Réttur - 01.05.1937, Qupperneq 4

inn, sem bezt studdi verkamenn og smábændur í hinni
löngu og erfiðu Borðeyrardeilu. Það var hann, sem
árum saman barðist fyrir hækkun og samræmingu
kaupgjalds við vegagerðir ríkissjóðs. Kommúnista-
flokkurinn hafði alla tíð forustu fyrir sjómönnum í
hinni áralöngu baráttu þeirra fyrir lágmarkstrygg-
ingum á síldveiðum og vann í því máli stóran sigur s.l.
sumar. Hann hóf baráttu fyrir auknu öryggi og bætt-
um vinnuskilyrðum við höfnina í Reykjavík, og átta
stunda vinnudegi þar. Hann veitti verkamönnum allt
lið er hann mátti í Novudeilunni. Hann studdi járn-
smiðina í hinni löngu baráttu þeirra. Flokkurinn hafði
forgöngu um stofnun Pöntunarfélags verkamanna í
Reykjavík.
Seint og snemma hefir það verið æðsta boðorð
flokksins að skipuleggja allt vinnandi fólk til baráttu
fyrir hagsmunum sínum, efla varnir þess fyrir árásum
á lífskjörin, treysta raðir þess og brýna vopn þess í
sókn gegn afturhaldinu. — I stuttu máli: Kommún-
istaflokkurinn hefir verið djarfasti og árvakrasti for-
ustuflokkur alþýðunnar undanfarin sex ár. Hann hef-
ir skipulagt baráttu hennar, og unnið með henni f jölda
sigra. Og aleinn hefir hann unnið hana til fylgis við
ýms þau verkefni, sem nú er mest barizt um í þessum
kosningum, svo sem uppgjör Kveldúlfs og að hreinsað
sé til í stjórn Landsbankans. — Að launum hefir
flokkurinn hlotið óskorað traust alls hins stéttvísasta
hluta verkalýðsins og millistéttanna, og á nú að baki
sér öruggt kjörfylgi 4—5 þúsund alþingiskjósenda.
En saman við hina farsælu baráttusögu Kommún-
istaflokksins rennur önnur saga. Það er sorgarsagan
um afstöðu sumra Alþýðuflokksforingjanna til ýmsra
þeirra nauðsynjamála, sem alþýðan hefir borið fram
til sigurs undir forustu kommúnista. Stundum glott-
andi afskiptaleysi, eins og t. d. í árásum heildsalanna
á Pöntunarfélag verkamanna, Borðeyrardeilunni,
84