Réttur - 01.01.1968, Qupperneq 61

svæfa stolt sitt, eyðileggja manngildi sitt.
— En jafnframt þessum vandamálum má
ekki gleyma að stór hluti verkalýðs háþró-
aðra iðnaðarlanda býr við fátækt, (t.d. fjórð-
ungur íbúa U.S.A) og svertingjaóeirðirnar í
Bandaríkjunum sýna að þetta fólk er ekki
aðeins hugsanlegt, heldur og raunverulegt
byltingarafl gegn auðvaldsskipulaginu nú
þegar.
EINING
STRÍÐANDI
ALÞYÐU HEIMS
Það er hið mikla vandamál í stjórnlist
alþýðuhreyfingarinnar í heiminum að skapa
samstöðu milli verkalýðs háþróaðra auðvalds-
landa annarsvegar og hins sífjölgandi aragrúa
bláfátæks og kúgaðs alþýðufólks hins þriðja
heims.
Það er greinilegt að þrátt fyrir gífurlegan
aðstöðumun þá eiga þessar alþýðustéttir all-
ar samleið í baráttunni gegn auðvaldi stór-
iðjulandanna og imperialisma þess. Alþýða
þróunarlandanna heyr baráttuna við dauð-
ann af völdum þessa auðvalds hvern dag,
jafnt þar sem „friður" kúgunarinnar og
kirkjugarðsins ríkir sem í Vietnam þar sem
honum er spúð úr drápstækjum stríðsgróða-
mannanna dag hvern. Og verkalýður stór-
iðjulandanna stendur í návígi gagnvart því
auðvaldi, sem gemr í ofstæki sínu og vitstola
drottnunaræði þurrkað út mannlífið á jörð-
unni í eitt skipti fyrir öll í atomstríði.
Framtíð lífsins á jörðunni, framtíð þess-
ara alþýðustétta er undir því komin að þær
taki höndum saman um að svipta auðvalds-
stéttir veraldarinnar völdum. Það er svo ann-
að vandamál sem ei verður rætt hér að sam-
stilla þessa baráttu alþýðunnar í auðvalds-
og þróunarlöndum baráttu hinna sósíalistísku
ríkja, þess þriðjungs heims, sem því miður
er nú innbyrðis sundurþykkur.
Vandamálin eru því vissulega mörg og
erfið, en öflin, sem hag hafa af róttækri
lausn þeirra, eru nú orðin svo voldug og
sterk um alla jarðarkringluna að sigur þeirra
er öruggur, hvenær sem þau sameinast, — ef
mannkynið á annað borð kemst lifandi út úr
hættulegustu kreppu lífs síns á jörðunni.
E. O.
(Við samningu þessarar greinar er
stuðst við heimildir úr World Marxist
Review, skýrslu FAO (matvælastofn-
unar Sameinuðu þjóðanna) og Formne,
bandaríska viðskiptatímaritinu. Enn
fremur eru sumpart hagnýttar og rædd-
ar skoðanir, er fram koma í þessum
greinum: Ib Nörlund: „Myten om
„kampen mellem rige og fattige nati-
oner"", í „Tiden", 2. hefti 1968. —
Paul M. Sweezy: Marx and theProle-
tariat, Monthly Review, desemberhefti
1967).
61