Réttur - 01.07.1974, Blaðsíða 23
En þá kemur annað óhugnanlegt atriði
til sögunnar:
Herforingjar Bandaríkjanna hafa reiknað
með þeim möguleika allt frá því að de Gaulle
sleit hernaðarsamvinnu Frakka við Nato, að
Atlantshafsbandalagið kynni að leysast upp
og allur amerískur her að h.verfa frá Evrópu.
Bandalag þetta hefur byggst á drottinvaldi
dollarans og Bandaríkjanna. Hvorttveggja er
að brotna og Vestur-Evrópuríkin munu nú
verða að sýna sig sem sjálfstæða samfellda
heild, gagnvart vaxandi kreppu, ef þau ætla
að bjóða henni byrginn.
ÞEGAR NATO DEYR
En leysist hernaðarbandalögin upp, mun
bandaríska herforingjaráðið hafa undirbúið
áætlun um „útvarðstöðvar” sínar gagnvart
Evrópu (og Afríku). Þær eru: Grænland,
Island, írland, Asoreyjar, Grænhöfðaeyjar og
máski fleiri.
Bandaríkjaher ásældist Island 1945, vildi
fá hér gífurlegar herstöðvar til 99 ára. Hann
hefur farið hægar í sakirnar síðan Nato var
myndað og hann fékk næga aðstöðu á meg-
inlandi Evrópu. En Bandaríkjaher vill halda
aðstöðunni og einkum pólitísku tökunum
hér, til þess að geta, þegar þar að kæmi, sett
hér upp þær voldugu herstöðvar sem frjáls,
hugsandi íslensk þjóð neitaði honum um
1945. Það væri vissulega þægilegt fyrir hálf-
fasistíska herforingjastjórn amerísku auð-
hringanna, að geta haft ógnandi eldflauga-
og flotastöðvar á íslandi gegn róttækri Vest-
ur-Evrópu, er brotið hefði af sér drottinvald
dollararíkisins.
Það er að þessu sem stefnt er með því
að reyna að gera íslenska þjóð andlega und-
irorpna bandarísku valdi, svo ísland verði
í fyllingu tímans undirorpið bandarísku her-
valdi.
Sá áróður, sem hér er rekinn af ýmsum
aðilum, er liður í þessari herferð til að leggja
land og þjóð, — þjóðina fyrst, landið síðan,
— undir Bandaríkin, í eins ríkum mæli og
þau þarfnast.
Sá áróður, sem gera á þjóðina að andleg-
um umskiptingi og fá b.ana til að hætta að
hugsa sem sjálfstæð þjóð, er einn höfuðþátt-
ur þessarar herferðar, — „upplýsingastarf-
semin" eða svo notuð sé ljótara orð „per-
sónunjósnirnar" annar þáttur. Bandaríska
sendiráðið rak þær njósnir af miklum dugn-
aði á árum kalda stríðsins. Þeir, sem sóttu
um árimn til Bandaríkjanna eða unnu á
Vellinum, kunna að segja sögurnar frá því.
— Merktar kjörskrár vissra flokka munu og
hafa gert sitt gagn í þeirri „upplýsingastarf-
semi." — Og undirskriftasöfnun 55 þúsund-
anna er auðvitað hvalreki, sem CIA, sú
stofnun, sem vinnur að kollvörpun óþægra
stjórna og „hagræðingu" stjórnarfars, kann
að meta og nota. — Og til viðbótar við allt
þetta kemur svo hin eiginlega, leynilega
njósnarstarfsemi, sem CIA rekur í öllum
Nato-löndum á vegum Nato og samkvæmt
leynilegum ákvæðum í Atlantshafssamningn-
um, þar sem m.a. em spjaldskrár yfir alla
stjórnmálamenn, iðjuhölda o. s. frv., — og
alveg sérstaklega yfir alla „hættulega" menn,
sem þarf að „fjarlægja" undir sérstökum
kringumstæðum.
Baráttan gegn herstöðvunum nú stendur
í senn gegn núverandi hættu og skerðingu
sjálfstæðis vors og gegn enn ægilegri fram-
tíðarhættu. Það verður að meta allar aðgerð-
ir Bandaríkjahers og óvitandi sem vitandi
verkfæra hans út frá þessu langtímasjónar-
miði.
íslenzk þjóð á langa baráttu fyrir hönd-
um við bandaríska valdið og vélræði þess,
þar sem vér muniun þurfa á allri þrautseigju
þjóðar vorrar að halda. E. O.
159