyttist aldrei á að endurtaka, að
það þyrfti að fræða og aftur að fræða alþýðuna, og þó einkum unga
fólkið, því að þá myndi það skilja hlutina.
Fregnin um þetta svívirðilega morð á þessum 67 ára aldraða
kommúnista flaug um allt landið. Jarðarför hans var fjölmenn mót-
mælaganga andfasista, þátttakendur yfir 20 þúsund — verkamenn,
ráðherrar, kommúnistar, sósíalistar og kaþólskir. Ræðumenn lögðu