Réttur - 01.10.1974, Blaðsíða 6
BÆTT FRAMKVÆMD
Með þessu fylgdu tvær lagagreinar, sem
ætlað var að bæta framkvæmd trygginga-
laga.
I fyrri greininni er ákveðið að setja skuli
löggjöf um sérstakan tryggingadómstól, en
til hans mætti vísa ágreiningi um bæmr.
Frumvarpið var samið, en náði ekki fram
að ganga Qg mun þar mestu hafa valdið
andúð lögfræðinga á sérdómstólum.
I síðari greininni er að finna ákvæði þess
efnis að starfsmönnum sjúkrasamlaga, starfs-
mönnum Tryggingastofnunarinnar og um-
boðsmönnum hennar sé skylt að kynna sér til
hlítar aðstæður umsækjenda og bótaþega og
gera þeim grein fyrir ýtrasta rétti þeirra.
Aður var aðeins að finna ákvæði um það,
að umsækjendum væri skylt að svara öllum
spurningum og veita allar upplýsingar án
þess að stofnunin hefði beinar skyldur á móti.
LAGABREYTINGAR 1972
í árslok 1972 voru aftur samþykkt lög
um breytingar á almannatryggingum. Með
þeim lagabreytingum var numið úr gildi
það ákvæði að sýslumenn og bæjarfógetar
skuli vera umboðsmenn Tryggingastofnun-
ar ríkisins utan Reykjavíkur.
I stað þess er það lagt á vald trygginga-
ráðs að ákveða stað, fyrirkomulag og rekstur
umboða. Með þessari lagabreytingu var haft
í huga að eðlilegt væri að sameina skrifstofu-
hald sjúkrasamlaga og tryggingaumboða.
Engin breyting hefur þó fengist fram í þess-
um efnum og kemur þar bæði til, tregða
tryggingaráðs og sýslumanna. I sömu grein
var sveitarfélagi heimilað að tilnefna sér-
stakan trúnaðarmann Tryggingarstofnunar-
innar, ef umboð stofnunarinnar starfa ekki
í sveitarfélaginu. Þóknun þessa trúnaðar-
manns á Tryggingarstofnunin að greiða.
198
Einstæðir feður, sem halda heimili fyrir
börn sín, fengu þá réttarbót að geta átt til-
kall til tilsvarandi launa og einstæðar mæður
fá.
Aðrar breytingar sem gerðar voru að
þessu sinni voru gerðar til þess að lögfesta
niðurfellingu persónuiðgjalda, og gjalda
sveitarfélaga til lífeyristrygginga, sem áður
höfðu verið ákveðin með ákvæðum bráða-
birgðalaga. Einnig var fjallað um ýmis mál
varðandi fyrirkomulag sjúkrasamlaga og
samninga við heilbrigðisstéttir.
LAGABREYTINGAR 1974 —
RÝMKUN TEKIUTRYGGINGAR
Þriðju lögin um breytingar á almanna-
tryggingum voru samþykkt á síðastliðnu
vori í þinglok.
Veigamesm atriði þeirra breytinga voru
rýmkun á tekjutryggingarákvæðum og
ákvæði um tannlæknaþjónustu.
Akvæðum um tekjutryggingu var breytt
á þann veg að í stað þess að uppbót á líf-
eyri lækkaði um sömu upphæð og aðrar tekj-
ur bótaþega námu, hve lágar sem þær voru,
byrjar skerðing uppbótar ekki fyrr en aðrar
tekjur nema kr. 3-125,00 á mánuði og síðan
um helming þeirra tekna sem umfram þá
upphæð eru.
TANNI.ÆKNAR í
SJÚKRATRYGGINGAKERFIÐ
Um tannlæknaþjónustu gildir eftirfarandi:
Frá 1. september 1974, skulu börn og
unglingar, 6—15 ára eiga rétt á ókeypis
tannlæknaþjónustu, þannig að sjúkrasamlög
greiða helming kostnaðar og sveitarfélög
helming. Miðað er við að þjónustan fari
fram hjá skólatannlækni á heilsugæslustöð,
eða á stofu tannlæknis sem samið hefur ver-