Réttur - 01.07.1974, Page 1

iffiur
57. árgangur
1974 — 3. hefti
Það brakar í innviðum auðvaldsheimsins. Ótta hefur slegið á valdhafa hans.
Djúp kreppa er í aðsigi, dýpri en nokkru sinni síðan 1929. Ríkiskanslari
Vesturþýskalands ræðir þegar um hættu á heimskreppu á við þá, sem skók
auðvaldsþjóðfélögin fyrir fjörutíu árum. Drottinvaldi dollarans yfir efnahags-
lífi „hins vestræna heims" er lokið. Vesturþýskir valdhafar fá þegar að
heyra það í breskum borgarablöðum að þeir hagi sér sem herraþjóð Efna-
hagsbandalagsins. Italía engist þegar sundur og saman í efnahagskreppunni.
England er í upplausnarástandi. Danmörk uppsker nú ægilegt atvinnuleysi,
ávöxt inngöngu í Efnahagsbandalagið. — Áróður skamsýnna auðvaldserind-
reka á Islandi um hinn stórfenglega 200 miljóna íbúa markað í V.-Evrópu,
er þagnaður í bili. — En orsakir þessarar yfirvofandi kreppu eru margvísleg-
ar og verða vonandi raktar nokkuð í næsta hefti „Réttar".
Samtímis þessu brakar svo í völdum auðvalds yfir nýlenduþjóðum, —
Guinea (áður portúgölsk) og Mosambík öðlast frelsi, — og tök fasismans
þrjóta á þjóðum Grikkja og Portúgala. Jafnframt verður augljósara en fyrr
hvernig Bandaríkjastjórn og verkfæri hennar CIA hefur blandað sér í innan-
ríkismál fjölda ríkja: steypt stjórnum, undirbúið valdarán herforingja o. s.
frv. — Slíkar uppljóstranir koma auðsjáanlega illa við kaun þeirra manna
á Islandi, sem um fram allt vilja hafa bandarískan her og njósnastarfsemi
hér áfram.
Á Islandi er tekin við afturhaldsstjórn. Ljós er nú þegar sú árátta hennar
x-