Réttur - 01.04.1973, Síða 3

KVEÐJA
Sigurður Guðmundsson
ritstjóri
Sigurður Guðmundsson, ritstjóri Þjóðviljans i
þrjá áratugi, andaðist 11. april 1973 sextugur að
aldri. Hans merka og mikla brautryðjendastarfs fyrir
Þjóðviljann og sósialisma á islandi var minnzt
rækilega og vel i Þjóðviljanum 19. april og skal
ekki endurtekið hér.
En Sigurður Guðmundsson var lika ritstjóri Rétt-
ar um skeið, árin 1943 og 1944. Það var eftir lifs-
kjarabyltinguna 1942, hina miklu sigra Sósialista-
flokksins og verklýðshreyfingarinnar í skæruhern-
aðinum og tvennum alþingiskosningum. Gunnar
Benediktsson, sem verið hafði þá ritstjóri Réttar
1941—42 og einnig gefið út Nýtt Dagblað hafði
haldið í austurveg — til Hveragerðis — eftir þau
afrek, er hann hafði unnið í þjónustu hreyfingar-
innar.
Sigurður tók nú við Rétti og hóf þegar að gera
á honum miklar og góðar breytingar að frágangi
og skrifum og fékk nýja krafta til samstarfs, svo
greinilegt var að Réttur myndi verða bæði fjöl-
breyttara og sókndjarfara i höndum hans. En starfs-
krafta og starfshæfni Sigurðar var og krafizt
annarsstaðar. Eftir að hafa verið blaðamaður við
Þjóðviljann frá ársbyrjun 1937, var þess nú óskað
af miðstjórn flokksins 1943 að hann tæki að sér
ritstjórn Þjóðviljans. Til lengdar varð báðum þess-
um ritstjórnarstörfum ekki sinnt og helgaði Sig-
urður þvi starf sitt fyrst og fremst Þjóðviljanum
eftir 1944.
En hvatning sú, sem hann sendi þeirri kynslóð,
er þá var að vaxa upp eftir umbyltinguna 1942,
á ef til vill enn meira erindi til þeirrar kynslóðar,
er nú vex úr grasi, og sú leiftrandi bjartsýni, sem
þá bjó í orðum hans, á máske meiri rétt á sér nú.
En hún er um leið fagurt dæmi um þær miklu
vonir, sem sósialistar gerðu sér 1943, er þetta
var skrifað, — vonir, sem þó munu um siðir ræt-
ast, þó eigi hafi orðið eins fljótt og hinn bjartsýni
brautryðjandi trúði.
Látum því eftirfarandi kafla úr grein Sigurðar
„Sigurhorfur" í Rétti 1943 verða kveðju hins gamla
ritstjóra Réttar og hvatningu til lesenda hans nú
og æskunnar framar öllu:
67