Réttur - 01.04.1938, Page 64

fyrir byltingarsinnaðri kreppu hljóta því að skipast
með miklu meiri hraða en áður.
Valdhafarnir berjast með öllum ráðum gegn þess-
ari hættu, sem þeir sjá að vofir yfir. Þeim hefir tekizt
að fá leiðtoga japönsku sósíaldemokratanna á sitt
band (Shaikai Taishuto). Hinsvegar grípa þeir til
fjöldafangelsana á öllu „grunsamlegu“ fólki. En
þetta sýnir aðeins það, hve mikið hrunið er þegar orð-
ið, eftir að stríðið hefir aðeins staðið í eitt ár.
(í greininni er einkum stuðst við próf. E. Varga:
Stríðið í Kína og atvinnuvegir Japana. — Höf).
Björn Franzson. / ,
VIÐSJA.
Styrjöldin á Spáni.
Á meðan Halifax lávarður var að semja við naz-
istana þýzku, á meðan fulltrúar ensku íhaldsstjórn-
arinnar voru að semja við Mussolini, að því fram-
teknu sem ófrávíkjanlegu skilyrði, að allir hermanna-
og hergagnaflutningar fasista til Spánar yrðu stöðva
ir, meðan á samningunum stæði — hjeldu þeir Hitler
og Mussolini áfram að senda þangað hermenn og her-
gögn, eins og ekkert hefði í skorizt, og aldrei m^eira en
þá, og enska íhaldsstjórnin heldur áfram að semja
við þessa heiðursmenn eins og ekkert hefði í skorizt.
Og á meðan þessu fer fram, sökkva þýzkar og ítalsk-
ar flugvélar einu brezku skipinu eftir annað við Spán-
arstrendur, lemstra og drepa enska sjómenn, brezka
ríkisborgara. En hið volduga brezka heimsríki lætur
svo sem ekki bjóða sér allt. Öðru hvoru sendir það
herstjórninni í Salamanca bljúgmál og framúrskar-
andi kurteisleg ,,mótmæli“. Mótmæli verða það að vera,
því að eitthvert tillit verður að taka til þess all-fjöl-
menna hóps manna, sem nefndir eru enskir kjósend-
ur og fá ekki skilið, að voldugasta heimsveldið þurfi
96