Réttur - 01.10.1934, Page 32

anna, urðu verkfræöingar, urðu vísindamenn. Eftir
kenningu Marx, undir forustu Lenins og Stalins, fann
verkalýðurinn leiðina út úr myrkrum vanþekkingar
inn í fegurð þekkingar, út úr þjáningum til vellíðan-
ar, úr vonleysi til stórra drauma. í ljósi þessara stað-
reynda skiljum við tign og fögnuð verkalýðsins þenn-
an dag. Nú skiljum við, hvers vegna verkalýðurinn
ber mynd af kolanámumanninum Isotoff ásamt mynd-
um af Stalin og Vorosjiloff. Kolavinnslan er önnur
höfuðlífæð nýbyggingarinnar. — Um kolavinnsluna
stendur aðal kappið, með gangi hennar fylgist hvert
mannsbarn í Ráðstjórnarríkjunum. Hraðinn í fram-
kvæmd 2. áætlunarinnar byggist á henni. Isotoff er
þar aðalhetjan. Hann er udarnik, hann skipar því sæti
með foringja kommúnistaflokksins og foringja Rauða
hersins. Tign og fögnuður rússneska verkalýðsins á
sér grundvöll í veruleikanum. Hann hefir eignazt
hvorttveggja með sigrum sínum og hinum sameigin-
legu sigrum. Stórfelldast af öllum hinum sameiginlegu
sigrum er 5-ára-áætlunin í einu hugtaki, hún er hið
tignarlega, sameiginlega afrek allrar þjóðarinnar,
samnefnari óendanlega margra sigra. Tákn þeirra vit-
um við í raforkuverinu mikla, Dnjeprostroi, í málm-
bræðslustöðinni, Magnitogorsk, í Hvítahafsskurðinum,
í Tsjeljuskinleiðangrinum, í bryndrekunum, er hjuggu
Rauða torgið, í f.lugvélunum, er svifu yfir Moskva.
Til allra þessara barna 5-ára-áætlunarinnar ber verka-
lýðurinn ótakmarkað traust, þau veit hann, að eru
hans eigin sköpunarverk. Með fyrstu 5-ára-áætlun-
inni tileinkaði hann sér vísindi framleiðslunnar og
komst fram úr flestum þjóðum. Og í öruggri sigur-
vissu finnur hann, hvernig önnur 5-ára-áætlunin verð-
ur leikur í höndum hans. Þess vegna kætist hann í
dag, á sigurhátíð sinni, yfir unnum og óunnum sigr-
um. Hann fagnar yfir því, að sjá allt rísa, vaxa og
gróa umhverfis sig og í sjálfum sér. Og leiftrið í aug-
unum stafar af því, er hann horfir inn í birtu fram-
128