Réttur - 01.09.1938, Blaðsíða 32

á mjög háu stigi, Þjóðverjar hafa því ekki einungis losn-
að við hættulega og nálæga fjandmenn, heldur fengið
ógrynni af hráefnum til hergagnaiðnaðar og verksmiðj-
ur af ýmsu tagi. Ennfremur er nú leiðin að olíulindum
Rúmeníu opin.
Kitað í nóvember 1938.
Skúli Þórðarson.
Amxna mín.
Það var haust,
og biðukollan grúfði sig,
gráhærð og auðmjúk,
í gulbleikri hánni.
Það var haust.
Fjöll hafði ég farið,
og förin var heitin til þín.
Ég kom til að kveðja þig,
til að kveðja þig, amma mín.
Svo dvaldi ég hjá þér eitt dægur
og draumana mína þér sagði
og áform mín öll.
Með ellinnar barnslegu auðmýkt
og ástúð, þú hönd þína lagðir
á mína, og sagðir:
„Guð blessi, drengur minn,
áform þín öll“.
Svo blánaði af degi,
og burtfararstundin
var björt og heið.
Til ferðar ég bjó mig
og fólkið kvaddi.
Þú fylgdir mér aðeins á leið.
200