Réttur - 01.05.1937, Blaðsíða 31

hinir flokkarnir að koma fram með sínar tillögur um
það sem þeir tel.ja hinu vinnandi fólki mestar hags-
bætur, áður en sezt er á rökstóla um málið. Engin
skynsamleg löggjöf um þetta, og engin vinstrilöggjöf
um neitt, og engin vinstripólitík yfirleitt er hugsan-
leg í landinu ef samvinnan milli vinstriflokkanna
verður rofin. Verði samvinnan rofin, eigum við ekki
nema eitt í vændum að ári, og það er tukthússlöggjöf,
þrælalög og þegnskylduvinna frá íhaldinu.
Almenningur í landinu heimtar vinstripólitík,
stjórnarstefnu sem miðast við almenningshagsmuni.
En fyrst og fremst heimta kjósendur vinstri flokk-
anna af fulltrúum sínum að þeir reki vinstripólitík.
Vinstrikjósendur í landinu vita, að án samvinnu
vinstriflokkanna er ekki hægt að reka vinstripólitík
í landinu. Samvinnuslit vinstriflokkanna eru svik við
vinstrikjósendur í landinu: samvinnuslit vinstriflokk-
anna þýðir hægripólitík, þýðir auðvaldspólitík, pólitík
í þágu sérstéttanna, pólitík á móti alþýðu í landinu,
móti bændum, móti verkamönnum, móti æskulýðnum.
Að rjúfa samvinnu nú og gera næstu kosningar að
áhættuspili milli vinstriflokkanna, það er opinber til-
raun til að afhenda íhaldinu stjórn landsins og fjár-
magn þjóðarinnar, selja land og lýð í hendur örþrota
og ábyrgðarlausri sérhagsmunastefnu. Á þessum al-
varlegu tímum þegar fasisminn er yfirvofandi, þá er
ekki hægt að kalla slíka pólitík heimsku, heldur vit-
firringu.
Ég skora á alla einlæga vinstrimenn í landinu að
láta ekki niður falla þær umræður sem þeir hafa þeg-
ar hafið meðal sín í ýmsum áttum, um hverra ráða
skuli neytt til að koma í veg fyrir að nokkurt vinstra-
atkvæði fari í súginn í væntanlegum alþingiskosning-
um í vor.
111